ISA
სალტე ISA(Industry standart architecture- სამრეწველო სტანდარტული არქიტექტურა) ბრელ წანაშ მიმალობას პერსონალური კომპიუტერეფიშ სტანდარტულ უნივერსალურ სალტეს წჷმარინუანდუ.
- სალტე ISA-8 ბიტი
ISA სალტეშ მაართა სტანდარტი 8-ბიტამი ვერსიას წჷმარინუანს. თინა ხვალე IBM XT-86 მოდელიშ პერსონალურ კომპიუტერების ფხვადუნა. სალტე მუშენს პროცესორიშ დო სისტემური პლატაშ სიფშხირეშა - 4,77 მჰც.
- სალტე ISA-16 ბიტი
ISAსტანდარტიშ გეჸვენჯი გოვითარაფას 16-თანრიგა ISA (AT-BUS) სალტე წჷმარინუანს. AT-BUS სლოტი ჟირი ნორთიშე აკმიდგჷმუ. ართი ნორთი ზუსტას მეურე 8-ბიტამი ISA სლოტის, დო მაჟირა ნორთი მუნაჩემეფიშ/ოწურაფალი, ჭყვადუაშ დო შუონაშა მანგურო მენჭაფაშ (DMA) თი გეძინელი სიგნალეფიშო რე დორხველი, ნამუეფით ხვალე 16-თანრიგა კონტროლერეფიშით გჷმირინუაფუ. თერიგო, 16-ბიტამ ISA სლოტის შილებე მუჭოთ 8, თაშნეშიშე 16-თანრიგა კონტროლერეფიშ გერინაფა.
- ISA სალტეს მუნაჩამუეფიშ გინოჩამა გეჸვენჯინერო ისრულებუ. დუდმაართათ ოწურაფალი სალტეშა გინიჩამუ შუონაშ უჯრედის ვარა მიშაღალა-გიმოღალაშ პორტიშ ოწურაფუთ, დო თეშ გეჸვენჯო მუნაჩამუეფიშ სალტეშა გინიჩამუ მუნაჩემეფი. მუზმარენი ტაქტიშ დაყოვნებაშ გეჸვენჯო გიჩამუ დინოჭარაშ სტროფი (სინქროსიგნალი). თეჟამს უჩინებუ რე, იჭიშუ თუ ვარი მუნაჩამუეფიშ დინოჭარუაქ. ათეშენი 16 თანრიგა ISA სალტეშ ომუშებელ სიხშირე დასაბაღო დაბალიე დო 8,33მჰც-ის აკმადგინანს, თიშენ ნამუდა არძაშე ნელმა მონწყილაფეფიქით "მაჭიშუან" მუნაჩამუეფიშ გოთირუა.
- ISA სალტეეფიშ ჯინჯიერი გლახა მუშობა (თვისება) დაბალი სწრაფქმენდალა რე. intel 80386 დო intel 80486 პროცესორეფიშ ოპტიმალური სატაქტო სიხშირეთ მუშობაშ ჟამს ISA სალტეეფი ვა უზრუნველყვენა მუნაჩამუეფიშ თიცალ სიჩქარეთ გინოჩამას, მუჭოთით თინეფს ცენტრალური პროცესორი ამუშენს. თე ჟამს პროცესორი ჩერთებუ (ჯინაშ ციკლეფი). ათეშენი ოხვილურქ გინირთჷ ახალი, უმოს მაღალი სწრაფქმენდალაშ მაღვენჯი სალტეეფიშ დამუშებაქ.
