ატალ ბიჰარი ვაჯპაი
| ატალ ბიჰარი ვაჯპაი अटल बिहारी वाजपेयी | ||
.jpg) | ||
| ინდოეთიშ პრემიერ-მინისტრი | ||
|---|---|---|
| პოსტის გერინაშ ბორჯი | ||
| 19 მელახი, 1998 – 22 მესი, 2004 | ||
| პრეზიდენტი | კოჩერილ რამან ნარაიანანი აბდულ ქალამი | |
| წიმოხონი | ინდერ კუმარ გუჯრალი | |
| მონძე | მანმოჰან სინგჰი | |
| პოსტის გერინაშ ბორჯი | ||
| 16 მესი, 1996 – 1 მანგი, 1996 | ||
| პრეზიდენტი | შანკარ დაიალ შარმა | |
| წიმოხონი | პამულაპარტი ვენკატა ნარასიმჰა რაო | |
| მონძე | ჰარადანაჰალი დოდეგოვდა დევე გოვდა | |
| პოსტის გერინაშ ბორჯი | ||
| 26 მელახი, 1977 – 28 კვირკვე, 1979 | ||
| პრემიერ-მინისტრი | მორარჯი დესაი | |
| წიმოხონი | იაშვანტრაო ჩავანი | |
| მონძე | შიამ ნანდან პრასად მიშრა | |
| დუნაბადი | 25 ქირსეთუთა, 1924
გვალიორი, ბრიტანეთიშ ინდოეთი | |
| ნაღურა | მარაშინათუთა 16, 2018 (93 წანერი)
ნიუ-დელი, ინდოეთი | |
| მენოღალობა |  ინდოეთი | |
| პოლიტიკური პარტია | ინდოეთიშ ოკათე პარტია | |
| საქვარუა | პოლიტიკოსი, პოეტი, ჭარუ | |
| რელიგია | ინდუიზმი | |
| ჯილდოეფი | პადმა ვიბჰუშანი (1992) ბჰარატ რატნა (2015) | |
| ხეშმოჭარუა |  | |
ატალ ბიჰარი ვაჯპაი (ჰინდი. अटल बिहारी वाजपेयी; დ. 25 ქირსეთუთა, 1924 — ღ. 16 მარაშინათუთა, 2018) — ინდოარი პოლიტიკოსი, სახენწჷფო მოღალე, პოეტი დო ჭარუ, ინდოეთიშ პრემიერ-მინისტრი 1996 დო 1998-2004 წანეფს.
რდჷ ინდოეთიშ პარლამენტიშ მაკათური დოხოლაფირო გვერდი ოშწანურაშ გოძვენას. ვითიშა იჸუ გიშაგორილქ გიმენი პალატაშ ლოკ საბჰაშ დო ჟირშა ჟინი პალატაშ რაჯია საბჰაშ მაკათურო. 1968-1972 წანეფს უკებუდჷ პარტია "ბჰარატია ჯანა სანგჰი"-შ პრეზიდენტიშ პოსტი. ჸათე პარტიაქ უკულ აკიკათჷ შხვა პარტიეფიწკჷმა დო გიჭყჷ "ჯანატა"-ქ (ოკათე პარტია), ნამუქჷთ 1977 წანაშ საპარლამენტო გიშაგორუეფს გემორძგუ. 1977 წანაშ მელახის, ვაჯპაიქ, პრემიერ-მინისტრი მორარჯი დესაიშ კაბინეტის ქიდეკინჷ გალენური საქვარეფიშ მინისტრიშ პოსტი. 1979 წანას ვაჯპაიქ პოსტიშე გეგნოდირთჷ დო მალას ჯანატაშ ალიანსიქ ხოლო აკოცუ. ბჰარატია ჯანა სანგჰიშ ჸოფილი მაკათურეფქ, 1980 წანას ქუდარსხუეს ახალი პარტია "ბჰარატია ჯანატა პარტი" (ინდოეთიშ ოკათე პარტია), ნამუშ მაართა დუდმახვენჯო გინირთჷ ვაჯპაიქ.
ვაჯპაიშ პრემიერ-მინისტრობაშ ბორჯის, რაჯასტანს იმანჯჷ გვირზილური ანჯარიშ გჷმოცადებაქ. ვაჯპაი ოცადუდჷ ურთიართალაშ გაუჯგუშებას პაკისტანიწკჷმა. ჸათე ღანკით თიქ ლაჰორიშა იშარალჷ, სოდეთ შეხვადჷ პაკისტანიშ პრემიერ-მინისტრის ნავაზ შარიფის. 1999 წანაშ კარგილიშ ლჷმაშ უკულ, ვაჯპაიქ პაკისტანიშ პრეზიდენტი პერვეზ მუშარაფი აგრაშ სამიტიშა მიჭანუ. ვაჯპაიშ თარობაქ ატარჷ შხვადოშხვა ეკონომიკური დო ინფრასტრუქტურული რეფორმეფი, განძალიერჷ კერზო სექტორი, გაუჯგუშჷ საინვესტიციო ანდოგანი, წიმიჭყჷ სახენწჷფო კორპორაციეფიშ პრივატიზაციაშ პოლიტიკა დო შხვა. ვაჯპაიშ მართუალაშ პერიოდის მოხვადჷ ტერაქტიქ ინდოეთიშ პარლამენტის (2001 წანაშ 13 ქირსეთუთა) დო გუჯარათიშ არეულობეფქ (2002 წანაშ ფურთუთა-მელახი). ჸათე მოლინეფიშ შედეგო, ვაჯპაიშ პარტიაქ დემარცხჷ 2004 წანაშ საპარლამენტო გიშაგორუეფს.
ატალ ბიჰარი ვაჯპაი რდჷ შხვადოშხვა ჯილდოეფიშ ლაურეატი. 1992 წანას ინდოეთიშ თარობაქ ვაჯპაის გინოჩჷ პადმა ვიბჰუშანი. 2015 წანას, ინდოეთიშ პრეზიდენტიქ პრანაბ მუხერჯიქ ვაჯპაი დაჯილდუ ბჰარატ რატნათ, ინდოეთიშ უმაღალაში ომენოღალე ჯილდოთ. 2014 წანას, ინდოეთიშ პრემიერ-მინისტრიქ ნარენდრა მოდიქ ვაჯპაიშ დაბადებაშ დღა, 25 ქირსეთუთა გეგმაცხადჷ ჯგირი მართუალაშ დღათ.