ბაზარდუზუ
|
ბაზარდუზუ |
||
|---|---|---|
 ბაზარდუზუ |
||
|
კოორდინატეფი: / |
||
| ორენი |  აზერბაიჯანი რუსეთი |
|
| სიმაღალა | 4466 მ | |
| ქჷნდჷრი | კავკაციონი | |
| მაართა ეშულა | სერგეი ალექსანდროვი (1847) | |
|
 |
||
|
|
||
ბაზარდუზუ (აზერ. Bazardüzü) — კონკა კავკაციონიშ თარ წყარგჷმართუ ქჷნდჷრს, აზერბაიჯანიშ დო დაღესტანიშ (რუსეთი) ხურგას. სიმაღალა 4466 მ. აზერბაიჯანიშ უმაღალაშ კონკა რე. რელიეფის აფხვადჷნა ჯიშთურ ფორმეფი. აკოგაფილ რე ფიქალეფით დო პორფირიტეფით. ფართოთ რე ჩინებულ მუჭოთ რუსეთიშ უკიდაშ ობჟათე მუხური, მარა სინანდულეს კონკა რუსეთიშ უკიდაშ ობჟათე ჭურჭულიშ ოორუეშ დოხოლაფირო 4 კილომეტრის მეძენას იდვალუაფუ. ობჟათე ჭურჭულს უკიდაშ პუნქტეფ რე რაღდანიშ დო ნესენიშ გვალეფი, ნამუეფჷთ ბაზარდუზუშე ობჟათეშა იფაჩუნა.[1] XX ოშწანურაშ დაჭყაფუს ბაზარდუზუშ კართეეფშე 8 მორჩილ ჯიშთ გიმმიშჷ. თინეფშე უკაბეტაშის 1 კილომეტრიშ სიგჷრძა უღუდჷ დო „ტიხიცარიშ“ ჯოხო გეძდჷ.[2] კონკაშა პირველო ეშართჷ სერგეი ალექსანდროვქ 1847 წანას. აბანობურ ლეკეფი ბაზარდუზუშა უჯოხონა „კიჩენდაღი“, ნამუთ მარგალურო „შქურინიშ გვალას“ შანენს.
რესურსეფ ინტერნეტში
[რედაქტირაფა | წყუშ რედაქტირაფა]- კონკა ბაზარდუზუ Archived 2009-04-20 ვებ-ხასჷლას Wayback Machine. (რუს.)
- მარშრუტი კონკა ბაზარდუზუშა (რუს.)
- ბაზარდუზუშ ფოტოსურათეფი Archived 2009-09-15 ვებ-ხასჷლას Wayback Machine. (რუს.)
ლიტერატურა
[რედაქტირაფა | წყუშ რედაქტირაფა]- ქორთული სხუნუეფიშ ენციკლოპედია, ტ. 2, ხს. 142, ქართი, 1977 წანა.