ალბერტ შპეერი
| ალბერტ შპეერი Albert Speer | ||
 შპეერი 1933 წანას | ||
| აკოანჯარაფაშ დო ოლჷმე მოხაზირაფაშ რაიხმინისტრი | ||
|---|---|---|
| პოსტის გერინაშ ბორჯი | ||
| 8 ფურთუთა, 1942 – 30 პირელი, 1945 | ||
| კანცლერი | ადოლფ ჰიტლერი | |
| წიმოხონი | ფრიც ტოდტი | |
| მონძე | კარლ ზაური | |
| პოსტის გერინაშ ბორჯი | ||
| 5 მესი, 1945 – 23 მესი, 1945 | ||
| პრეზიდენტი | კარლ დენიცი | |
| წიმოხონი | ვალტერ ფუნკი (მუჭოთ ეკონომიკაშ მინისტრი) | |
| მონძე | პოსტიქ გეუქვჷ | |
ორგანიზაცია ტოდტიშ მადუდე | ||
| პოსტის გერინაშ ბორჯი | ||
| 8 ფურთუთა, 1942 – 14 პირელი, 1944 | ||
| წიმოხონი | ფრიც ტოდტი | |
| მონძე | ფრანც ქსავერ დორში | |
| დუნაბადი | 19 მელახი, 1905 მანჰაიმი, გერმანია | |
| ნაღურა | 1 ეკენია, 1981 (76 წანერი) ლონდონი, ინგლისი | |
| პოლიტიკური პარტია | ნაცისტური პარტია (1931-1945) | |
| გონათაფა | ბერლინიშ ტექნიკური უნივერსიტეტი მიუნხენიშ ტექნიკური უნივერსიტეტი კარლსრუეშ უნივერსიტეტი | |
| საქვარუა | არქიტექტორი, სახენწჷფო მოღალე, პოლიტიკოსი, ჭარუ | |
| ხეშმოჭარუა |  | |
ბერტოლდ კონრად ჰერმან ალბერტ შპეერი (გერმ. Berthold Konrad Hermann Albert Speer; დ. 19 მელახი, 1905 — ღ. 1 ეკენია, 1981) — გერმანალი არქიტექტორი, აკოანჯარაფაშ დო ოლჷმე მოხაზირაფაშ რაიხმინისტრი 1942-1945 წანეფს. რდჷ ადოლფ ჰიტლერიშ მაჸალე დო მოხუჯე. გასამართეს ნიურნბერგიშ პროცესის დო ეჩი წანათ ჯიხას ქუდახუნეს.
გურაფულენდჷ კარლსრუეს, მიუნხენს დო ბერლინს. 1927 წანას მიპალუ არქიტექტორიშ ლიცენზია დო თე სპეციალობათ მუშენდჷ. 1931 წანას ქაკათჷ ნაცისტური პარტიას დო მალას ადოლფ ჰიტლერიშ ართ-ართ სანდო მოხუჯეთ გინირთჷ. ჰიტლერიშ ზოჯალათ, შპეერქ ეიოგჷ რაიხსკანცელარია დო ცეპელინფელდიშ სტადიონი ნიურნბერგის, სოდეთ პარტიაშ დემონსტრაციეფი იტარებუაფუდჷ. 1942 წანას ჰიტლერქ შპეერი ქუდარინუ აკოანჯარაფაშ დო ოლჷმე მოხაზირაფაშ რაიხმინისტრო. მაჟირა მოსოფელიშ ლჷმაშ მიმალობას შპეერიშ სამინისტრო დოლმახორეეფიშ ხანდას აქტიურო ირინუანდჷ. შპეერიშ დუდალათ შანულამო გედიდჷ ოლჷმე პროდუქტეფიშ დო ანჯარეფიშ წარმებაქ, ნამუსჷთ "აკოანჯარაფაშ სასწაულს" უძახუდეს. მაჟირა მოსოფელიშ ლჷმაშ უკულ, შპეერი ოჭოფეს, გასამართეს, ქეკადვეს ლჷმაშ დანაშურეფი დო გეგშუღეს ეჩი წანათ ჯიხას დოხუნაშ განჩინება. შპეერი ჯიხაშე 1966 წანას გადუდიშულეს. ალბერტ შპეერი რე ავტორი ავტობიოგრაფიული ნახანდეფიშ: "მასუმა რაიხიშ დინახალე" (1969), "შპანდაუ: ნაფულა დღარეფი" (1975), "ინფილტრაცია" (1981), ნამუეფქჷთ შანულამი პოპულარობა მიპალუ დო ბესტსელერეფო გინირთჷ. შპეერი ანტკიცენდჷ ნამდა ჰოლოკოსტიშ გეშა მუთუნ ვაუჩქჷდჷ.