ალგირდას ბრაზაუსკასი
| ალგირდას ბრაზაუსკასი Algirdas Brazauskas | ||
 ბრაზაუსკასი 2005 წანას | ||
| ლიეტუვაშ პრეზიდენტი | ||
|---|---|---|
| პოსტის გერინაშ ბორჯი | ||
| 25 გერგობათუთა, 1992 – 25 ფურთუთა, 1998 | ||
| წიმოხონი | ვიტაუტას ლანდსბერგისი (მუჭოთ ლიეტუვაშ უჟინაში სხუნუშ დუდმახვენჯი) | |
| მონძე | ვალდას ადამკუსი | |
| პოსტის გერინაშ ბორჯი | ||
| 3 კვირკვე, 2001 – 1 მანგი, 2006 | ||
| პრეზიდენტი | ვალდას ადამკუსი როლანდას პაქსასი ვალდას ადამკუსი | |
| წიმოხონი | ეუგენიუს გენტვილასი | |
| მონძე | ზიგმანტას ბალჩიტისი | |
| დუნაბადი | 22 ეკენია, 1932
როკიშკისი, ლიეტუვა | |
| ნაღურა | მანგი 26,, 2010 (77 წანერი)
ვილნიუსი, ლიეტუვა | |
| ნთხორუ აბანი | ანტაკალნისიშ სასაფლა | |
| მენოღალობა |  სსრრ ლიეტუვა | |
| პოლიტიკური პარტია | ლიეტუვაშ კომუნისტური პარტია სხუნუეფიშ რსხუშ კომუნისტური პარტია ლიეტუვაშ დემოკრატიული ხანდაშ პარტია ლიეტუვაშ სოციალ-დემოკრატიული პარტია | |
| ალმასქუ | 1. იულია ბრაზაუსკენე 2. ქრისტინა ბრაზაუსკენე | |
| სქუალეფი | 2 | |
| გონათაფა | კაუნასიშ ტექნოლოგიური უნივერსიტეტი | |
| ხეშმოჭარუა |  | |
ალგირდას მიკოლას ბრაზაუსკასი (დ. 22 ეკენია, 1932 — ღ. 26 მანგი, 2010) — ლიეტუვარი პოლიტიკოსი, ლიეტუვაშ პრეზიდენტი 1993-1998 წანეფს დო პრემიერ-მინისტრი 2001-2006 წანეფს.[1] ბრაზაუსკასი რდჷ პოსტსხუნუური ლიეტუვაშ მაართა დემოკრატიულო გიშაგორილი პრეზიდენტი.
გურაფულენდჷ კაუნასიშ ტექნოლოგიურ უნივერსიტეტის, ნამუთ გათუ 1956 წანას.[2] უკულ მოღალენდჷ სხუნუეთიშ ოურდუმე-ოზუღე ნძალეფს. 1960-იან წანეფშე მუშენდჷ პარტიულ სტრუქტურეფს. 1974 წანას თხილუ ოდოქტორე დისერტაცია ეკონომიკას. შხვადოშხვა ბორჯის, ბრაზაუსკასის უკებუდჷ შხვადოშხვა შამულამ პოსტეფი. 1977-1987 წანეფს რდჷ ლიეტუვაშ კომუნისტური პარტიაშ ცენტრალური კომიტეტიშ მელამოსე. 1988 წანას გინირთჷ ლიეტუვაშ კომუნისტური პარტიაშ მაართა მელამოსეთ.[3] ბრაზაუსკასიშ მანჯღვერალათ, ლიეტუვაშ კომუნისტური პარტიაქ გიშელჷ სხუნუეფიშ რსხუშ კომუნისტური პარტიაშ აკოდგინალუაშე დო გეგნიკეთჷ ლიეტუვაშ დემოკრატიული ხანდაშ პარტიათ.
სხუნუეთიშ აკოცჷმაშ დო ზოხორინელი ლიეტუვაშ გოჭყაფაშ უკულ, ბრაზაუსკასი, 1992 წანას მონაწილენდჷ საპარლამენტო გიშაგორუეფს. 1992 წანაშ გერგობათუთას, ბრაზაუსკასიქ ქიდეკინჷ ლიეტუვაშ სეიმიშ სპიკერიშ პოსტი.[4] უკულ თიქ გემორძგჷ ოპრეზიდენტე გიშაგორუეფს ხონარეფიშ უმენტაშობათ დო გინირთჷ ლიეტუვაშ რანწკით მა-5 პრეზიდენტო. ბრაზაუსკასიქ პრემიერ-მინისტრო ქჷწჷმარინუ ადოლფას შლიაჟიავიჩიუსი, ნამუშ კაბინეტიწკჷმა თის ვაუღუდჷ ჯგირი ურთიართალა. საბანკო სკანდალიშ უკულ, ბრაზაუსკასიქ შლიაჟიავიჩიუსიშ გინორინა ხოლო მითხუ.
პრეზიდენტობაშ გოძვენას, ბრაზაუსკასიქ ხუჯი დუკინჷ ლიეტუვაშ მაკათურობას ნატოს დო ევროპაშ რსხუს.[5] 1993 წანას, თიქ არსულჷ კაბეტი როლი რუსეთწკჷმა დიპლომატიური კრიზისიშ გინოჭყვიდუას, ნამუთ ოხუდჷ რუსეთიშ ჯარეფიშ ლიეტუვაშ ტერიტორიაშე გიშაჸონაფას.
პრეზიდენტიშ პოსტიშ დოტებაშ უკულ, ართ პერიოდის პოლიტიკაშე ხოლო მიდართჷ, მარა 2000-იან წანეფშე კინ დართჷ პოლიტიკურ პროცესეფს. 2001-2006 წანეფს უკებუდჷ პრემიერ-მინისტრიშ პოსტი.[6]
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Algirdas Mykolas Brazauskas, Lithuanian Leader, Dies at 77 (2010-06-29).
- ↑ Algirdas Mykolas Brazauskas, Lithuanian Leader, Dies at 77 (2010-06-29).
- ↑ Algirdas Mykolas Brazauskas, Lithuanian Leader, Dies at 77 (2010-06-29).
- ↑ Algirdas Mykolas Brazauskas, Lithuanian Leader, Dies at 77 (2010-06-29).
- ↑ Algirdas Mykolas Brazauskas, Lithuanian Leader, Dies at 77 (2010-06-29).
- ↑ Algirdas Mykolas Brazauskas, Lithuanian Leader, Dies at 77 (2010-06-29).
 |
თე სტატია ლიეტუვაშ დო ლიეტუვარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
 |
თე სტატია პოლიტიკური მოღალეშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |