ალან გარსია პერესი
| ალან გარსია პერესი ესპ. Alan García Pérez | ||
 ალან გარსია პერესი 2010 წანას | ||
| პერუშ პრეზიდენტი | ||
|---|---|---|
| პოსტის გერინაშ ბორჯი | ||
| 28 კვირკვე, 2006 – 28 კვირკვე, 2011 | ||
| წიმოხონი | ალეხანდრო ტოლედო | |
| მონძე | ოლიანტა უმალა | |
| პოსტის გერინაშ ბორჯი | ||
| 28 კვირკვე, 1985 – 28 კვირკვე, 1990 | ||
| წიმოხონი | ფერნანდო ბელაუნდე ტერი | |
| მონძე | ალბერტო ფუხიმორი | |
| დუნაბადი | 23 მესი, 1949 ლიმა, პერუ | |
| ნაღურა | პირელი 17, 2019 (69 წანერი) ლიმა, პერუ | |
| მენოღალობა |  პერუ | |
| პოლიტიკური პარტია |  აპრა | |
| ალმასქუ | 1. კარლა ბუსკალია 2. პილარ ნორესი | |
| სქუალეფი | 6 | |
| გონათაფა | სან-მარკოსიშ ერუანული უნივერსიტეტი პარიზიშ უნივერსიტეტი მადრიდიშ უნივერსიტეტი კომპლუტენსე | |
| რელიგია | კათოლიციზმი | |
| ხეშმოჭარუა |  | |
ალან გაბრიელ ლუდვიგ გარსია პერესი (ესპ. Alan Gabriel Ludwig García Pérez; დ. 23 მესი, 1949 — ღ. 17 პირელი, 2009) — პერუალი პოლიტიკოსი, პერუშ პრეზიდენტი 1985-1990 დო 2006-2011 წანეფს.
გურაფულენდჷ ლიმას, მადრიდის დო პარიზის. გურაფაშ თებაშ უკულ, პერუშა დირთჷ დო 1976 წანას ქაკათჷ მეკვარჩხანე-ცენტრისტული ამერიკაშ ოკათე-რევოლუციური ალიანსის (აპრა). პარტიაშ დინახალე გარსიაქ დუდი გიმირჩქინჷ მუჭოთ ნიჭიერი დო ქარიზმატული ორატორქ. 1980 წანას გარსიაქ გიშაგორილქ იჸუ პერუშ კონგრესიშ მაკათურო. 1985 წანას გინირთჷ პარტიაშ ლიდერო. 1985 წანაშ საპრეზიდენტო გიშაგორუეფს გემორძგუ გარსიაქ დო გინირთჷ პერუშ არძაშე უმოსი ახალნორდი პრეზიდენტო. პრეზიდენტიშ პოსტიშ დაკინებაშ ბორჯის გარსია 36 წანერი რდჷ.
გარსიაშ პრეზიდენტობაშ მაართა ვადაქ წჷმოძინელქ ვეჸუ. საბანკო სექტორიშ ნაციონალიზაციაქ ეკონომიკაშო კაბეტი ნეგატიური გოლინა იღვენუ. ინფლაციაქ 7,500 %-ს ქიმიოჭირინუ, ქიმიძინჷ სიღარიბექ. დოხოლაფირო ხუთი მილიონი პერუალქ სიღარიბეს ქინანთხჷ. პერუშ სტაბილურობაშო სერიოზული საფრთხეს წჷმარინუანდჷ რადიკალური რევოლუციურ-ტერორისტული ორგანიზაცია სინთიერი შარა, ნამუთ გარსიაშ თარობაშ მეხჷ გიშმეშჷ. პრეზიდენტიშ პოსტიშე ულაშ უკულ, ოპოზიცია გარსიას კორუფციაშ დანაშურეფს ეკმადვანდჷ. 1992 წანას თიქ საფრანგეთიშა გეგნიხორჷ, მარა აპრა-შ დინახალე იშენ სქიდუდჷ გოლინიანი პოლიტიკოსო. 2001 წანას გარსიაქ პერუშა დირთჷ დო კინ გაგინძორჷ მუში პარტიაშ მანჯღვერალა. თე წანას თინა მონაწილენდჷ საპრეზიდენტო გიშაგორუეფს, მარა ალეხანდრო ტოლედოწკჷმა დემარცხჷ.
გიშაგორუეფიშ უკულ, გარსიაქ გაგინძორჷ პოლიტიკური აქტივიზმი დო შანულამი პოპულარობა მიპალუ ოსურეფს დო ახალნორდეფს შქას. 2006 წანაშ საპრეზიდენტო გიშაგორუეფს გარსიაქ გემორძგუ დო მაჟირაშა ქიდეკინჷ პრეზიდენტიშ პოსტი. გარსიაშ პრეზიდენტობაშ მაჟირა ვადა უმოსი წჷმოძინელი რდჷ. პერუქ მიოჭირინუ შანულამი ეკონომიკური წჷმოძინეფს, დეჭიჭარჷ ინფლაციაქ, დერკუ სიღარიბექ. 2007 წანას გარსიაქ, ამერიკაწკჷმა ხე ქჷმაჭარჷ დუდიშული ვაჭარუაშ ხეკულუას. გარსიაშ მაჟირა საპრეზიდენტო ვადაქ 2011 წანაშ კვირკვეს გესურჷ. პოსტიშე ულაშ უკულ, გარსია იშენ მონაწილენდჷ პოლიტიკური პროცესეფს, მარა თის ფშხირას აბრალუაფუდეს კორუფციას დო რთამიშ ეჭოფუას. 2019 წანაშ 17 პირელს, პერუშ პოლიციას ულამუდჷ თიში ჭოფუა, მარა ჭოფუაშ მომენტის გარსიაქ დუდშა ტყვია ქიჸოთჷ. ნჭყოლირი გარსია კლინიკაშა გეგნიჸონეს, სოდეთ თიქ ოპერაციაშ მიმალობას დოღურჷ.
ქოძირით თაშნეშე
[რედაქტირაფა | წყუშ რედაქტირაფა]