დინორეშა გინულა

ანასტას მიქოიანი

ვიკიპედიაშე
ანასტას მიქოიანი
Анастас Микоян
Անաստաս Միկոյան
ანასტას მიქოიანი Анастас Микоян Անաստաս Միկոյան
მიქოიანი 1939 წანას
სსრრ-შ უმაღალაში სხუნუშ პრეზიდიუმიშ დუდმახვენჯი
პოსტის გერინაშ ბორჯი
15 კვირკვე, 1964 – 9 ქირსეთუთა, 1965
წიმოხონილეონიდ ბრეჟნევი
მონძენიკოლაი პოდგორნი

სსრრ-შ მინისტრეფიშ სხუნუშ დუდმახვენჯიშ მაართა გამაკოჩი
პოსტის გერინაშ ბორჯი
28 ფურთუთა, 1955 – 15 კვირკვე, 1964
წიმოხონინიკოლაი ბულგანინი
მონძეალექსეი კოსიგინი

სსრრ-შ მინისტრეფიშ სხუნუშ დუდმახვენჯიშ გამაკოჩი
პოსტის გერინაშ ბორჯი
27 პირელი, 1954 – 28 ფურთუთა, 1955
პოსტის გერინაშ ბორჯი
19 მელახი, 1946 – 5 მელახი, 1953

პოსტის გერინაშ ბორჯი
15 მელახი, 1946 – 4 მელახი, 1949
წიმოხონიმუ, მუჭოთ გალენური ვაჭარუაშ კომისარი
მონძეევგენი ჩვიალევი
პოსტის გერინაშ ბორჯი
24 მარაშინათუთა, 1953 – 22 ღურთუთა, 1955
წიმოხონიდიმიტრი პავლოვი
მონძევასილ ლარკი

დუნაბადი25 გერგობათუთა, 1895
სანაინი, ქართიშ გუბერნია, რუსეთიშ იმპერია
ნაღურა21 გჷმათუთა, 1978 (82 წანერი)
მოსკოვი, რუსეთიშ სფსრ, სსრრ
ნთხორუ აბანინოვოდევიჩიშ სასაფლა, მოსკოვი
მენოღალობასხუნუეფიშ რსხუშ შილა სსრრ
ერუანობასომეხი
პოლიტიკური პარტიარსდმპ (ბოლშევიკეფი) (1915-1918)
სრკპ (1918-1966)
ალმასქუაშხენ თუმანიანი
სქუალეფისტეფანე, ვლადიმერი, ალექსეი, ვანო დო სერგო
რელიგიაათეიზმი
ჯილდოეფისოციალისტური ხანდაშ გერგეზი
ლენინიშ ორდენი (ამშვიშა)
გჷმათუთაშ რევოლუციაშ ორდენი
ჭითა შილაშ ორდენი
ხეშმოჭარუა

ანასტას ივანეშ სქი მიქოიანი (რუს. Анастас Иванович Микоян, სომ. Անաստաս Հովհաննեսի Միկոյան; დ. 25 გერგობათუთა [ჯვ.სტ. 13 გერგობათუთა], 1895 — ღ. 21 გჷმათუთა, 1978) — სომეხი პოლიტიკოსი, რევოლუციონერი, სხუნუეთიშ სახენწჷფო მოღალე, სსრრ-შ უმაღალაში სხუნუშ პრეზიდიუმიშ დუდმახვენჯი (სხუნუეთიშ სახენწჷფო მადუდე). ართ-ართი რდჷ ჭიჭე მუდანობაშ ჸეთი პოლიტიკოსეფიშე ნამუქჷთ რეპრესიეფს გინუსკიდუ. თის მაღალი პოსტეფი უკებუდჷ მუჭოთ იოსებ სტალინიშ, თაშნეშე ნიკიტა ხრუშჩოვიშ მართუალაშ ბორჯის. პოლიტიკური კარიერა ქიმიოტუ ლეონიდ ბრეჟნევიშ ხეშულობაშ პერიოდის დო პენსიაშა გეგშართჷ. მიქოიანს ფშხირას ახასიათენდეს მუჭოთ ადამიერს, ნამუქჷთ დუდი ქიმიღჷ "ილიჩიშე (ვლადიმერ ილიჩ ლენინი) ილიჩიშახ (ლეონიდ ილიჩ ბრეჟნევი) ზაფრაშ დო დავილაში გენთხაფაშ უმუშო".

მიქოიანქ 1915 წანას ქაკათჷ ბოლშევიკეფს. გჷმათუთაშ რევოლუციაშ უკულ მონაწილენდჷ ბაქოშ კომუნას. 1920-იან წანეფს რდჷ შანულამი პარტიული ფიგურა ოორუე კავკაციას. 1935 წანას გიშაგორილქ იჸუ სრკპ-შ პოლიტბიუროშ მაკათურო. 1926-1930 წანეფს დო კინ 1938 წანაშე რდჷ სსრრ-შ გალენური ვაჭარუაშ მინისტრო. მაჟირა მოსოფელიშ ლჷმაშ მიმალობას რდჷ დუდთხილუაშ სახენწჷფო კომიტეტიშ მაკათური. ლჷმაშ თებაშ უკულ, მიქოიანიშ პოზიციეფქ დედაღარჷ დო 1949 წანას მინისტრიშ პოსტიშე გეგნოდირთჷ. 1952 წანას, კომპარტიაშ XIX კონგრესის, სტალინქ გაკრიტიკჷ მიქოიანი. სტალინქ 1953 წანაშ 5 მელახის დოღურჷ. თიშ უკულ ქიდიჭყჷ ლჷმაქ ხეშულობაშო, სოდეთ ნიკიტა ხრუშჩოვქ ლავრენტი ბერია დამარცხჷ. მიქოიანი ხრუშჩოვიშ აქტიური ალმარენჯი რდჷ დო თის ხუჯი დუკინჷ 1957 წანაშ პუტჩიშ ბორჯის ხოლო. გიორგი მალენკოვი დო ვიაჩესლავ მოლოტოვი ოცადუდეს ხრუშჩოვიშ გინორაგვაფას, მარა წჷმოძინეფშა ვემიაჭირინეს დო ხრუშჩოვქ პოსტის ქიგესკიდჷ. მიქოიანქ არსულჷ კაბეტი როლი დესტალინიზაციაშ პოლიტიკას, ნამუთ ხრუშჩოვქ წიმიჭყჷ.

ხრუშჩოვიშ მართუალაშ პერიოდის, მიქოიანი რდჷ შანულამი ფიგურა სხუნუეთიშ გალენური პოლიტიკას დო საირქიანო ურთიართობეფს. თიქ იშარალჷ ამერიკას, კუბას დო შეხვადუ თე ქიანეფიშ უმაღალაში წჷმმარინაფალეფს. 1964 წანას ხრუშჩოვს ხოლო ართიშა მუნწყის პუტჩი, ნამუშ შედეგო თინა გეგნარინეს დო ხეშულობა ხეშა ქაშეჸოთჷ ლეონიდ ბრეჟნევქ. ბორჯიშ კუნტა პერიოდიშ გოძვენას, 1964-1965 წანეფს მიქოიანს უკინებუდჷ სსრრ-შ უმაღალაში სხუნუშ პრეზიდიუმიშ დუდმახვენჯიშ (სხუნუეთიშ სახენწჷფო მადუდე) პოსტი, ნამუთ უმოსო ცერემონიული პოსტის წჷმარინუანდჷ. 1966 წანას მიქოიანქ ქიდიტუ პარტიაშ პრეზიდიუმი, მარა ცენტრალური კომიტეტიშ მაკათურო სკიდუდჷ. ღურუ 1978 წანაშ 21 გჷმათუთას, 82 წანერქ. დასაფულებური რე მოსკოვიშ ნოვოდევიჩიშ სასაფლას. ანასტას მიქოიანიშ უკულაში ჯიმა რდჷ არტემ მიქოიანი, სხუნუეთიშ შინელი ავიაკონსტრუქტორი, ნამუქჷთ დარსხუ საავიაციო ფირმა მიგ.