ბაისანგურ ბენოარი
| ბაისანგურ ბენოარი | |
| ჩეჩენ. Бенойн БойсгӀар | |
 | |
| მოღალობა |
ოურდუმე მოღალე |
|---|---|
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი | |
| ღურაშ აბანი | |
| ერუანობა | |
ბაისანგურ ბენოარი (ჩეჩენ. Бенойн БойсгӀар, დ. 1794 — ღ. 3 მელახი, 1861) — ჩეჩენი ოურდუმე მოღალე, შამილიშ ართ-ართი ნაიბი, ჩეჩნეთიშ იმამი 1859-1861 წანეფს, ოორუე კავკაციაშ დუდშულობაშო დო ზოხორინელობაშო მალიმარი კავკაციაშ ლჷმაშ (1817-1861) მიმალობას.
დებადჷ ბენოიშ აულს, დოხოლაფირო 1794 წანას. 1825-1826 წანეფს მონაწილენდჷ რუსეფიშ მეხჷ არყებას, ნამუსჷთ ბეიბულატ ტაიმიევი ხემანჯღვერენდჷ. 1828 წანაშე ბაისანგური ყაზი-მუჰამადის ალურდჷ. 1839 წანას, რუსეფქ ახულგოშ ჯიხაზურგა ქართას ქინახუნეს. რუსეფქ ჯიხაზურგა გეჭოფეს, მარა შამილქ ნტება შელებუ. უკულ, შამილს დო თიში მოხუჯეეფს ოჸურჩე ქიმეჩჷ ბაისანგურიშ ფანიაქ.
1846 წანას, მიხეილ ვორონცოვიშ ნძალეფიწკჷმა ბურჯაფის, ბაისანგურქ ცალი ხე დო ცალი თოლი მიოდინუ. 1847 წანაშ, გერგებილიშ ლჷმას, ბაისანგურქ ცალი კუჩხი ხოლო მიოდინუ. ბურჯაფიშ მიმალობას, თინა რუსეფქ ტყვეთ ხეშა ქაშეჸოთეს დო კონვოით გროზნოშა გინმოჸუნდეს. მარა რუსეფიშ კონვოის ქიგიანთხეს შამილიშ მურიდეფქ დო ბაისანგური ონტინეს. ართ-ართი ლეგენდათ, ცალთოლამი, ცალკუჩხამი დო ცალხელამი ბაისანგური ცხენს გეკირუდჷ დო თეშ ოლიმუდჷ რუსი ოკუპანტეფს.
1860 წანაშ 8 მესის, ბაისანგურქ დო შამილიშ ჸოფილი ნაიბეფქ: უმა დუიევქ დო ატაბი ატაიევქ წიმიჭყეს ახალი არყება ჩეჩნეთის. თე წანაშ ივანობას, ნოღა ფაჩუშ გოხოლუას, ბაისანგურქ დამარცხჷ რუსეთიშ ჯარეფი, ნამუეფსჷთ ხემანჯღვერენდჷ გენერალი კუნდუხოვი. უკულ, არჸებულეფიშ მუდანობაქ გედიდჷ დო დოხოლაფირო 1,500 კოჩის მიოჭირინუ. გერგობათუთას, არჸებულეფქ დამარცხეს 800 კაზაკი დო 9 ქვიითი ბატალიონი.
1861 წანას ბაისანგური რუსეფქ ოჭოფეს დო გეგნიჸონეს ხასავიურტიშ ჯიხაშა. უკულ თინა გასამართეს დო ღურაშ განჩინება გეგშუღეს. 1861 წანაშ 1 მელახის, ბაისანგური ქეგთაშქვიდეს.