ჭუკია (კომპიუტერი)

ვიკიპედიაშე
(გინოწურაფილი რე ჭუკი (კომპიუტერი)-შე)
ჭუკია

ჭუკიაკომპიუტერწკჷმა მუშობაშ ჟამს ეკრანს გჷმისახუ მოვალუე ვერტიკალური კურსორი. კურსორი ეკრანს მოძირანა სიმბოლოშ მითოღალაშ აბანს. მახვარებუს შეულებჷ გინააბანუას კურსორი ოკორნებელი მიოწურაფუთ კლავიატურას ჸოფილი კოპულეფიშ (ისარეფიშ) ეკაღანკალ კონჭეფიშ მეშქაშალათ. კურსორიშ გჷმორინაფა, გჷშაკერძაფილო გრაფიკულ ინფორმაციაწკჷმა მუშობას უხუჯური რე. კურსორიშ ნოთირუო გჷმირინუაფუ მანიპულატორი. ფართო ფაჩუა ძირჷ მანიპულატორეფქ ჯოხოდვალათ „ჭუკია“(Mouse) დო „ტრეკბოლი“. ტრეკბოლი ნორკებო რე გოფაჩილი. ჭუკია წჷმარინუანს პლასმასიშ ჭიჭე კოლოფის. ჭუკიაშ აბანდვალა ეკრანს ჭიჭე კოპულით რე ეკოღანკილი. კოპულიშ გინააბანალო დასაბაღი რე გინოააბანუათ ჭუკია სილაფართას.

ჭუკიას უღუ 2 კონჭი (ოძინჷ მულტიმედია ჭუკიეფიშ კონჭეფი). კონჭეფშა კითიშ გენჭირათ კომპიუტერს მიაჩამუ ზოჯუეფი. ჭუკია მანქანას მიარცხუაფუ კაბელით, COM1 გჷმათიშალით ვარა COM2 მიშაღალა — გჷშაღალაშ ადაპტერით (COM ჭუკეფი უკვე მოჯვეშაფილიე, ასე უკვე ხვარებასიე ლაზერული დო ოპტიკური ჭუკიეფი).