წყარმალუშ გოჸორი
წყარმალუშ გოჸორი — დიხაუჩაშ ჟიდოხი, სოვრეშეთ წყარი ზოხოიანი წყარმალუშ ვარ და წყარმალუშ რშვილს ენმიკათინუაფუ. ირი წყარმალუშ გოჸორი იკათუანს ჟიპიჯური დო დიხაშთუდოლენი წყარმაშაყარუეფს. ჟიპიჯური წყარმაშაყარუეფი დიხაუჩაშ ჟიპიჯიშ საგანო რე, ნამუშეთ წყარი წყარმალუშ რშვილს ვარა წყარმალუს ენმიკათინუაფუ.
დიხაშთუდოლენი წყარმაშაყარუ ფატარი ქანეფიშ შჷრეეფიე, ნამუშეთ წყარი წყარმალუშ რშვილს ენმიკათინუაფუ. თიშ გეშა ნამდა დიხაშთუდოლენი წყარმაშაყარუშ ხურგეფიშ დოდგინუა პრაქტიკულო ძნელიენ,წყარმალუშ გოჸორიშ გოხურგუაშ ბორც, ხვალე დიხაშთუდოლენი წყარმაშაყარუს გულისხმენა. ხურგეფი ზოხოიანი წყარმალუეფიშ გოჸორეფიშ შქას წყარგჷმართალეფს გჷთმოჸუნა.
არსებენს გჷმმალი და უგჷმმალი გოჸორეფი.
უგჷმმალს უძახუნა დინახლენკონტინენტური გიმნაველეფიშ არეეფს, ნამუეფით წყარმალუშ გეშა ოკიანეს ვა არცხუაფუნა. გჷმმალი გოჸორიშ ფორმა დო ზომა შხვადოშხვანერიე, მერცხუაფილიე ელჷ-მოლიშ გეოგრაფიულ პიჯალეფშა, რელეიფიშ დო გეოლოგიურ ეგაფილობაშა.
საგებიოშ უდიდაში წყარმაშაყარუ გოჸორი გარჩქუ წყარმალუ ამაზონს (7180 ათ. კმ²); თის მოჸუნს დიდი წყარმალუეფიშ კონგოშ (3 680 000 კმ²) დო მისისიპიშ (2,981,076 კმ²) გოჸორეფი.
