ჯვეში კვებეკი
| ჯვეში კვებეკიშ ისტორიული რაიონი* | |
|---|---|
| იუნესკოშ მოსოფელიშ მონძალაშ ობიექტი | |
| |
| ქიანა |  კანადა
|
| ტიპი | კულტურული |
| კრიტერიუმეფი | iv, vi |
| ერკებული | იუნესკოშ ერკებული |
| რეგიონი** | ევროპა დო ოორუე ამერიკა |
| კოორდინატეფი | ო. გ. 93°21′00 ბდ. გ. |
| კათაფაშ ისტორია | |
| კათაფა | 1985 (მა-9 სესია) |
| ნომერი | 300 |
| * ქძ. ინგლ. ჯოხო UNESCO-შ ერკებულს. | |
| ** იუნესკოშით კლასიფიცირაფილი რეგიონი. | |
|
მოსოფელიშ მონძალა UNESCO, ობიექტი № 300 რუს. • ინგლ. • ფრ. |
ჯვეში კვებეკი (ფრანგ. Vieux-Québec) — კანადაშ ნოღა კვებეკიშ ართ-ართი კვარტალი. მუჭოთ წესინ, „ჯვეში კვებეკის“ გურიწყულენა ნოღაშ თი ნორთის, ნამუთ კიდალეფიშ დინოხოლე იდვალუაფუ, თიშ უმკუჯინუო, ნამდა ჯვეში სტრუქტურეფი ნოღაშ შხვა ნორთისჷთიე.
1750 წანაშო, კვებეკი ახალი საფრანგეთიშ უდიდაში ნოღა რდჷ დოხოლაფირო 8 000 მახორუთ. თინა რდჷ ფრანგული ღარჯილალობაშ ცენტრი ოორუე ამერიკას. თე ბორჯისჷთ, კვებეკი ჟირი ნოღათ ირთუდ. ჟიმოლენი ნოღა კიდალეფით რდჷ გომანგარაფილი დო იდვალუაფუდ წყარმალუშ დუც, გობირტყაფილ კლიფის. თაქინეშეს რდჷ გუბერნატორიშ ორენჯი დო ჭყანთხილუაშ გოჭყაფილობეფი. თუდოლენი ნოღა ონიშოლც წჷმარინუანდჷ, იდვალუაფუდ კლიფი დი წყარმალუშ შქას.
ჯვეში ნოღა ორდოამ XVII ოშწანურას ორხველჷ, მუჟამც 1620 წანას სამუელ დე შამპლენქ კამპ-დიამანიშ სტრატეგიული აბანი გიშეგორჷ სენ-ლუიშ შატოშ ეიოკიდალო. თეშ გეშა, ჯვეში კვებეკიქ ქესქილიდუ ძალიერი ოურდუმე დო ადმინისტრაციული ღარჯილალობა. თიწკჷმა, მუჟამც თუდოლენი ნოღა დოხორინელი რდჷ ვაჭარეფით დო მოხელეეფით, ჟინი ნოღას ოურდუმე პიჯეფი დო პაპეფი ოხორანდეს.
ოურდუმე ანგარიაქ ხანგინძას დონჩალჷ ნოღაშ გოფართინაფა. XIX ოშწანურაშ ეკონიას ბრელც ოკოდ ოფორტიფიკაციე ნოგაფუეფიშ აკორღვაფა, რახან მითმირჩქინანდეს, ნამდა თინეფი ურგენჯი რდჷ დო ხეს უნჩალუნდ ნოღაშ ურბანულ გოვითარაფას. თეშ უმკუჯინუო, გუბერნატორ დუფერენქ მაახერხჷ ჯვეში ნოღაშ ასქილიდაფა.
თიშ უმკუჯინუო, ნამდა 1950-იან წანეფს იწისუ გარკვიებული დეგრადაციან, 1970-იან წანეფს ჯვეში ნოღაშ რენესანსიშ პერიოდიქ ქჷდიჭყჷ.
ჯვეში კვებეკიშ ღჷმალიერი ისტორია ესახილიე ნოღაშ ოსხირეფც, ფორტიფიკაციეფც, დო ულირ ოშწანურეფც შხვა მიარე ნოდგჷმ-ნოგაფუობას. წოხოლენი მოითჷრეფიშ მონძეობა დო რაიონიშ სისქვამე თის გჷშაკერძაფილო უნიკალურო გჷნმაშქვანც.
1985 წანას ჯვეში კვებეკი იუნესკოქ სმოსოფელიშ მონძალაშ ობიექტეფიშ ერკებულშა გემშეღჷ.
ქოძირით თაშნეშე[რედაქტირაფა | წყუშ რედაქტირაფა]
რესურსეფი ინტერნეტის[რედაქტირაფა | წყუშ რედაქტირაფა]
