დინორეშა გინულა

ალი საიბუ

ვიკიპედიაშე
ალი საიბუ
Ali Saibou
ალი საიბუAli Saibou
ნიგერიშ მა-3 პრეზიდენტი
პოსტის გერინაშ ბორჯი
10 გერგობათუთა, 1987 – 16 პირელი, 1993
წიმოხონისეინი კუნჩე
მონძემაჰამან უსმანი

დუნაბადი17 მანგი, 1940
უალამი, ნიგერი
ნაღურა31 გჷმათუთა, 2011 (71 წანერი)
ნიამეი, ნიგერი
მენოღალობანიგერიშ შილა ნიგერი
პოლიტიკური პარტიაჯარალუაშ გოვითარაფაშ ერუანული ჸარაფი
საქვარუაოურდუმე მოღალე, პოლიტიკოსი
რელიგიაისლამი

ალი საიბუ (დ. 17 მანგი, 1940 — ღ. 31 გჷმათუთა, 2011) — ნიგერალი პოლიტიკოსი, ნიგერიშ მა-3 პრეზიდენტი 1987-1993 წანეფს.

ორხველუდჷ ჯერმაშ ეთნიკურ ბუნას. ახალნორდი რდუნ თეშ დეინტერესჷ ოურდუმე საქვარეფით. გურაფულენდჷ სენ-ლუიშ სკოლას, სენეგალს. უკულ ქაკათჷ ფრანგულ კოლონიურ ნძალეფს. მონაწილენდჷ ლჷმეფს კამერუნს, სოდეთ, 1960 წანას დოჭკირეს. 1961 წანას, ნიგერიშ ზოხორინელობაშ უკულ, ქაკათჷ ნიგერიშ არმიას. 1973 წანაშო მიოჭირინუ კაპიტანობას. 1974 წანას ხუჯი დუკინჷ სეინი კუნჩეს, ნამუქჷთ მანწყუ სახენწჷფო გინორთა დო ქუდახუ ამანი დიორიშ მართუალა. თე წანაშ 20 გერგობათუთას, საიბუქ ქიდეკინჷ ნიგერიშ არმიაშ შტაბიშ უნჩაშიშ პოსტი.

1987 წანაშ 10 გერგობათუთას, კუნჩექ დოღურჷ. უჟინაშ ოურდუმე სხუნუქ გეჸვენჯი პრეზიდენტო ქჷმწარინუ საიბუშ კანდიდატურა. საიბუშ ინიციატივათ, 1989 წანას მეღებულქ იჸუ ახალ კონსტიტუციაქ. 1989 წანაშ მელახის, საიბუქ დარსხუ პარტია ჯარალუაშ გოვითარაფაშ ერუანული ჸარაფი, ნამუთ თიქ ნიგერიშ ხვალახე კანონიერ პარტიათ გინაშქუ.

1990 წანაშ სტუდენტეფიშ დო ტუარეგეფიშ არეულობეფიშ უკულ, გეუქვჷ ოურდუმე კანონეფქ, ნამუქჷთ ძალამს დადაღარჷ საიბუშ გოლინა. 1993 წანას იმანჯჷ დემოკრატიულ გიშაგორუეფქ სოდეთ საიბუქ დემარცხჷ. ჸათე პროცესეფიშ უკულ თიქ აძვილებურქ იჸუ პოლიტიკაშე მიდურთუმუდჷკო.

ალი საიბუქ ღურუ 2011 წანაშ 31 გჷმათუთას, 71 წანერქ.[1]

  1. ↑ Niger's Former Military Junta President Saibou Dies, Sahel Says (31 October 2011). კითხირიშ თარიღი: 5 September 2026.