გრეტა გარბო
| გრეტა გარბო | |
| Greta Garbo | |
 გარბო ფილმის „გურიშ ეულა“ (1931) | |
| ჯოხო დაბადება შვანს |
გრეტა ლოვისა გუსტაფსონი |
|---|---|
| მოღალობა |
1920–1941 |
|
ბიოგრაფიული ჩინებეფი
| |
| დაბადებაშ თარიღი | |
| დაბადებაშ აბანი | |
| ღურაშ თარიღი |
პირელი 15, 1990 (84 წანერი) |
| ღურაშ აბანი | |
| ნთხორუაშ აბანი |
სკუგსჩიურკოგორდენი, სტოკჰოლმი |
| საქვარუა: | |
| მენოღალობა | |
| ერუანობა |
შვედი |
| ჯილდოეფი: |
|
[gretagarbo.com ოფიციალური ვებ-ხასჷლა] | |
გრეტა გარბო (შვედ. Greta Garbo, ნანდულ ჯოხო — გრეტა ლოვისა გუსტაფსონი; დ. 18 ეკენია, 1905, სტოკჰოლმი — ღ. 15 პირელი, 1990, ნიუ-იორკი) — შვედურ გოჭყაფაშ კინო-არტისტი. გარბო ჰოლივუდიშ უქალუ დო ხონარამ ბორჯიშ ნანდულ ერეფოშქაშე მურიცხ რდუ. თიშ ანდა ფილმ ნანდულ სენსაცია რდჷ, ნამუთ კინოკომპანიეფშო კაბეტ მოგება მოუღუდჷ. გარბო ოთხშა რდუ ნომინირაფილ ოსკარშა. ოსურიშ საუჯგუშო როლიშ ლაჸაფშენ ფილმეფს „ანა კარენინა“ (1935) დო „კამელია“ (1936) ნიუ-იორკიშ ფილმეფიშ კრიტიკოსეფიშ ასოციაციაშ ჯილდო მიპალჷ. 1999 წანას ამერიკაშ ფილმეფიშ ინსტიტუტიქ არძა ბორჯიშ უკაბეტაშ არტისტ ოსურეფიშ ერკებულს მახვამილუ, სოდეთ გრეტა გარბოქ მახუთა აბან დეკინჷ. თის უწორუანდეს კეთრინ ჰეპბერნი, ბეტი დეივისი, ოდრი ჰეპბერნი დო ინგრიდ ბერგმანი.
გარბოშ კარიერა 1924 წანაშე იჭყაფუ. ზუსტას თე წანას თიქ თარ როლ ილაჸაფჷ შვედ რეჟისორიშ, მორიც სტილერიშ ფილმის „საგა იოსტა ბერინგშენ“. თე ფილმ რდუ ჩინებულ შვედ ჭარუშ, სელმა ლაგერლიოფიშ ნაწარმოებიშ ეკრანიზაცია. ფილმიშ ქრონომეტრაჟ სუმ სათის აკმადგინანდჷ. „საგა იოსტა ბერინგშენ“ წჷმოძინათ გიშართჷ შვედეთის დო ევროპაშ შხვა ქიანეფს. მარა შხვადოშხვა ქიანას ფილმიშ კუნტა ვერსია გაშქვეს; სამანგათ, საფრანგეთის თე ფილმიშ განწეობა ჟირ საათის აკმადგინანდჷ. ზუსტას თე ფილმიშ უკულ გრეტა გარბოშა ინტერესქ ნანდულო ქიმიძინჷ. თით დეინტერესჷ ჰოლივუდის მოღალე Metro-Goldwyn-Mayer-იშ მადუდე, ლუი მაიერქ დო ააშ-შა ულა ქემიარზჷ. გრეტა გარბო ჰოლივუდშა 1925 წანას ქემერთჷ. 1926 წანას თიქ ილაჸაფჷ ფილმის „ნაღვარია“, თიმ წანასჷთ თიქ თარ როლ არსულჷ ფილმის „ხორც დო ქერქენჯი“. ჭიე-ჭიეთ გრეტა გარბოქ ერეფოშაშე აღიარება მიპალჷ დო თიქ ხეთეშე კინო-მურიცხო გინირთჷ. გარბოშ პირველ საუჯგუშო ფილმო იკოროცხუ 1930 წანას გინოღალირ „ანა კრისტი“. გრეტა გარბოქ მუშ კარიერაშ განწეხანს 27 ფილმის ილაჸაფჷ. თიშ უმკუჯინალო, ნამჷ-და როლეფს კჷნე მიარზიენდესჷნ, არძას უვარუ. გრეტა გარბო მაქსიმალურო ოცადუდჷ, ნამჷ-და თიშ პიჯულ რინა ფულირ ჸოფედჷკონ.
ფილმოგრაფია
[რედაქტირაფა | წყუშ რედაქტირაფა]| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1924 | ფ | საგა იოსტა ბერლინგშენ | The Saga of Gosta Berling | ელისაბედ დონა |
| 1930 | ფ | ანა კრისტი | Anna Christie | ანა კრისტი |
| 1930 | ფ | რომანი | Romance | მადამ რიტა კავალინი |
| 1931 | ფ | ანა კრისტი | Anna Christie | ანა კრისტი |
| 1932 | ფ | გრანდ ოტელი | Grand Hotel | გრუზინსკაია |
| 1933 | ფ | დიაფალ ქრისტინე | Queen Christina | შვედეთიშ დიაფალ ქრისტინე |
| 1935 | ფ | ანა კარენინა | Anna Karenina | ანა კარენინა |
| 1939 | ფ | ნინოჩკა | Ninotchka | ნინა ივანოვნა იაკუშოვა |
| 1941 | ფ | ჟირსახეამ ოსური | Two-Faced Woman | კარინ ბორგ ბლეიკი |
რესურსეფ ინტერნეტის
[რედაქტირაფა | წყუშ რედაქტირაფა]
- GarboForever: ლეგენდას შურ უდგუ - მასალეფ გრეტა გარბოშენ - ბიოგრაფია, ფილმოგრაფია, პოსტერეფ დო შხვ. (გერმ.) Archived 2006-06-14 ვებ-ხასჷლას Wayback Machine.
- Greta Garbo Biography—Yahoo! Movies Archived 2012-01-14 ვებ-ხასჷლას Wayback Machine.
- Garbo History
- Greta Garbo