ბასკეთი
 | |
გერბი
| შილა |
| ქიანა |  ესპანეთი |
| ჰიმნი: | Eusko Abendaren Ereserkia (ბასკური) „ბასკეფიშ ერუანულ ჰიმნი“ |
| სტატუსი | ავტონომიური ჯარალუა |
| ფორჷნს | 3 პროვინციას |
| ადმინ. ცენტრი | ვიტორია-გასტეისი |
| შხუ ნოღეფი | ბილბაო |
| მადუდე | ლეჰენდაკარი: იმანოლ პრადალესი |
| ედპ (2024) ედპ ართ შურ მახორუშე | €91.613 მილიარდი €40,862 |
| ოფიც. ნინეფი | ბასკური, ესპანური, ფრანგული |
| მახორობა (2025) | 2,242,343 (8-ო აბანი) |
| მეჭედალა | 310 კოჩი/კმ² |
| ფართობი | 7,230 კმ² (1.4 %, 14-ა აბანი) |
| სიმაღალა ზუღაშ დონეშე - უმაღალაშ ჭურჭული | 1 551 მ |
| განედი | 42.50 |
| გრძედი | 2.41 |
 | |
| ბორჯიშ ორტყაფუ | UTC+1 |
| კოდი ISO 3166-2 | ES-PV |
| ოტელეფონე კოდი | +34 94- |
| ოფიციალური ვებ-ხასჷლა | |
ბასკეთი ვარ-და ბასკეფიშ ავტონომიურ გოართოიანაფა (ბას. Euskal Autonomia Erkidegoa (EAE); ესპ. Comunidad Autónoma Vasca (CAV), ფრანგ. Communauté Autonome du Pays Basque (CAPV)) თეშნეშე ოფიციალურო ჯოხოიდვალუაფუ ეუსკადი (ბას. eus̺kadi) — ავტონომიურ გოართოიანაფა ესპანეთიშ ოორუეშე. თინა იკათუანს გეჸვენჯ ბასკურ პროვინციეფს: ალავას, ბისკაიას დო გიპუსკოას. ბასკეთიშ ტერიტორიათ რე გოხურგელ ჟირ ანკლავი, ტრევინიო დო ვალიე-დე-ვილიავერდე.
ბასკეთის ქიმიაჩჷ „ერუანობაშ“ სტატუსიქ, ნამუთ გერსხილ რე ესპანეთიშ 1978 წანაშ კონსტიტუციას. ავტონომიურ გოართოიანაფა გერსხჷ ბასკეთიშ ავტონომიაშ სტატუტის, ნამუთ რე ოსხირგჷმაჭყაფალ იურიდიულ დოკუმენტ დო აკმოქიმინუნს ინოხვენს ბასკ კათაშ წუმოძინაშო ობჟათე ბასკეთის. თეშ პარალელურო, ნავარას, ნამუქჷთ 1932 წანას მორჩილ უმენტაშობათ ივარუ ართობურ ავტონომიაშ სტატუტშენ,[1] 1982 წანას მიაჩჷ ზოხორინელ ქარტიულ სტატუტიქ.
ასეიან ბორჯიშო ავტონომიურ გოართოიანაფას ოფიციალურ ნანანოღა ვაუღჷ, მარა ნოღა ვიტორია-გასტეისი, ნამუთ ალავაშ პროვინციას იდვალუაფუნ, რე დე-ფაქტო ნანანოღა, ანდანე თექ იდვალუაფუ ბასკეთიშ პარლამენტი, ბასკეთიშ თარობაშ შტაბ-ორენ დო ბასკეთიშ ავტონომიური გოართოიანაფაშ პრეზიდენტიშ რეზიდენცია (ახურია-ენეაშ დოხორე). ბასკეთიშ უმაღალაშ სასამართოშ შტაბ-ორენ იდვალუაფუ ნოღა ბილბაოს. მუჟანსჷთ ვიტორია-გასტეის ფართობით არძაშე უკაბეტაშ მუნიციპალიტეტ რე (277 კმ²), ბილბაო არძაშე უკაბეტაშ რე მახორობაშ მეჯინათ — თექ ოხორანს 347,342 ადამიერ დო იდვალუაფუ ბისკაიაშ პროვინციას, 875,552 მახორობამ აგლომერაციას.
ტერმინ „ბასკეფიშ ქიანა“ თეშნეშე შილებე შანენდას უმოს კაბეტ კულტურულ რეგიონშა (ბასკურო: Euskal Herria), ბასკ კათაშ ოდაბადეშა, ნამუთ მუშჸურე იკათუანს თე ავტონომიურ გოართოიანაფას ხოლო. კულტურულ ცენტრი – სან-სებასტიანი (დონოსტია) სოდეთ ირწანურო იმანჯებჷ სან-სებასტიანიშ კინო–ფესტივალი.
გეოგრაფია
[რედაქტირაფა | წყუშ რედაქტირაფა]ავტონომიურ გოართოიანაფას აკმადგინანა გეჸვენჯ პროვინციეფი:
- ალავა (ბასკურო Araba), ნანანოღა ვიტორია-გასტეისი
- ბისკაია (ესპანურო Vizcaya, ბასკურო Bizkaia), ნანანოღა ბილბაო
- გიპუსკოა (ესპანურო Guipúzcoa), ნანანოღა სან-სებასტიანი
რესურსეფ ინტერნეტის
[რედაქტირაფა | წყუშ რედაქტირაფა]- Basque Government
- José Aranda Aznar, “La mezcla del pueblo vasco”, en Empiria: Revista de metodología de ciencias sociales, ISSN 1139-5737, Nº 1, 1998, págs. 121-180.
- ↑ Blinhorn, Martin The Basque Ulster': Navarre and the Basque Autonomy Question under the Spanish Second Republic The Historical Journal Vol. 17, No. 3 (Sep. 1974), pp. 595–613