გრიგოლიში (ალერტკარი)

ვიკიპედია-შე
Jump to navigation Jump to search
ოფუტე
გრიგოლიში
ალერტკარი
SZS-Zugdidi-ka.svg
ქიანა საქორთუო
აკანი სამარგალო-ჟიმოლენი შონე
მუნიციპალიტეტი ზუგდიდიშ მუნიციპალიტეტი
ზუღაშ დონეშე 220
მახორობა 797 კოჩი 2002
Georgia location map2.svg

გრიგოლიში, ალერტკარიოფუტე საქორთუოს, სამარგალო-ჟიმოლენი შონეშ აკანიშ ზუგდიდიშ მუნიციპალიტეტის, ოდიშიშ პლატოს, ზუღაშ დონეშე 220 მეტრა, ზუგდიდიშე 10 კმ. 2002 წანაშ[1]ეჭარუაშ მუნაჩემეფით ოფუტეს ოხორანს 797 ადამიერი. ოფუტეს გედგჷ XIX ოშწანურაშ ოხვამე.

ისტორია[რედაქტირაფა | წყუშ რედაქტირაფა]

ოფუტეს ჯოხოთ ჯვეშო ალერტკარი გეძუდჷ. ალერტკარქ საგანოს ოფუტეშ ცენტრის სქჷლადირი ალერტიშ ოხვამეშ ჯოხოდვალაშ გეშა გიადჷ. წოხოლე თე საგანო აკოშქუმალირი რდჷ ოფუტე ყულიშკარწკჷმა, ნამუსუთ გჷმერთჷ 1934 წანას, მუჭოთ ზოხო ოფუტე. გრიგოლიშიშ ჯოხოდვალა რევოლუციონერ გრიგოლ როგავაწკჷმა რე მერსხილი. ულირი ოშწანურაშ 30–ამი წანეფიშ დაჭყაფუშე ოფუტეს გინწყჷ დაჭყაფურ სკოლაქ, ნამუშ დირექტორი ნესტორ გულუა რდჷ დო მაგურაფალეფი: ელიზბარ ესებუა, აკაკი ანთელავა.

1936 წანას დაჭყაფურ სკოლაქ გეგნიკეთჷ ვარსული ოშქაშე სკოლათ. თის ვარლამ გულუა ხემანჯღვერენედჷ. 1967 წანაშე ვარსული სკოლაქ გეგნიკეთჷ ოშქარი სკოლათ დო 1986 წანას ოფუტეშ ცენტრის დიკიდჷ ტიპიური სუმსართულამი ოსკოლე დგჷმილქ 264 მოგურაფეშ აბანშა.

ოფუტე ამდღა[რედაქტირაფა | წყუშ რედაქტირაფა]

ოფუტეშ მახორობაშ უმენტაშობა თხულენც დართას ოფუტეს მუში კჷნოხიანი ჯოხოდვალაქ დო თის ქიგიადვას ალერტკარქ.

გრიგოლიშის ეკონია წანეფიშ დინოხოლე მიარე პროექტიქ იხორციელჷ. რეაბილიტაციაქ ჩეტარჷ ობაღანე ბაღის, ნამუთ 20 წანას ვა ფუნქციონირენდჷ. ხინჯეფიშ ეგაფათ ოფუტეს უდიდაში პრობლემაქ გჷნიჭკჷირ. მინწყუ ოკუჩხბურთე მოედანქ, დიმონტაჟჷ გალენ გონათაფაქ. უმწეო კატეგორიაშ მახორობას (32 ფანია) გურემონტეს ოხორინალი ჸუდეეფი. ირ წანას იხრეშუ დო ითინუ მუჭოთ ცენტრალური, თაშნე დინოხოლენი შარეფი. გეკეთინჷ ოჯინუეფქ, ოლანქერე ნთხორილეფქ. გრიგოლიშის საშუალო სკოლას ჩაუტარდა საფუძვლიანი რემონტი. ზუგდიდიშ მუნიციპალიტეტიშ გამგეობაშ ხუჯიშ მეჩამათ დო ალარინათ მუმალშო მიარე ჩეჟიერი საქვარი იგეგმაფუაფჷ.

გჷმორინაფილი ლიტერატურა[რედაქტირაფა | წყუშ რედაქტირაფა]

ზუგდიდიშ მუნიციპალიტეტიშ გამგეობაშ ვებ-ხასჷლა

სქოლიო[რედაქტირაფა | წყუშ რედაქტირაფა]