ადამიერიშ სექსუალურ რჯება
.jpg)
ადამიერიშ სექსუალურ რჯება, სექსუალური პრაქტიკა, სექსუალური აქტივობა ვარ-და ძალამ ფართო სმებათ სექსი — აქტივობეფიშ ართობურობა, ნამუსჷთ ადამიერეფ ოკათჷნა დო ნამუეფშათ, მუჭოთ წესი, მიშმურს ფიზიკური სიახოლა, რეპროდუქციულ ორგანოეფწკჷმა (გენიტალიეფწკჷმა) ვარ-და ეროგენულ ზონეფწკჷმა ფიზიკურ კონტაქტ დო ეროტიკული სტიმულაციაშ ირნერ კომბინაცია. სექსუალურ აქტეფი იძანძჷ ხვალე რსულებურ აქტივობეფშე (სამანგ. მასტურბაცია) შხვა პიჯწკჷმა (სამანგ. სექსუალურ აქტი, ვაპენეტრაციულ სექსი, ორალურ სექსი დო თ.უ.)[1] ვარ-და მუსხირენ პიჯწკჷმა (სამანგ. ორგიეფი) რსულებურ აქტეფშახ, შხვადოშხვა სიშხირათ დო შხვადოშხვა ბაძაძით. სექსუალურ აქტივობა რჩქვანელობურო გჷმიჭანუანს სექსუალურ ეფურაფას დო ფიზიოლოგიურ თირუეფს ეფურაფილ პიჯეფს, ნამუეფშე ნამთინე არგამა რე, შხვეფს — უმოსო ფაცქია. გოთანჯილ რჯებაშ ღანკ რე შხვაშ სექსუალურ ინტერესიშ გოძინა ვარ-და შხვა ადამიერწკჷმა დო ვარდა ზოხოიან ინდივიდეფს შქას უკვე რინელ სექსუალური რინაშ გაუჯგუშება (სამანგათ, პრელუდია ვარ-და ბდსმ).
კონკრეტულ აქტივობეფი, მუნერით რე პარტნიორიშ გორუაშ ვარ-და მონჭაფაშ სტრატეგიეფ (ფლირტი, არშიყი დო დემონსტრაციულ რჯება), რჩქვანელობურო ვეკოროცხჷ სექსო, მორო თინეფ შხირას გჷმირინუაფუ სექსუალურ ეფურაფაშო დო უმოსო არგამა სექსუალურ აქტივობეფიშო.
ადამიერიშ სექსუალურ აქტივობას უღჷ სოციოლოგიური, კოგნიტური, ემოციური, რჯებაშურ დო ბიოლოგიურ ასპექტეფი. თინა იკათუანს პერსონალურ რსხუაფას, ემოციეფიშ ურთიართგოთირუას, რეპროდუქციული სისტემაშ ფიზიოლოგიას, სექსუალურ მენტებას, სექსუალურ აქტის დო სექსუალურ რჯებას არძა მუშ ფორმატის.
კანკალე კულტურას სექსუალურ აქტივობა მეღებულო იკოროცხჷ ხვალე გურგინუაშ ფარგანეფს, თინწკჷმა მუჟანსჷთ გურგინუაშახიან დო გურგინუაშგალენ სექს ტაბუირებულ რე. კანკალე სექსუალურ რჯებაშ გვარობა უკანონო რე ირდიხას ვარ-და კანკალე ქიანას დო ვარ-და სუბერუანულ იურისდიქციეფს]], ნამთინე — გოთანჯილ ჯარალუეფიშ ვარ-და კულტურეფიშ ნორმეფიშ აწმარინჯეთ იკოროცხჷ. ჟირ სამანგა, ნამუთ დახე არძა იურისდიქციას კრიმინალურ დჷნოშებუთ იკოროცხჷ, რე სექსუალურ ნძალება დო სექსუალურ აქტივობა პიჯწკჷმა, ნამუთ აბანობურ კანონით გოთანჯილ სექსუალურ ოჸიაშ რსულხანობაშ გიმე რე.
გეძინელ ოკითხირე
[რედაქტირაფა | წყუშ რედაქტირაფა]
- Durex Global Sex Survey 2005 (PDF) at data360.org
- (2009) How we do it: how the science of sex can make you a better lover. New York: Broadway Books. ISBN 978-0-7679-3028-4.
სქოლიო
[რედაქტირაფა | წყუშ რედაქტირაფა]- ↑ (2021) Introduction to Psychiatry: Preclinical Foundations and Clinical Essentials. Cambridge University Press, ხს. 454. ISBN 978-0-521-27984-0.