აბდულ ქალამი

	ა. პ. ჯ. აბდულ ქალამი
	; ოფიციალურ პორტრეტი, 2002 წ.
ინდოეთიშ 11-ა პრეზიდენტი
პოსტის გერინაშ ბორჯი
	25 კვირკვე, 2002 – 25 კვირკვე, 2007
ვიცე-პრეზიდენტი	კრიშან კანტი, ბჰაირონ სინგ შეხავატი
პრემიერ-მინისტრი	ატალ ბიჰარი ვაჯპაი, მანმოჰან სინგი
წიმოხონი	კ. რ. ნარაიანანი
მონძე	პრატიბა პატილი
ინდოეთიშ თარობაშ თარ ომენცარე ელმაჩამალი
პოსტის გერინაშ ბორჯი
	გერგობათუთა, 1999 – გერგობათუთა, 2001
პრეზიდენტი	კ. რ. ნარაიანანი
პრემიერ-მინისტრი	ატალ ბიჰარი ვაჯპაი
წიმოხონი	პოსტიქ გიჭყჷ
მონძე	რაჯაგოპალა ჩიდამბარამი
ნაღურა	კვირკვე 27, 2015 (83 წანერი) ; შილონგი, მეგჰალაია, ინდოეთი
ღურაშ ბაძაძი	გურიშ გაჩერება
ნთხორუ აბანი	ა. პ. ჯ. აბდულ ქალამიშ მემორიალი, რამესვარამი
მენოღალობა	ინდოეთი
ერუანობა	ტამილი
პოლიტიკური პარტია	ზოხორინელი
მუმა	ჯაინულაბდინი
ნანა	აშიამა
გონათაფა	ჯეგე იოსებიშ კოლეჯი, მადრასიშ ტექნოლოგიურ ინსტიტუტი
ომენცარე ხარისხი	ინჟინერიაშ მაგისტრი
პროფესია	აეროკოსმოსურ მენცარი
საქვარუა	მენცარი, ჭარუ, პოლიტიკოსი
რელიგია	ისლამი
ჯილდოეფი	ბჰარატ რატნა (1997), პადმა ვიბჰუშანი (1990), პადმა ბჰუშანი (1981)
ხეშმოჭარუა
ვებ-საიტი	kalamcentre.com
	ჩინებული რე მუჭოთ „ინდოეთიშ მერაკეტე კოჩი“

ავულ პაკირ ჯაინულაბდინ აბდულ ქალამი (ინგლ. Avul Pakir Jainulabdeen Abdul Kalam Maraikkayar, ტამილ. அவுல் பகிர் ஜைனுலாப்தீன் அப்துல் கலாம்; დ. 15 გჷმათუთა, 1931 — ღ.27 კვირკვე, 2015) — ინდოარ აეროკოსმოსურ მენცარ დო სახენწჷფო მოღალე, ნამუსჷთ 2002-2007 წანეფს ინდოეთიშ პრეზიდენტიშ პოსტ უკებუდჷ.

დებადჷ დო მირდჷ მუსლიმურ ფანიას რამესვარამს, ტამილნადუს; ქალამქ დიგურჷ ფიზიკა დო აეროკოსმოსურ ინჟინერია. გეჸვენჯ ოთხ ვითწანურაშ განწეხანს თინა მუშენდჷ მუჭოთ მენცარ დო ომენცარე ადმინისტრატორი, თარო დუდთხილუაშ რკვიებაშ დო წუმოძინაშ (DRDO) დო ინდოეთიშ კოსმოსურ რკვიებაშ ორგანიზაციეფს (ISRO). თინა მეჭედელო რდჷ მერსხილ ინდოეთიშ ომენოღალე კოსმოსურ პროგრამაწკჷმა დო ოურდუმე რაკეტულ წუმოძინაშ შემუშებაწკჷმა. თინა ჩინებულ რდჷ მუჭოთ "ინდოეთიშ მერაკეტე კოჩი" (Missile Man of India) ბალისტიკური რაკეტეფიშ დო გოტებაშ აპარატეფიშ ტექნოლოგიეფიშ წუმოძინაშა მიშნაღელ თიაშ გეშა. თაშნეშე, თიქ გინმაჭყვიდირე როლ ილაჸაფჷ 1998 წანაშ პოკჰრან-II გვირზილურ ცადებეფიშ ორგანიზაციულ, ტექნიკურ დო პოლიტიკურ ოკითხირეეფს, ნამუთ რდჷ ინდოეთიშ მაჟირა თეცალ ცადება 1974 წანაშ პირველ ცადებაშ უკული.

2002 წანას, კალამქ გიშაგორილქ იჸუ ინდოეთიშ პრეზიდენტო, მუჭოთ გამაგე ბჰარატია ჯანატა პარტიაშ (BJP), თაშნეშე თიწკჷმაიან ოპოზიციურ ინდოეთიშ ერუანული კონგრესიშ ალარინათ. თის ფართოთ უძახჷდეს „კათაშ პრეზიდენტის“. პრეზიდენტალაშ უკულ თინა დაკებულ რდჷ პედაგოგიკათ, ჭარუათ დო ჯარალობურ ნინალათ. თინა რდჷ ანდა ჯილდოშ მოღვენი, თინეფს შქას ბჰარატ რატნაშ, ნამუთ ინდოეთიშ უმაღალაშ ომენოღალე საპატიცემო ჯილდო რე.

შილონგიშ მენეჯმენტიშ ინსტიტუტის ლექციაშ კითხირიშ ბორჯის, ქალამქ ქუდანთხჷ დო 2015 წანაშ 27 კვირკვეს, 83 წანაშ ხანს, ორჩანიეთ გურიშ გაჩერებათ დოღურჷ. ვითოშობათ ადამიერქ ქაკათჷ გუმოშვიდებაშე ცერემონიას, ნამუთ თიშ ოდაბადე ნოღა რამესვარამს იმანჯჷნ, სოდეთ თინა რსულ სახენწჷფო პატჷცემათ დონთხორეს. თიშ პატიოცემელო რამესვარამს ა. პ. ჯ. აბდულ ქალამიშ ერუანულ მემორიალქ გინწყჷ.

თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.

რესურსეფ ინტერნეტის

Official website Archived 27 February 2021 ვებ-ხასჷლას Wayback Machine.
Website of Dr. APJ Abdul Kalam during his tenureship as the President of India, hosted by the National Informatics Centre
აბდულ ქალამი — კინოფილმეფიშ ინტერნეტ მუნაჩემეფიშ ბაზას (ინგლისური)