ანხი

ანხი ვარ-და თელარაშ კილა — ჯვეშეგვიპტურ იეროგლიფურ სიმბოლო, ნამუთ გჷმირინუაფუდჷ ზიტყვა „თელარაშ“ ეიოშანალო დო გოძინელ შანულობათ, მუჭოთ კჷნ ბონას რინაშ სიმბოლო. ანხის უღჷ T-ფორმა, ნამუსჷთ დუდს ჭვეთიშ ფორმაშ ყუჯურ უღჷ. ნაჭარეფს თინა გჷმირინუაფუდჷ მუჭოთ სუმსიმსამ შანი, ნამუთ სუმ წოროხონარიშ — Ꜥ-n-ḫ — წოროგეჸვენჯობას წჷმარინუანდჷ. ათე კომბინაციას შეთმეფხვადჷნა მუსხირენ ეგვიპტურ ზიტყვას, თინეფს შქას „სარკეშ“, „პეულეფიშ ქუჩუჩიშ“ დო „თელარაშ“ ეიოშანალ ტერმინეფს.

სიმბოლო შხირას აფხვადჷნა ეგვიპტურ ხელუანობას, მუჭოთ ფიზიკურ მეკონი, ნამუთ გუმოხანტუნდჷ თელარას ვარ-და თიწკჷმა მერსხილ თელარაშ მემაჩამალ მეკონეფს, მუნერით რე ჰეერ ვარ-და წყარი. თინა შხირას რე გჷმოხანტილ ჯვეშეგვიპტურ ღორონთეფიშ ხელეფს; მინშა ღორონთეფ ანხის ფარაონს გინოჩანა, ნამუთ გჷმოხანტუნს თინეფიშ ნძალას — ქალეტუან თელარა დო აკანწყუან ადამიერიშ შურ თიქიანურ რინას.

ანხი ფართოთ მოდვალირ დეკორატიულ მოტივ რდჷ ჯვეშ ეგვიპტეს, თაშნეშე დეკორატიულო გჷმირინუაფუდჷ მოთანჯე კულტურეფიშით. კოპტეფქ თინა გეგნაკეთეს crux ansata-თ — ფორმათ, ნამუსჷთ ჭვეთიშ მანგიორო მოპუსქურელ ყუჯურ უღუდჷ დო გჷმირინუანდეს მუჭოთ ქირსიანულ ჯვარიშ ართ-ართ ვარიანტის. ანხიქ ფართო გჷმორინაფათ მიშართჷ ბჟადალურ კულტურაშა 1960-იან წანეფს, მუჭოთ აფრიკულ კულტურულ იდენტობის, ნეოპაგანურ მეჯინურ სისტემეფიშ და მოგვიანეთ, გოთურ სუბკულტურაშ სიმბოლო.

რესურსეფ ინტერნეტის

შეგილებუნა ქოძირათ მედიაფაილეფი თემაშე „ანხი“ ვიკიოწკარუეს.