ბინგუ ვა მუთარიკა
| ბინგუ ვა მუთარიკა | ||
 მუთარიკა 2009 წანას | ||
| მალავიშ მა-3 პრეზიდენტი | ||
|---|---|---|
| პოსტის გერინაშ ბორჯი | ||
| 24 მესი, 2004 – 5 პირელი, 2012 | ||
| წიმოხონი | ბაქილი მულუზი | |
| მონძე | ჯოის ბანდა | |
დემოკრატიული პროგრესული პარტიაშ პრეზიდენტი | ||
| პოსტის გერინაშ ბორჯი | ||
| ფურთუთა, 2005 – 5 პირელი, 2012 | ||
| წიმოხონი | პარტიაქ დირსხჷ | |
| მონძე | პიტერ მუთარიკა | |
| პოსტის გერინაშ ბორჯი | ||
| 31 ღურთუთა, 2010 – 31 ღურთუთა, 2011 | ||
| წიმოხონი | მუამარ კადაფი | |
| მონძე | თეოდორო ობიანგ ნგემა მბასოგო | |
| დუნაბადი | 24 ფურთუთა, 1934 ტიოლო, ნიასალენდი | |
| ნაღურა | 5 პირელი, 2012 (78 წანერი) ლილონგვე, მალავი | |
| მენოღალობა |  მალავი | |
| პოლიტიკური პარტია | დემოკრატიული პროგრესული პარტია (2005–2012) | |
| ალმასქუ | 1. ეთელ მუთარიკა 2. კალისტა ჩიმომბო | |
| სქუალეფი | 4 | |
| გონათაფა | დელიშ უნივერსიტეტი კალიფორნიაშ მირამარიშ უნივერსიტეტი | |
| საქვარუა | ეკონომისტი, პოლიტიკოსი | |
| რელიგია | კათოლიციზმი | |
ბინგუ ვა მუთარიკა, დაბადებაშ ჯოხო ბრაიტსონ უებსტერ რაისონ თომი (დ. 24 ფურთუთა, 1934 — ღ. 5 პირელი, 2012) — მალავარი პოლიტიკოსი დო ეკონომისტი, მალავიშ მასუმა პრეზიდენტი 2004 წანაშე ღურაშახ (2012). თის თაშნეშე უკინებუდჷ დემოკრატიული პროგრესული პარტიაშ პრეზიდენტიშ პოსტი 2005-2012 წანეფს. 2010-2011 წანეფს მუთარიკა რდჷ აფრიკაშ რსხუშ მა-8 დუდმახვენჯი.[1]
მუთარიკა გურაფულენდჷ ეკონომიკას ინდოეთიშ დო ამერიკაშ უნივერსიტეტეფს. გურაფაშ თებაშ უკულ მოღალენდჷ მალავის დო ზამბიას. მუშენდჷ მოსოფელიშ ბანკის, კრედიტ-ოფიცერო დო გოეროშ აფრიკაშ ეკონომიკურ კომისიას. 2004 წანას, მალავიშ პრეზიდენტიქ, ბაქილი მულუზიქ მუთარიკა ქჷმწარინუ პრეზიდენტობაშ კანდიდატო, გოართოიანაფილი დემოკრატიული ფრონტიშ (გდფ) პარტიაშე. 2004 წანაშ საპრეზიდენტო გიშაგორუეფს მუთარიკაქ გემორძგჷ, დამარცხჷ მალავიშ კონგრესიშ პარტიაშ კანდიდატი ჯონ ტემბო დო გინირთჷ ქიანაშ რანწკით მასუმა პრეზიდენტო.[2]
მუთარიკაშ მართუალაშ ბორჯის, მალავიშ ეკონომიკაქ შანულამ წჷმოძინას მიოჭირინუ, დედაღარჷ ინფლაციაქ, სიღარიბექ დერკჷ. 2005 წანას, დინახალენ კონფლიქტიშ გეშა, მუთარიქაქ ქიდიტუ გდფ დო ქუდარსხუ მუშ დემოკრატიულ პროგრესული პარტია (დპპ).[3]
მუთარიკაშ თარობაქ წიმიჭყჷ სასუქეფიშ სუბსიდირაფაშ პროგრამა ოფუტეშ მეურნეობას. შედეგო ქიმიძინჷ ლაიტიშ პროდუქტიულაფაქ დო წარმებაქ. ჸათე დო შხვა პროგრამეფით, მუთარიკაშ პოლიტიკურ პოპულარობაქ გედიდჷ, გიშაკერზაფილო რეგიონეფიშ მახორუეფს შქას. 2009 წანას, მუთარიკაქ კინ მაჟირათ იჸუ გიშაგორილქ პრეზიდენტო.[4]
პრეზიდენტობაშ მაჟირა ვადაშ გოძვენას, მუთარიკაშ მართუალა იხასიათებუდჷ გაუფრაშებულ ეკონომიკურ ჸოფირალათ, სტაგნაციათ, დინახალენ პოლიტიკურ კონფლიქტეფით, დემოკრატიაშ ხარისხიშ გაუფრაშებათ დო ავტორიტარულ მეთოდეფით. ქიმიძინ ფასეფქ, გიშაკერზაფილო ოჭკომალიშ დო ელექტრობაშ. დპპ-შ დინახალე, არდგილი უღუდჷ პოლიტიკურ კონფლიქტის მუთარიკაშ დო ვიცე-პრეზიდენტ ჯოის ბანდაშ შქას. მუთარიკაქ ბანდა გეგნარინუ. ბაბდაქ, უკულ მალას, დარსხუ მუშ პოლიტიკურ პარტია - კათაშ პარტია.[5] 2011 წანაშე ქიდიჭყჷ დემონსტრაციეფქ მუთარიკაშ მართუალაშ მეხჷ. მუთარიკაქ დემონსტრანტეფიშ მეხჷ გეგმირინუ უშქურანჯობაშ ნძალეფ. შედეგო 19 ადამიერქ დოღურჷ.[6]
2012 წანაშ 5 პირელს ბინგუ ვა მუთარიკაქ დოღურჷ გურიშ ლახარათ. გეჸვენჯი პრეზიდენტო გინირთჷ ჯოის ბანდაქ.
თეხანურ მალავის მუთარიკას პოზიტიურო აფასენა დემოკრატიულ მართუალაშ დო ეკონომიკური წჷმოძინეფიშ გეშა, მარა თინა ფშხირას რე კრიტიკაშ ობიექტი ხოლო, ავტორიტარული მართუალაშ დო უკულიან პერიოდიშ ეკონომიკურ სტაგნაციაშ გეშა.[7]
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა]- ↑ Malawi President Bingu wa Mutharika dies.
- ↑ Malawi President Bingu wa Mutharika dies.
- ↑ Malawi President Bingu wa Mutharika dies.
- ↑ Malawi President Bingu wa Mutharika dies.
- ↑ Malawi President Bingu wa Mutharika dies.
- ↑ Malawi President Bingu wa Mutharika dies.
- ↑ Malawi President Bingu wa Mutharika dies.