აშურ-უბალიტ I

	აშურ-უბალიტ I
	;
ასურეთიშ მაფა
პოსტის გერინაშ ბორჯი
	დოხ. ჯვ. წ. 1363 – დოხ. ჯვ. წ. 1328
წიმოხონი	ერიბა-ადად I
მონძე	ენლილ-ნირარი
მუმა	ერიბა-ადად I
სქუალეფი	ენლილ-ნირარი; მუბალიტატ-შერუა

აშურ-უბალიტ I — ასურეთიშ მაფა დოხოლაფირო ჯვ. წ. 1363-1328 წანეფს. რდჷ ერიბა-ადად I-შ სქუა. აშურ-უბალიტ I-ქ კონწარო დამარცხჷ მითანიშ მაფა შუტარნა III დო გადუდიშულჷ ასურეთი მითანიშ დომინაციაშე. ჸათე გომორძგუაშ უკულ, ასურეთიქ კინ გინირთჷ რეგიონალური შანულობაშ სახენწჷფოთ. აშურ-უბალიტ I-ქ დეხოლჷ ბაბილონეთის დო მუში ცირასქუა მუბალიტატ-შერუა ქიმიათხუ ბაბილონეთიშ მაფას, ბურნა-ბურიაშ II-ს. თინეფს ბაღანაქ გეურჩქინდეს - კარა-ჰარდაშიქ. მარა ბურნა-ბურიაშიშ ღურაშ უკულ, ბაბილონეთის ქიდიჭყჷ არეულობაქ. თიში მონძეშ, კარა-ჰარდაშიშ მეხჷ ეარყეს ანტი-ასურული ნძალეფქ დო თინა დოჸვილეს. საგამათ, აშურ-უბალიტ I-ქ ბაბილონეთიშა გემშეჭკირჷ დო ხვისტაშა გეშეჸონჷ კურიგალზუ II. მარა კურიგალზუქ ასურეთიშ მოხუჯექ ბრელს ხანს ვეჸუ. თიქ მინდომუ ასურეთიშე დისტანცირაფა დო მანწყუ ოურდუმე კამპანია ასურეთიშ მეხჷ. ასურალეფქ დამარცხეს კურიგალზუ II-შ ნძალეფი დო უკულ კონტრმენტებაშა გეგნორთეს, გემშართეს ბაბილონეთიშ ტერიტორიაშა დო ქიდეკინეს ცენტრალური მესოპოტამია. კურიგალზუ II-ქ ასურეთიწკჷმა ოთინჩალე ხეკულუა ქუდოდვუ, ჸეთი პიჯალეფით, ნამუეფით უმოსო ასურეთის ონწყუნდჷ.

აშურ-უბალიტ I-ქ დიპლომატიური ურთიართალა გაჭყჷ ეგვიპტეწკჷმა. თეს ადასურენს ამარნაშ არქივი, ნამუთ ეგვიპტეშ ფარაონეფიშ დიპლომატიური კორესპონდენცია რე. აშურ-უბალიტ I-შ უკულ ასურეთიშ ომაფე ხვისტაშა ეშართჷ თიში სქუაქ, ენლილ-ნირარიქ.

ქოძირით თაშნეშე

ასურეთიშ მაფეფიშ ერკებული

ლიტერატურა

აშურ-უბალიტ I WORLD HISTORY EDU-ის