ანრი ნამფი

ანრი ნამფი Henri Namphy
ანრი ნამფი ჩე ჸუდეშ ოვალური კაბინეტის, 1986 წანაშ 20 გერგობათუთას
ჰაიტიშ პრეზიდენტი
პოსტის გერინაშ ბორჯი
20 მანგი, 1988 – 17 ეკენია, 1988
წიმოხონი	ლესლი მანიგა
მონძე	პროსპერ ავრილი
ჰაიტიშ პრეზიდენტი ობორჯე
პოსტის გერინაშ ბორჯი
7 ფურთუთა, 1986 – 7 ფურთუთა, 1988
წიმოხონი	ჟან-კლოდ დიუვალიე
მონძე	ლესლი მანიგა
ჰაიტიშ აკოანჯარაფილი ნძალეფიშ თარსარდალი
პოსტის გერინაშ ბორჯი
4 გერგობათუთა, 1987 – 17 მანგი, 1988
პრეზიდენტი	მუ ლესლი მანიგა
წიმოხონი	მუ მუჭოთ აკოანჯარაფილი ნძალეფიშ გენერალური შტაბიშ უნჩაში
მონძე	მორტონ გუსი (ობორჯე)
დუნაბადი	2 გჷმათუთა, 1932 გრან-რივიერ-დუ-ნორდი, ჰაიტი
ნაღურა	26 მანგი, 2018 (85 წანერი) დომინიკარეფიშ რესპუბლიკა
მენოღალობა	ჰაიტი
საქვარუა	ოურდუმე მოღალე, პოლიტიკოსი

ანრი ნამფი (ფრანგ. Henri Namphy, დ. 2 გჷმათუთა, 1932 — ღ. 26 მანგი, 2018) — ჰაიტარი ოურდუმე მოღალე დო პოლიტიკოსი, ჰაიტიშ ობორჯე პრეზიდენტი 1986-1988 წანეფს დო პრეზიდენტი 1988 წანაშ 20 მანგიშე 17 ეკენიაშახ.

1986 წანას, ჰაიტიშ დიქტატორიშ ჟან-კლოდ დიუვალიეშ ქიანაშე ნტებაშ უკულ, გენერალ-ლეიტენანტი ნამფიქ გინირთჷ ჰაიტიშ ობორჯე ოთარობე სხუნუშ პრეზიდენტო. სხუნუ აკმოდირთუდჷ მუჭოთ ოჯარალე, თაშნეშე ოურდუმე ადამიერეფიშე. სხუნუქ დოდუ პიჯალა დემოკრატიული გიშაგორუეფიშ დო რეფორმეფიშ გეშა.

ოთარობე სხუნუშ მართუალაშ ბორჯის, არდგილი უღუდჷ არეულობეფს დო მენოღალეეფიშ არყებეფს. ოთარობე სხუნუშ დინახალე, ნამფიქ ვემირიგჷ შხვა მაკათურეფიწკჷმა. ჸათეშ გეშა სხუნუს გუჭირდჷ სახენწჷფოშ სტაბილური მართუალაქ. 1988 წანაშ ღურთუთას იმანჯჷ საპრეზიდენტო გიშაგორუეფქ, სოდეთ გემორძგჷ ლესლი მანიგაქ, ნამუქჷთ ნამფი ჰაიტიშ აკოანჯარაფილი ნძალეფიშ თარსარდალიშ პოსტიშე გადუდიშულჷ. მალას, ნამფიქ მანწყუ სახენწჷფო გინორთა, ქუდახუ მანიგაშ მართუალა დო ხეშულობა მუქ ქაშეჸოთჷ ხეშა. მარა ვართ თის ასქილადჷ ხეშულობა ბრელ ხანს. 1988 წანაშ ეკენიას, ოურდუმე მოღალეეფქ, გენერალ პროსპერ ავრილიშ მანჯღვერალათ ნამფი ქუდახუეს.

უკულიან წანეფს, ნამფი დომინიკარეფიშ რესპუბლიკას ცხოვრენდჷ, სოდეთ დოღურჷ ფიჟვიშ კიბოთ, 85 წანერქ, 2018 წანაშ 26 მანგის. დასაფულებური რე სანტო-დომინგოშ კრისტო რედენტორიშ სასაფლას.