დინორეშა გინულა

გრიგორი ზინოვიევი

ვიკიპედიაშე
გრიგორი ზინოვიევი
Григорий Зиновьев
გრიგორი ზინოვიევი Григорий Зиновьев
ზინოვიევი 1920 წანას
კომუნისტური ინტერნაციონალიშ დუდმახვენჯი
პოსტის გერინაშ ბორჯი
2 მელახი, 1919 – 22 გერგობათუთა, 1926
წიმოხონიპოსტიქ გიჭყჷ
მონძენიკოლაი ბუხარინი

პოსტის გერინაშ ბორჯი
13 ქირსეთუთა, 1917 – 26 მელახი, 1926
წიმოხონილევ ტროცკი
მონძეპოსტიქ გეუქვჷ

მა-6, მა-10, მა-11, მა-12, მა-13, მა-14 პოლიტბიუროშ რსული მაკათური
პოსტის გერინაშ ბორჯი
10 გჷმათუთა – 29 გერგობათუთა, 1917
პოსტის გერინაშ ბორჯი
16 მელახი, 1921 – 23 კვირკვე, 1926

მა-8, მა-9 პოლიტბიუროშ კანდიდატი მაკათური
პოსტის გერინაშ ბორჯი
25 მელახი, 1919 – 16 მელახი, 1921

დუნაბადი23 ეკენია, 1883
ელისავეტგრადი, რუსეთიშ იმპერია
ნაღურა25 მარაშინათუთა, 1936 (52 წანერი)
მოსკოვი, რუსეთიშ სფსრ, სსრრ
ღურაშ ბაძაძირხუალა
მენოღალობასხუნუეფიშ რსხუშ შილა სსრრ
პოლიტიკური პარტიარსდმპ (1901-1903)
რსდმპ (ბოლშევიკეფი) (1903-1918)
რუსეთიშ კომუნისტური პარტია (ბოლშევიკეფი) (1918–1927, 1928–1932, 1933–1934)
ალმასქუ1. სარა რავიჩი
2. ზლატა ლილინა
გონათაფაბერნიშ უნივერსიტეტი
რელიგიაათეიზმი

გრიგორი ევსეევიჩ ზინოვიევი (რუს. Григорий Евсеевич Зиновьев, თახმი ჯოხო ოვსეი-გერშონ აარონიშ სქი რადომისლსკი; დ. 23 ეკენია [ჯვ.სტ. 11 ეკენია], 1883 — ღ. 25 მარაშინათუთა, 1936) — რუსი პოლიტიკოსი დო სახენწჷფო მოღალე, რევოლუციონერი, ჯვეში ბოლშევიკი, კომუნისტური ინტერნაციონალიშ დუდმახვენჯი 1919-1926 წანეფს.

დებადჷ უკრაინას, ურიეფიშ ფანიას. ორდოიანი წანეფიშე პოლიტიკათ დეინტერესჷ. 1901 წანას ქაკათჷ რუსეთიშ სოციალ-დემოკრატიული მუშეფიშ პარტიას (რსდმპ). პარტიაშ გორთუალაშ უკულ, ბოლშევიკეფს ქალუდირთჷ დო ხუჯი ვლადიმერ ლენინს დუკინჷ. 1903 წანაშე ზინოვიევი ლენინიშ ართ-ართი უხოლაში პოლიტიკური მორსხუე რდჷ. 1902-1905 წანეფს ზინოვიევი ურცხოეთის ცხოვრენდჷ დო გურაფულენდჷ იურისპრუდენციას ბერნიშ უნივერსიტეტის. 1905 წანას, მონაწილენდჷ რუსეთიშ მაართა რევოლუციას დო აწარმენდჷ პარტიული აგიტაციას სანქტ-პეტერბურგიშ მუშეფს შქას. რევოლუციაშ მარცხიშ უკულ კინ ურცხოეთიშა მიდართჷ დო 1907 წანას გიშაგორილქ იჸუ პარტიაშ ცენტრალური კომიტეტიშ მაკათურო ლონდონიშ კონგრესის. 1909-1917 წანეფს ზინოვიევი ცხოვრენდჷ საფრანგეთის, ავსტრიას დო შვეიცარიას. ფურთუთაშ რევოლუციაშ უკულ ზინოვიევქ რუსეთშა დირთჷ დო პოლიტიკურო დეხოლჷ ლევ კამენევს. კამენევიწკჷმა ართო თინა ოპონირენდჷ ლენინიშ პირელიშ თეზისეფს დო ხეშულობაშ ხეშა ეშაჸოთამას ნძალაშ გიმორინაფათ. ჸათე ოპონირაფაშ გეშა გეუფრაშჷ ზინოვიევიშ ურთიართალაქ ლენინიწკჷმა, მარა ზინოვიევქ იშენ გიშაგორილქ იჸუ პეტროგრადიშ სხუნუშ დუდმახვენჯო 1917 წანას დო უკულ, 1919 წანას კომუნისტური ინტერნაციონალიშ (კომინტერნი) დუდმახვენჯო. 1921 წანას გინირთჷ პოლიტბიუროშ რსული მაკათურო.

ლენინიშ რინაშ ეკონია წანეფს ზინოვიევქ, ლევ კამენევი დო იოსებ სტალინიწკჷმა ართო აფორმირჷ ტრიუმვირატი ("ტროიკა"). ლენინიშ ღურაშ უკულ მიმალი ლჷმას ხეშულობაშო, ტროიკაქ დამარცხჷ ლევ ტროცკი. ტროცკიშ დამარცხებაშ უკულ სტალინქ ქიდიჭყჷ მოქმენდალა კამენევიშ დო ზინოვიევიშ მეხჷ. ბორჯიშ კუნტა პერიოდიშ გოძვენას, ზინოვიევქ დო კამენევქ ნძალეფი აკაართიანეს ტროცკიწკჷმა. 1926 წანას გრიგორი ზინოვიევი მონწეს კომინტერნიშ დუდმახვენჯიშ პოსტიშე დო პოლიტბიუროშე გეგშაჸათეს. 1927 წანას თინა პარტიაშე ხოლო გარიცხეს. 1928 წანას ზინოვიევი დო კამენევი პარტიაშა კინ მიღეს. 1932 წანას ჟირხოლო კინ გეგშაჸათეს პარტიაშე დო ართი წანაშ უკულ კინ დართინეს.

1934 წანას დოჸვილეს სტალინიშ მოხუჯე ჯვეში ბოლშევიკი სერგეი კიროვი. ჸათე ფაქტი სტალინქ ოპონენტეფიშ პოლიტიკური რეპრესიეფიშ სამანჯელო გეგმირინუ. 1934 წანას ზინოვიევი ოჭოფეს. 1936 წანას თინა კამენევიწკჷმა ართო გასამართეს, ქეკადვეს ტერორისტული ორგანიზაციაშ დორსხუაფა, კიროვიშ ჸვილუა, გითოჩამა დო შხვა დანაშურეფი დო 25 მარაშინათუთას გორხვეს.