ხულო
| სტატუსი დაბა | |
|---|---|
| ჯოხო ხულო | |
| ქიანა | საქორთუო |
| ავტონომიური რესპუბლიკა | აჭარაშ ავტონომიური რესპუბლიკა |
| მუნიციპალიტეტი | ხულოშ მუნიციპალიტეტი |
| კოორდ.: | 41°38′40″ ო. გ. 42°18′50″ ბ. გ. |
| დაბა | 1964 წანაშე |
| ზუღაშ დონეშე | 923 მ. |
| მახორობა | 1007 კოჩი (2014) |
| ერუანული აკოდგინალუა | ქორთუეი |
| ტელ.კოდი | +995 423[1] |
| ოფოსტე ინდექსი | 6500[2] |
ხულო — დაბა აჭარაშ ავტონომიურ რესპუბლიკას, ხულოშ მუნიციპალიტეტიშ ადმინისტრაციული ცენტრი. ხულო იდვალუაფუ წყარმალუ აჭარისწყალიშ ლეხერს, ახალციხე-ბათუმიშ ოავტომობილე შარას, ზუღაშ დონეშე 923 მ-ს, ბათუმიშე 88 კმ-ს. 2014 წანაშ ეჭარუათ ხულოშ მახორობა აკმადგინანს 1007 ადამიერს. დაბას რე ადმინისტრაციული, კულტურული, განათლებაშ, ჭყანათელობაშ თხილუაშ ცენტრეფი. თაშნეშე ხულოს რე წარმებეფი.
ისტორია[რედაქტირაფა | წყუშ რედაქტირაფა]
ჯოხოდვალა „ხულოშ“ ჯვეში ფორმა რე „ხულა“, მუდგა შანენდჷ ოვაჭარე ჸუდეს. შქა ოშწანურეფს თაქ გიშმეშჷ ოვაჭარე-ოქარავანე შარა, ნამუთ სამცხე-ჯავახეთის გოდერძიშ ჸალაიბონით აჭარა-უჩა ზუღაშ პიჯიშ აკანწკჷმა მიორსხუანდჷ. ოსმალეფიშ პატჷნალაშ ბორჯის ჟიმოლე აჭარაშ პოლიტიკურ ცენტრიქ სხალთაშე ხულოშა გეგნორთჷ. დაბაშ სტატუსი მიღჷ 1964 წანას.
