ასუანიშ კაშხალი

ვიკიპედიაშე
ალმაშარული ფოტო

ასუანიშ კაშხალი — ჟირი კაშხალი წყარმალუ ნილოსის ნოღა ასუანწკჷმა - ალაზიმაფათ ახალი ასუანიშ მაღალი კაშხალი (არაბ.: السد العالي; გჷმითქუმუ: as-Sad al-'Aly), დო ჯვეში ასუანიშ დაბალი კაშხალი. თე ოინჟინერე გომანგარაფეფიშ უმუშო წყარმალუ ნილოსი ირწანურო წყარალეფს იჭანუანდჷ ზარხულობათ, თიშენ ნამდა ადიდორაფილი წყარეფი ბჟაეიოლ აფრიკაშე ნილოსის დინმაკათუდჷ. თე ტობუეფს დიხაშ გჷმადინდარაფალი მინერალეფი დო შხვა მორგე მეკონობეფი გიმუღუდჷ, მუთ ნილოსიშ გოხ დიხას ჸოფიერს დო იდეალურს გჷნმაშქვანდჷ ოფუტეშ მეურნობაშო.

წყარმალუშ მანგას მახორობაშ რდუალაშ გეშა უციოქ იჸუ წყარიშ ტობუაშ კონტროლი ოხონ-ოთასუ დიხალეფიშ დო ბამბეშ პლანტაციეფიშ ოთხილარო. თე პროექტიშ ღანკი წყარმალუშ მოზღვარილ წყარიშ აკოჩემება რდჷ, ელექტროენერგიაშ წარმება დო ირიგაციაწკჷმა ართო.

რესურსეფი ინტერნეტის[რედაქტირაფა | წყუშ რედაქტირაფა]

კაშხალიშ პანორამა
კაშხალიშ პანორამა