ანდრე კოლინგბა
| ანდრე კოლინგბა | ||
| ცენტრალურ აფრიკაშ რესპუბლიკაშ მა-4 პრეზიდენტი | ||
|---|---|---|
| პოსტის გერინაშ ბორჯი | ||
| 1 ეკენია, 1981 – 22 გჷმათუთა, 1993 | ||
| წიმოხონი | დავიდ დაკო | |
| მონძე | ანჟ ფელიქს პატასე | |
| დუნაბადი | 12 მარაშინათუთა, 1936
ბანგი, უბანგი-შარი | |
| ნაღურა | 7 ფურთუთა, 2010 (73 წანერი)
პარიზი, საფრანგეთი | |
| მენოღალობა |  ცენტრალური აფრიკაშ რესპუბლიკა | |
| პოლიტიკური პარტია | ცენტრალურ აფრიკაშ დემოკრატიულ გოართოიანაფა | |
| ალმასქუ | მირეი კოლინგბა | |
| სქუალეფი | 12 | |
| ხეშმოჭარუა |  | |
ანდრე დიედონე კოლინგბა (დ. 12 მარაშინათუთა, 1936 — ღ. 7 ფურთუთა, 2010) — ცენტრალურ აფრიკალ ოურდუმე მოღალე დო პოლიტიკოსი, ცენტრალურ აფრიკაშ რესპუბლიკაშ მა-4 პრეზიდენტი 1981-1993 წანეფს.[1]
კოლინგბაქ, 1981 წანას მანწყჷ უზისხირე სახენწჷფო გინორთა, ქუდახჷ დავიდ დაკოშ თარობა დო ხეშუულობა მუქ ქაშეჸოთჷ ხეშა. კოლინგბა ქიანას გამაგენდჷ მუჭოთ ოურდუმე დიქტატორი. თიშ გამაგალა იხასიათებუდჷ კორუფციათ დო ნეპოტიზმით. შანულამ პოსტეფს ორინუანდჷ მუშ ეთნიკურ ბუნაშ, იაკომაშ წჷმმარინაფალეფს.[2]
1993 წანას, ოპოზიციურ ნძალეფქ აძვილეს კოლინგბა უმანჯებუდკო დემოკრატიულ გიშაგორუეფი, სოდეთ თიქ ანჟ ფელიქს პატასეწკჷმა დემარცხჷ. თენა ისტორიულ მომენტ რდჷ ცენტრალურ აფრიკაშ პოლიტიკას, ანდანე მაართათ მოხვადჷ თიქ ნამჷ-და მოქიმინჯე პრეზიდენტიქ დათმჷ ხეშუულობა დემოკრატიულ პროცესეფიშ შედეგო.[3]
პოსტიშე ულაშ უკულ, კოლინგბა აქტიურ რდჷ ცარ-შ პოლიტიკას დო 2001 წანაშ სახენწჷფო მინორთაშ ცადებას ხოლო ოკათუდჷ. კოლინგბაქ ქიანა ქჷდიტუ დო ხურგიშ გალე ინტუ. ცარ-შ სასამართოქ თის ღურაშ განჩინება გეგშუღჷ. 2003 წანას კოლინგბაქ ოდაბადეშა დირთჷ დო პატიება ითხჷ. კოლინგბაქ ღურუ 2010 წანაშ 7 ფურთუთას, 73 წანერქ, პარიზის.[4]