არნოლდ რუიტელი
| არნოლდ რუიტელი Arnold Rüütel | ||
 | ||
| ესტონეთიშ მა-3 პრეზიდენტი | ||
|---|---|---|
| პოსტის გერინაშ ბორჯი | ||
| 8 გჷმათუთა, 2001 – 9 გჷმათუთა, 2006 | ||
| პრემიერ-მინისტრი | მარტ ლაარი სიიმ კალასი იუჰან პარტსი ანდრუს ანსიპი | |
| წიმოხონი | ლენარტ მერი | |
| მონძე | ტოომას ჰენდრიკ ილვესი | |
| დუნაბადი | 10 მესი, 1928 პაჰავალა, ესტონეთი | |
| ნაღურა | 31 ქირსეთუთა, 2024 (96 წანერი) ტალინი, ესტონეთი | |
| მენოღალობა |  სსრრ ესტონეთი | |
| ერუანობა | ესტონარი | |
| პოლიტიკური პარტია | კომუნისტური პარტია (1991 წანაშახ) ესტონეთიშ ოკათე რსხუ (1994–2001, 2007–2012) ესტონეთიშ კონსერვატიული ოკათე პარტია (2012–2024) | |
| ალმასქუ | ინგრიდ რუიტელი | |
| სქუალეფი | 2 | |
| საქვარუა | აგრონომი, პოლიტიკოსი | |
| ხეშმოჭარუა |  | |
არნოლდ რუიტელი (ესტ. Arnold Rüütel, დ. 10 მესი, 1928 — ღ. 31 ქირსეთუთა, 2024) — ესტონარი პოლიტიკოსი, ესტონეთიშ პრეზიდენტი 2001-2006 წანეფს.
გურაფულენდჷ იანედაშ აგრარული კოლეჯის, ნამუთ გათუ 1949 წანას. გურაფაშ თებაშ უკულ მუშენდჷ აგრონომო დო უკულ მაგურაფალო ტარტუშ აგრარული მექანიზაციაშ სკოლას. 1950-იან წანეფს ნინალენდჷ სხუნუეთიშ აკოანჯარაფილი ნძალეფს. ჯარიშ თებაშ უკულ ქუდარინეს ვეტერინარული რკვიებეფიშ ინსტიტუტიშ დირექტორო. რუიტელქ, 1964 წანას გათუ ესტონეთიშ აგრარული აკადემია. 1969-1977 წანეფს მუშენდჷ ჸათე აკადემიაშ რექტორო. 1983-1990 წანეფს რდჷ ესტონეთიშ სსრ-შ უმაღალაში სხუნუშ პრეზიდიუმიშ დუდმახვენჯი. 1990 წანას ესტონეთის იმანჯჷ მაართა დუდიშული გიშაგორუეფქ. თე წანაშ 29 მელახის, რუიტელქ გიშაგორილქ იჸუ უმაღალაში სხუნუშ დუდმახვენჯო (პარლამენტიშ დუდმახვენჯი). 1991 წანაშ 20 მარაშინათუთას ესტონეთიქ მიპალუ ზოხორინელობა. დუდიშული ესტონეთის, რუიტელი, 1991-1992 წანეფს რდჷ მაკათური კონსტიტუციური ასამბლეაშ, ნამუქჷთ აკიმუშუ ესტონეთიშ კონსტიტუცია. 1992 წანაშ საპრეზიდენტო გიშაგორუეფს რუიტელქ ლენარტ მერიწკჷმა დემარცხჷ. 1996 წანაშ გიშაგორუეფს რუიტელქ კინ დემარცხჷ მერიწკჷმა. 2001 წანას, ესტონეთიშ ელექტორული კოლეგიაქ ხუჯი დუკინჷ რუიტელიშ კანდიდატურას დო თინა გეგშაგორჷ ქიანაშ გეჸვენჯი პრეზიდენტო.