ხუნძეფი

ხუნძეფიშ შილა

ხუნძეფი, ავარეფი (მუშითჯოხობუ магIарулал მაარულალ „გვალენარეფი“), დაღესტანიშ არძაშე უმოსი ანდარიცხუანი კათა, ნამუთ ანდიელეფწკჷმა დო დიდოელეფწკჷმა ართო აკმადგინანა ართ ბუნას. ოხორანა დაღესტანიშ ბჟადალუ ნორთის, წყარმალუ სულაკიშ გოჸორს. თინეფიშ ართი ნორთი ჭარ-ბელაქანსიე დოხორაფილი.

რუსეთიშ ფედერაციაშ ტერიტორიას მეხოლაფირაფათ 814 500 კოჩი.

ხუნძეფიშ ბადებაშ (წარმოშობაშ) ოკითხუე ეკონიაშ ვა რე კჷლაგორილი. მინი თინეფიშ ეთნონიმს პტოლემეს (II ოშწანურა) „საკარეფის“ უკავშირენს.

ხუნძური ნინა ორხველჸ კავკაციური ნინეფიშ დაღესტნური ბუნას. ხუნძეფიშ ჯინჯიერ საქვარაფა გვალას ორინჯალა რდჷ, რზენს — მედიხაფა. ორინჯალას თარი აბანი უკებუდუ შხურს. მეურნეულ ხასიათიქ გჷმიჭანუ ხელობაშ თიშნერი დარგეფიშ გოვითარაფა, მუჭომით რე მონტყორიშ ნაწარმიშ გოხაზირაფა (ნაბადეფი, შალეული, ნოხეფი, წინდეფი). ტყალამ ზონას მეთხოზუდეს ჯაშ დამუშებას. მენორსამი აბანი უკებუდუ ჭკადურობას. ოხორე ალპურ ზონას აშკარად გამოხატული გვალაშ ტიპიშ რდუ, თიშო დამახასიათებელი მაღალი სიმჭიდროვით, ტერასული ექსპოზიციათ დო მიარესართულამი ქუათ ნოგაფუ ოხორუ კომპლექსეფით, ნამუშ ვერტიკალურ გეგმას აბანდვალირი რდჷ სამეურნეო დო ოლიმური ელემენტეფი. საზოგადო ხორუაშ ჯინჯიერ უჯრედის წჷმარინუანდჷ ინდივიდუალური ფანია, მარა დიდი ფანიაშ გადმონაშთური ფორმეფი ხოლო არსებენდუ. მართუაშ უმაღალაშ ორგანო რდჷ ჯამაათი, რელიგია ისლამი (სუნიტეფი), უთხილანდეს ტრადიციეფს.

ლიტერატურა

ქორთული სხუნუეფიშ ენციკლოპედია, ალ. რობაქიძე, , ტ. XI, ხასჷლა 516, ქართი 1987 წანა.