აბდულა აჰმად ბადავი
| აბდულა აჰმად ბადავი عبد الله احمد بدوي | ||
 აბდულა 2006 წანას | ||
| მალაიზიაშ მა-5 პრემიერ-მინისტრი | ||
|---|---|---|
| პოსტის გერინაშ ბორჯი | ||
| 31 გჷმათუთა, 2003 – 2 პირელი, 2009 | ||
| მონარქი | საიედ სირაჯუდინი მიზან ზაინალ აბიდინი | |
| წიმოხონი | მაჰათჰირ მოჰამადი | |
| მონძე | ნაჯიბ ტუნ რაზაკი | |
| დუნაბადი | 26 გერგობათუთა, 1939 ბაიან-ლეპასი, ბრიტანეთიშ მალაია | |
| ნაღურა | 14 პირელი, 2025 (85 წანერი) კუალა-ლუმპური, მალაიზია | |
| ნთხორუ აბანი | გერგეზეფიშ მავზოლეუმი, ნეგარა, კუალა-ლუმპური | |
| მენოღალობა |  მალაიზია | |
| პოლიტიკური პარტია | რსხუშ პარტია (1964-1973) ბარისან ნასიონალი (1974-2025) გოართოიანაფილი მალაიარეფიშ ერუანული ორგანიზაცია (1964-2025) | |
| გონათაფა | მალაიზიაშ უნივერსიტეტი ოჯარალე ადმინისტრაციაშ ერუანული ინსტიტუტი | |
| რელიგია | ისლამი | |
| ხეშმოჭარუა |  | |
აბდულა აჰმად ბადავი (ჯავი. عبد الله بن احمد بدوي, დ. 26 გერგობათუთა, 1939 — ღ. 14 პირელი, 2025) — მალაიზიარი პოლიტიკოსი, მალაიზიაშ რანწკით მა-5 პრემიერ-მინისტრი 2003-2009 წანეფს.[1]
გურაფულენდჷ ისლამური თეოლოგიას მალაიზიაშ უნივერსიტეტის. პოლიტიკურ პროცესეფს ოკათუდჷ 1960-იან წანეფიშე. 1978 წანას გიშაგორილქ იჸუ მალაიზიაშ პარლამენტიშ მაკათურო.[2] უკულიანი პერიოდის უკინებუდჷ შხვადოშხვა შამულამი პოსტეფი. რდჷ გონათაფაშ მინისტრი, დუდთხილუაშ მინისტრი, გალენური საქვარეფიშ მინისტრი. 1999 წანას ქიდეკინჷ პრემიერ-მინისტრიშ (მაჰათჰირ მოჰამადი) გამაკოჩიშ პოსტი.[3] 2003 წანაშ გჷმათუთას, ბადავიქ ქიდეკინჷ პრემიერ-მინისტრიშ პოსტი.[4] მართუალაშ დაჭყაფუშე თინა მეთხოზუდჷ ანტი-კორუფციული დო ადმინისტრაციული რეფორმეფიშ პოლიტიკას. ბადავიქ ხუჯი დუკინჷ ისლამური რელიგიაშ უმოს პროგრესული დო მოდერნისტული ინტერპრეტაციას. ბადავიშ მანჯღვერალათ, 2004 წანაშ გიშაგორუეფს შანულამი გომორძგუა მიპალუ ბარისან ნასიონალიშ კოალიციაქ.[5] უკულიანი პერიოდის, ბადავიშ თარობაშო სერიოზული პრობლემა რდჷ ინფლაცია, ფასეფიშ ძინა, მახორობაშ ჸოფირალაშ ხარისხიშ გაუფრაშება. 2008 წანაშ გიშაგორუეფს მამართალი კოალიციაქ მიოდინუ უმენტაშობა პარლამენტის. შედეგო, 2009 წანაშ პირელს, ბადავიქ პრემიერ-მინისტრიშ პოსტიშე გეგნოდირთჷ.[6]
სქოლიო
[რედაქტირაფა | წყუშ რედაქტირაფა]- ↑ https://www.britannica.com/biography/Datuk-Seri-Abdullah-Ahmad-Badawi
- ↑ https://www.britannica.com/biography/Datuk-Seri-Abdullah-Ahmad-Badawi
- ↑ https://www.britannica.com/biography/Datuk-Seri-Abdullah-Ahmad-Badawi
- ↑ https://www.britannica.com/biography/Datuk-Seri-Abdullah-Ahmad-Badawi
- ↑ https://www.britannica.com/biography/Datuk-Seri-Abdullah-Ahmad-Badawi
- ↑ https://www.britannica.com/biography/Datuk-Seri-Abdullah-Ahmad-Badawi