ანტონიუ მონტეირუ
| ანტონიუ მონტეირუ António Mascarenhas Monteiro | ||
 მონტეირუ 2012 წანას | ||
| კაბო-ვერდეშ მა-2 პრეზიდენტი | ||
|---|---|---|
| პოსტის გერინაშ ბორჯი | ||
| 22 მელახი, 1991 – 22 მელახი, 2001 | ||
| წიმოხონი | არისტიდიშ პერეირა | |
| მონძე | პედრუ პირეში | |
| დუნაბადი | 16 ფურთუთა, 1944
რიბეირა და ბარკა, პორტუგალიაშ კაბო-ვერდე | |
| ნაღურა | 16 ეკენია, 2016 (72 წანერი)
პრაია, კაბო-ვერდე | |
| მენოღალობა | .svg){kind=small} კაბო-ვერდე | |
| ალმასქუ | ტუნა მაშკარენიაში | |
| სქუალეფი | 3 | |
| გონათაფა | ლუვენიშ კათოლიკური უნივერსიტეტი | |
ანტონიუ მანუელ მაშკარენიაშ გომეშ მონტეირუ (პორტ. António Manuel Mascarenhas Gomes Monteiro, დ. 16 ფურთუთა, 1944 — ღ. 16 ეკენია, 2016) — კაბო-ვერდალი პოლიტიკოსი, კაბო-ვერდეშ მაართა დემოკრატიულო გიშაგორილი პრეზიდენტი 1991-2001 წანეფს.[1]
გურაფულენდჷ იურისპრუდენციას, ლუვენიშ კათოლიკურ უნივერსიტეტის.[2] ოდაბადეშა დორთაშ უკულ, უკინებუდჷ შხვადოშხვა შანულამ პოსტეფი. 1977-1980 წანეფს რდჷ ერუანულ ასამბლეაშ დუდმახვენჯი დო 1980-1990 წანეფს უჟინაშ სასამართლოშ პრეზიდენტი.[3]
მონტეირუ, მონაწილენდჷ 1991 წანაშ საპრეზიდენტო გიშაგორუეფს. თიშ კანდიდატურა სარგებლენდჷ პარტია დემოკრატიული ჸარაფიშ ალარინათ (ნამუშ მაკათურ მონტეირუ ვარდჷ). საპრეზიდენტო გიშაგორუეფს მონტეირუქ მიპალჷ ხონარეფიშ უმენტაშობა (73 %), დამარცხჷ არისტიდიშ პერეირა დო გინირთჷ კაბო-ვერდეშ მაართა პრეზიდენტო, ნამუქჷთ გიშაგორილქ იჸუ დემოკრატიულო.[4] 1996 წანას, მონტეირუქ კინ ახალშო იჸუ გიშაგორილქ პრეზიდენტო.[5]