ჭანდეფი

ვიკიპედია ხასჷლაშე
გეგნორთი: ნავიგაცია, გორუა
Disambig-dark.svg შხვა შანულობეფშო ქოძირით ჭანდეფი (მიარეშანულამი).
Musca domestica

ჭანდეფი (Brachycera), ჭანდეფიშ გიმენრანწკი ჟირფსუამეფიშ რანწკიშე. რსხულიშ სიგჷრძა 1-შე 55 მმ-შახ იძანძჷ. პიჯიშ ორგანო ურცხული ჭყვა რე. თვათვეფიშ ბოლოს უღუნა 2-2 მიოწუალი, მუთ ქორსა ჟიდოხის გილახოხუაშ მეშქაშალას არზენა. ჭანდეფიშ მუნტური უკუჩხე რე, მეგეთონებჷ უდუდეთ. გორდილი ჭანდეფი ირძღუნა პეულიშ ნექტარით, ჩხოლარიშ ზისხირით, მაჸორიდუ მეკონობეფით, წვირეთ დო შხვა. მუნტურეფი ეთმიჯუმუაფნა ფურცელეფიშ დო ფოსვეფიშ მოსეფით. პარაზიტენა ჩხოლარულ მოსეფს დო ორგანოეფს. აფხვადუნა მუჭოთ მოცილე, თეში მორგე ბუნეფი. მოცილე ბუნეფ შქას რენა შინური ჩხოლარეფიშ (ვანაფერო ადამიერიშ) პარაზიტეფი, ზისხირიშმაწუალი ჭანდეფი, ბაქტერიეფიშ, ჰელმინთეფიშ მარქვალეფიშ გინმაღალარეფი, პროდუქტეფიშ დო კულტურული ჩანარეფიშ მონეეფი. მორგე ბუნეფ შქას რენა ჩანარეფიშ დუმატვერალეფი, მახვამილარეფი დო პარაზიტეფი, ნამუეფით მონე ჭანდეფს სპუნა. ჭანდეფი ფართას რენა მოდვალირი. გიმენრანწკის 70-შახ ფანია რე, ნამუეფიშ უმენტაშობა თაშნეშე საქორთუოშ ტერიტორიასჷთ რენა მოდვალირი.

ლიტერატურა[რედაქტირაფა]