ჸილოშტყებამი

ჸილოშტყებამიშ უჯვეშაშ ნაჭარა

ჸილოშტყებამი — შოთა რუსთაველიშ ჩქინდა მულირი ხვათახვალე პოემა. პოემა ირთუ პროლოგო (გიოჭყაფუ), თარი ანბეთ დო ეპილოგო (დალია). დაჭყაფუს იჩიებუ̂ პოეზიაშენ დო ჸოროფაშენ, დო აქ პოეტი რაგადანს მუშ დუდიშენ:

• მე რუსთველი ხელობითა ... (მარგალურო: მა რუსთაველი ხელობათი)
• დავჯე, რუსთველმან გავლექსე... (მარგალურო: მა, რუსთველქ ლერსი დოპჭარი ...

პროლოგიშ ართი თიაქ (ესე ამბავი სპარსული... მარგ.: თენა ანბე სპარსული...) ეჭვი გარჩქინუ̂ პოემაშ ორიგინალობაშენ, მარა სპარსული ნინაშ ჯგირი მარჩქენჯი - ვახტანგ მა-6 ნორაგადუე: ”სპარსეთის ათერიგი ანბე შუროთ ვაარსებენდუა.”

პოემა 800 წანაშ გომალუობას ქორთუეფიშ თარი ოკითხე რდჷ. დოსქილადირი რე პოემაშ ხეშნაჭარა ტექსტეფი მა-17 ოშწანურაშ დაჭყაფშე დო ბრელი შხვადოშხვანერი რედაქციათ. თეშგურშენ დუდი ტექსტიშ აკონწყუალა ძნელი საქვარი რდჷ დო ბრელი ჯოხოშინელი ქორთუ̂ მენცარს აფუ ხე მუნათხუმა. ამდღარდღაშო ასეიან ტექსტოლოგიური მეთოდებით "ჸილოშტყებამიშ" დუდტექსტი ენწყუაფილიე.

"ჸილოშტყებამი" დო მარგალური ნინა

პოემაშ 2 მარგალური ნათანგა არსებენს: 40-ამ წანეფს კაკა ჟვანიაშ დო უკულიანი გედევან შანავაშ.

თანგუაშ მაგალითი

ქორთულ ორიგინალს:
ვერ დაიჭირავს სიკვდილსა, გზა ვიწრო, ვერცა კლდოვანი
მისგან ყოველი გასწორდეს, სუსტი და ძალგულოვანი
ბოლოს შეყარნეს მიწამან, ერთად მოყმე და მხცოვანი
სჯობს სიცოცხლესა ნაძრახსა, სიკვდილი სახელოვანი.

მარგალური ნათანგა (გედევან შანავაშ):
ღურუ ვაჭოფე ინწრა შარას, ვართ მუთუნნერი კირდე სკვილს
ართი ნერო ორწყე ინა, გერგეზის ქოთ დონთხაფილს
მარდუსუ დო რინა ჭკუმილს, ვაზოგულენს იღბალი ჭვილს
ჯოხო შინელი ღურა უჯგუ, რინას დუსლაფი გეწიმილს.

რესურსეფი ინტერნეტის

• ყილოშტყებამი; ტექსტი ქორთულ, რუსულ, ფრანგულ დო ინგლისურ ნინეფშა.
• ყილოშტყებამი; ტექსტი ქორთულ ნინაშა.
• შოთა რუსთაველი დო ყილოშტყებამი, ხენაჭარეფიშ ნაციონალური ცენტრიშ პროექტი