ადოლფო სუარესი

	ადოლფო სუარესი; Adolfo Suárez
	; სუარესი 1979 წანას
ესპანეთიშ პრემიერ-მინისტრი
პოსტის გერინაშ ბორჯი
	5 კვირკვე, 1976 – 26 ფურთუთა, 1981
მონარქი	ხუან კარლოს I
წიმოხონი	კარლოს არიას ნავარო
მონძე	ლეოპოლდო კალვო-სოტელო
ნაღურა	23 მელახი, 2014 (81 წანერი); მადრიდი, ესპანეთი
ნთხორუ აბანი	ავილაშ ოხიდა
მენოღალობა	ესპანეთი
პოლიტიკური პარტია	დემოკრატიული ცენტრიშ რსხუ (1977-1982); დემოკრატიული დო სოციალური ცენტრი (1982-1991)
ალმასქუ	ამპარო ილიანა
სქუალეფი	5
გონათაფა	სალამანკაშ უნივერსიტეტი
საქვარუა	იურისტი, პოლიტიკოსი
ხეშმოჭარუა

ადოლფო სუარეს გონსალესი (ესპ. Adolfo Suárez González, დ. 25 ეკენია, 1932 — ღ. 23 მელახი, 2014) — ესპანარი იურისტი დო პოლიტიკოსი, ესპანეთიშ პრემიერ-მინისტრი 1976-1981 წანეფს.

გურაფულენდჷ იურისპრუდენციას სალამანკაშ უნივერსიტეტის.^[1] პოლიტიკური კარიერა დიჭყჷ ფრანკოშ რეჟიმიშ მართუალაშ ბორჯის.^[2] 1960-1970 იან წანეფს უკინებუდჷ შხვადოშხვა ადმინისტრაციული პოსტეფი: დიო სახენწჷფო მედიას დო უკულ ოთარობე სტრუქტურეფს.^[3] 1975 წანას დოღურჷ ფრანკოქ დო ესპანეთის ქიდიჭყჷ პოლიტიკური ტრანსპორმაციაშ პერიოდიქ.^[4] 1976 წანას, ესპანეთიშ მაფა ხუან კარლოს I-ქ სუარესი ქუდარინუ პრემიერ-მინისტრო.^[5] სუარესიშ მანჯღვერალათ, ესპანეთის იმანჯჷ შხვადოშხვა დემოკრატიული რეფორმეფქ: 1976 წანას მიღეს პოლიტიკური რეფორმაშ აქტი, ნამუსჷთ კაბეტი შაბულობა უღუდჷ პოლიტიკური პლურალიზმიშო დო დემოკრატიული გიშაგორუეფიშ ლეგალიზაციაშო.^[6] სუარესიშ რეფორმეფიშ შედეგო, ლეგალიზაფილქ იჸუ აკრძალული პარტიეფქ, მაგალთო ესპანეთიშ კომუნისტური პარტიაქ.^[7]

სუარესი დუდენდჷ ცენტრისტული პოლიტიკური კოალიციას (დემოკრატიული ცენტრიშ რსხუ), ნამუქჷთ 1977 წანაშ საპარლამენტო დემოკრატიული გიშაგორუეფს გემორძგჷ.^[8] თენა რდჷ მაართა პრეცენდენტი ესპანეთის 1930-იან წანეფიშ უკულ. ფრანკოშ რეჟიმიშ მართუალაშ მიმალობას, მუშო ოკო რაგად, დემოკრატიული გიშაგორუეფი ვამანჯებე. სუარესიშ ინიციატივათ, 1978 წანას, მეღებულქ იჸუ ახალი კონსტიტუციაქ, ნამუქჷთ ესპანეთის ოფიციალურო გაჭყჷ საპარლამენტო დემოკრატია, საკონსტიტუციო მონარქიათ.^[9] ახალი კონსტიტუციაშ შედეგო ესპანეთიქ ოფიციალურო ქიჩინჷ ომენოღალე დუდიშულობა, რეგიონალური ავტონომიეფი დო დემოკრატიული ინსტიტუციეფი.

1970-იან წანებიშ დათებუშე სუარესიშ თარობას ბრელ სერიოზულ პრობლემაქ ქაშუ: გეუფრაშჷ ეკონომიკაქ, არდგილი უღუდჷ პოლიტიკური პოლარიზაციას. თაშნეშე შანულამი საფრთხე რდჷ ტერორიზმი (მაგალთო "ეტა").^[10] 1981 წანაშო სუარესიქ პოსტიშე გეგნოდირთჷ.^[11] უკულ მალას, არმიაქ მანწყუ სახენწჷფო გინორთა, ნამუშ ღანკი რდჷ დემოკრატიული სისტემაშ დოხუაფა.^[12] გინორთაქ წჷმოძინელქ ვეჸუ დო ესპანეთის დემოკრატიაქ გინასქიდჷ.

1982 წანას, სუარესიქ დარსხუ ახალი პოლიტიკურო პარტია დემოკრატიული დო სოციალური ცენტრი, მარა თის მუთუნნერი პოლიტიკური შანულობაშა ვემუჭირინუაფჷ.^[13] 1990-იან წანეფიშე სუარესიქ ოჯარალე ოფირჩა ქიდიტუ, მუშენდა ალცჰაიმერიშ ლახარათ ქიდელახჷ.^[14] სუარესიქ ღურჷ 2014 წანაშ 23 მელახის, 81 წანერქ.^[15]

ადოლფო სუარესი მერჩქინელი რე ესპანეთიშ დემოკრატიაშ არქიტექტორო დო თეხანური ესპანური პოლიტიკური სისტემაშ დუმარსხუაფალო.^[16]

ქოძირით თაშნეშე

ესპანეთიშ პრემიერ-მინისტრი

სქოლიო

[1] ttps://www.britannica.com/biography/Adolfo-Suarez-Gonzalez

[2] ttps://www.theguardian.com/world/2014/mar/23/adolfo-suarez

[3] ttps://www.britannica.com/biography/Adolfo-Suarez-Gonzalez

[4] ttps://www.bbc.com/news/world-europe-26759016%5Bღურელ+რსხილი%5D

[5] ttps://www.britannica.com/biography/Adolfo-Suarez-Gonzalez

[6] ttps://www.lamoncloa.gob.es/lang/en/gobierno/history/Paginas/index.aspx

[7] ttps://www.independent.co.uk/news/obituaries/adolfo-suarez-spain-s-first-democratically-elected-prime-minister-who-oversaw-the-transition-from-the-country-s-franco-years-9212529.html

[8] ttps://www.britannica.com/topic/Union-of-the-Democratic-Centre

[9] ttps://www.britannica.com/place/Spain/Democratic-Spain

[10] ttps://www.bbc.com/news/world-europe-26759016%5Bღურელ+რსხილი%5D

[11] ttps://www.theguardian.com/world/2014/mar/23/adolfo-suarez

[12] ttps://www.britannica.com/event/Spanish-coup-attempt-of-1981

[13] ttps://www.britannica.com/topic/Democratic-and-Social-Centre

[14] ttps://www.theguardian.com/world/2014/mar/23/adolfo-suarez

[15] ttps://www.bbc.com/news/world-europe-26759016%5Bღურელ+რსხილი%5D

[16] ttps://www.britannica.com/biography/Adolfo-Suarez-Gonzalez

[1]

[2]

[3]

[4]

[5]

[6]

[7]

[8]

[9]

[10]

[11]

[12]

[13]

[14]

[15]

[16]