აბდულა (საუდიშ არაბეთი)
| აბდულა | ||
 აბდულა 2007 წანას | ||
| საუდიშ არაბეთიშ მაფა დო პრემიერ-მინისტრი | ||
|---|---|---|
| პოსტის გერინაშ ბორჯი | ||
| 1 მარაშინათუთა, 2005 – 23 ღურთუთა, 2015 | ||
| წიმოხონი | ფაჰდი | |
| მონძე | სალმანი | |
| დუნაბადი | 1 მარაშინათუთა, 1924 ერ-რიადი, საუდიშ არაბეთი | |
| ნაღურა | 23 ღურთუთა, 2015 (90 წანერი) ერ-რიადი, საუდიშ არაბეთი | |
| ნთხორუ აბანი | ელ-უდიშ სასაფლა | |
| მენოღალობა |  საუდიშ არაბეთი | |
| მუმა | აბდულ აზიზ იბნ საუდი | |
| ნანა | ფაჰდა ბინტ ასი აშ-შურეიმი | |
| რელიგია | სუნიზმი | |
აბდულა ბინ აბდულაზიზ ალ საუდი (დ. 1 მარაშინათუთა, 1924 — ღ. 23 ღურთუთა, 1915) — საუდიშ არაბეთიშ მაფა დო პრემიერ-მინისტრი 2005-2015 წანეფს, საუდეფიშ დინასტიაშ წჷმმარინაფალი.
უკინებუდჷ შხვადოშხვა შამულამი პოსტეფი. რდჷ ნოღა მექაშ მერი, საუდიშ არაბეთიშ ერუანული გვარდიაშ სარდალი, დუდთხილუაშ მინისტრიშ გამაკოჩი. 1995 წანას, საუდიშ არაბეთიშ თიხანური მაფაქ, აბდულაშ ჯიმაქ, ფაჰდიქ ინსულტი მიღჷ დო პარალიზაფილო გინირთჷ. ჸათე ბორჯიშე ქიანაშ დე ფაქტო მამართალო წორეთ აბდულა რდჷ. ოფიციალურო ომაფე ხვისტაშა ეშართჷ 2005 წანას, ფაჰდიშ ღურაშ უკულ.[1] მართუალაშ ბორჯის, აბდულა ამერიკაწკჷმა დო ბრიტანეთიწკჷმა დახოლებაშ პოლიტიკას მეთხოზუდჷ. საუდიშ არაბეთიქ ამერიკაშე ქიჸიდჷ მილიარდობათ დოლარიშ ანჯარეფი. აბდულაქ ღურჷ 2015 წანაშ 23 ღურთუთას, 90 წანერქ. თიშ უკულ ხვისტაშა ეშართჷ სალმანიქ.[2] აბდულა მერჩქინელი რდჷ ართ-ართ უდინდარაშ მონარქო მოსოფელიშ მასშტაბით. 2011 წანას, ამერიკული ჟურნალ ფორბსიშ მეჯინათ, აბდულაშ დო თიშ ფანიაშ სინდიდრე დოხოლაფირო 21 მილიარდი ამერიკული დოლარი რდჷ.
- ↑ “Abdullah, King of Saudi Arabia.” Encyclopaedia Britannica. www.britannica.com/biography/Abdullah-king-of-Saudi-Arabia
- ↑ “Salman, King of Saudi Arabia.” Encyclopaedia Britannica. www.britannica.com/biography/Salman-king-of-Saudi-Arabia
 |
თე სტატია საუდიშ არაბეთიშ დო არაბეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |