აჰმედ ბენ ბელა

	აჰმედ ბენ ბელა; أحمد بن بلّة
	; ბენ ბელა 1963 წანას
ალჟირიშ მა-1 პრეზიდენტი
პოსტის გერინაშ ბორჯი
	15 ეკენია, 1963 – 19 მანგი, 1965
წიმოხონი	პოსტიქ გიჭყჷ
მონძე	ჰუარი ბუმედიენი (მუჭოთ რევოლუციური სხუნუშ დუდმახვენჯი)
ალჟირიშ მა-1 პრემიერ-მინისტრი
პოსტის გერინაშ ბორჯი
	27 ეკენია, 1962 – 15 ეკენია, 1963
წიმოხონი	ბენიუსეფ ბენხედა (მუჭოთ თარობაშ მადუდე)
მონძე	პოსტიქ გეუქვჷ;; მოჰამედ ბენ აჰმედ აბდელგანი (1979)
ნაღურა	11 პირელი, 2012 (95 წანერი); ალჟირი, ალჟირი
მენოღალობა	ალჟირი
პოლიტიკური პარტია	დემოკრატიული დუდიშულობეფიშ ტრიუმფიშ ჸარაფი (1947-1954); სპეციალური ორგანიზაცია (1947-1954); ნაციონალური გადუდიშულაფაშ ფრონტი (1954-1965); ალჟირიშ დემოკრატიაშ ჸარაფი (1982-1997)
ალმასქუ	ზოჰრა მიშელ სელამი
სქუალეფი	2
რელიგია	ისლამი
ხეშმოჭარუა

აჰმედ ბენ ბელა (არაბ. أحمد بن بلّة, დ. 25 ქირსეთუთა, 1916 — ღ. 11 პირელი, 2012) — ალჟირალი პოლიტიკოსი დო რევოლუციონერი, ალჟირიშ პრემიერ-მინისტრი 1962-1963 წანეფს დო ალჟირიშ პრეზიდენტი 1963-1965 წანეფს.^[1]

ბიოგრაფია

ბენ ბელაქ არსულჷ კაბეტი როლი ალჟირიშ დუდიშულობაშო ლჷმას.^[2] თინა ხემანჯღვერენდჷ ნაციონალური გადუდიშულაფაშ ფრონტის დო დუდენდჷ ურცხოეთიშ ქიანეფიშე ანჯარიშ მიშაღალას. ბენ ბელა აქტიური პოლიტიკური სტრატეგიას აწარმენდჷ კაიროშე. თიშ უმკუჯინალო ნამდა ბენ ბელა ალჟირს ვაცხოვრენდჷ, საფრანგეთიშ თარობა იშენით ოცადუდჷ თიშ ლიკვიდაციას, მარა უშედეგეთ. ალჟირიშ საფრანგეთიშ ოკუპაციაშე გადუდიშულაფაშ უკულ, ბენ ბელაქ ქუდახუ ობორჯე თარობა დო ხეშულობაშა მუქ ქუმორთჷ.^[3] ბენ ბელაქ გინირთჷ ქიანაშ პრემიერ-მინისტრო დო ფერჰად აბასიქ ობორჯე პრეზიდენტო. ბენ ბელაქ, ხეშულობაშო ლჷმას, დამარცხჷ აბასი დო საპრეზიდენტო გიშაგორუეფს გომორძგუაშ უკულ, ოფიციალურო ქიდეკინჷ ალჟირიშ პრეზიდენტიშ პოსტი.^[4]

მართუალაშ ბორჯის, თინა მეთხოზუდჷ არაბული სოციალიზმიშ დო პანარაბიზმიშ პოლიტიკას. ბენ ბელა მუშ დუც ნასერისტო თვალუნდჷ. თიქ დეხოლჷ ანტისიონისტური არაბული ქიანეფს დო მეკვარჩხანე ორიენტაციაშ სახენწჷფოეფს, მაგალთო გამალ აბდელ ნასერიშ ეგვიპტეს დო ფიდელ კასტროშ კუბას.^[5] აჰმედ ბენ ბელაშ მართუალაშ გოძვენას, არდგილი უღუდჷ სასანძღო კონფლიქტის მაროკოწკჷმა 1963 წანას დო სოციალიატური ნძალეფიშ ფრონტიშ არყებას 1963-1964 წანეფს. არყებაქ დემარცხჷ.

ბენ ბელაქ წიმიჭყჷ ნაციონალიზაციაშ პოლიტიკა, ნამუშ შედეგო ნაციონალიზაფილქ იჸუ შხვადოშხვა ინდუსტრიული კორპორაციეფქ. 1965 წანაშ 19 მანგის, ბენ ბელაშ თარობაშ მეხჷ მინწყუ სახენწჷფო გინორთაქ, ნამუსჷთ ხემანჯღვერენდჷ დუდთხილუაშ მინისტრი ჰუარი ბუმედიენი. ბენ ბელა ქუდახუეს დო ხეშულობა ხეშა ქაშეჸოთჷ რევოლუციური სხუნუქ, ბუმედიენიშ მანჯღვერალათ.^[6]