გაბრიელ რამანანცუა
| გაბრიელ რამანანცუა Gabriel Ramanantsoa | ||
 რამანანცუა 1961 წანას | ||
| მადაგასკარიშ მა-2 პრეზიდენტი | ||
|---|---|---|
| პოსტის გერინაშ ბორჯი | ||
| 11 გჷმათუთა, 1972 – 5 ფურთუთა, 1975 | ||
| წიმოხონი | ფილიბერ ცირანანა | |
| მონძე | რიშარ რაციმანდრავა | |
| პოსტის გერინაშ ბორჯი | ||
| 18 მესი, 1972 – 5 ფურთუთა, 1975 | ||
| წიმოხონი | პოსტიქ ახალშო გიჭყჷ | |
| მონძე | ჟოელ რაკუტუმალალა | |
| დუნაბადი | 13 პირელი, 1906
ანტანანარივუ, ფრანგული მადაგასკარი | |
| ნაღურა | 9 მესი, 1979 (73 წანერი)
პარიზი, საფრანგეთი | |
| მენოღალობა |  საფრანგეთი მადაგასკარი | |
| გონათაფა | სენ-სირი | |
| საქვარუა | ოურდუმე მოღალე, პოლიტიკოსი | |
| რელიგია | კათოლიციზმი | |
გაბრიელ რამანანცუა (დ. 13 პირელი, 1906 — ღ. 9 მესი, 1979) — მადაგასკარალი ოურდუმე მოღალე დო პოლიტიკოსი, მადაგასკარიშ პრეზიდენტი დო პრემიერ-მინისტრი 1972-1975 წანეფს.
ორხველუდჷ მერინაშ ეთნიკურ ბუნას. გურაფულენდჷ საფრანგეთის (სენ-სირი). გურაფაშ თებაშ უკულ ნინალენდჷ საფრანგეთიშ აკოანჯარაფილ ნძალეფს. მადაგასკარიშ ზოხორინელობაშ უკულ ქაკათჷ მადაგასკარიშ ოურდუმე ნძალეფს დო გინირთჷ გენერალო. 1972 წანას, სტუდენტეფიშ დო ფერმერეფიშ პროტესტიშ (როტაკა) მიმალობას, ქიდეკინჷ ქიანაშ პრემიერ-მინისტრიშ დო დუდთხილუაშ მინისტრი პოსტი. პრეზიდენტ ფილიბერ ცირანანაშ გინორინაშ უკულ, რამანანცუაქ გინირთჷ მადაგასკარიშ რანწკით მაჟირა პრეზიდენტო. მართუალაშ გოძვენას, თინა ოცადუდჷ ფრანგულ პოსტ-კოლონიურ ჸოფირალაშე მადაგასკარიშ გადუდიშულაფას დო მადაგასკარული იდენტობაშ განძალიერაფას. ჸათე ღანკით რამანანცუაქ მადაგასკარი გეგშეჸონჷ ფრანკულ ზონაშე დო საფრანგეთიშ ჯარეფს ქუდატებაფუ მადაგასკარიშ ტერიტორია. რამანანცუაშ ინიციატივათ ნაციონალიზაფილქ იჸუ ფრანგულ კორპორაციეფქ, მიშაღალირქ იჸუ გონათაფაქ მალაგასიურ ნინაშა.
რამანანცუას დო თიშ ფანიას ფშხირას აბრალუაფუდეს კორუფციას, რთამიშ ეჭოფუას. ჸათეშ გეშა ძალამს დედაღარჷ თიშ პოლიტიკურ შანულობაქ. 1974 წანას არდგილი უღუდჷ სახენწჷფო გინორთას რამანანცუაშ თარობაშ მეხჷ, მარა რამანანცუაქ პოსტის იშენ ქიგესკიდჷ. გინორთაშ უკულ, ოცადუდჷ ახალ თარობაშ ფორმირაფას, მარა მიოდინუ მუშ მოხუჯე, გოლინიან პოლიტიკოსეფიშ ალარნა, ჸათეშ გეშათ 1975 წანაშ 5 ფურთუთას, რამანანცუაქ პრეზიდენტიშ პოსტშე გეგნოდირთჷ. რამანანცუაქ ღურუ 1979 წანაშ 9 მესის, პარიზის, 73 წანერქ.[1]
ქოძირით თაშნეშე
[რედაქტირაფა | წყუშ რედაქტირაფა]სქოლიო
[რედაქტირაფა | წყუშ რედაქტირაფა] |
თე სტატია მადაგასკარიშ დო მადაგასკარალეფიშ დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |