გრიგორი პოტიომკინი

	გრიგორი პოტიომკინი; Григорий Потёмкин
	;
ოურდუმე კოლეგიაშ პრეზიდენტი
პოსტის გერინაშ ბორჯი
	1774 – 1791
წიმოხონი	ზახარ ჩერნიშოვი
მონძე	ნიკოლაი სალტიკოვი
ნაღურა	16 გჷმათუთა, 1791 (52 წანერი) (ახ. სტ.); იასი, მოლდოვაშ სათარო, ოსმალეთიშ იმპერია
მენოღალობა	რუსეთიშ იმპერია
მუმა	ალექსანდრე პოტიომკინი
ნანა	დარია სკურატოვა
საქვარუა	სახენწჷფო დო ოურდუმე მოღალე

გრიგორი ალექსანდრეშ სქი პოტიომკინ-ტავრიჩესკი (რუს. Григо́рий Алекса́ндрович Потёмкин-Таври́ческий, დ. 11 გჷმათუთა [ჯვ. სტ. 30 ეკენია], 1739 — ღ. 16 გჷმათუთა [ჯვ. სტ. 5 გჷმათუთა], 1791) — რუსი ოურდუმე დო სახენწჷფო მოღალე, გენერალ-ფელდმარშალი, რუსეთიშ იმპერატორიშ ეკატერინე II-შ ოჸოროფუ დო ფავორიტი.

გურაფულენდჷ მოსკოვიშ უნივერსიტეტის. 1755 წანას ქაკათჷ ცხენენჯეფიშ გვარდიას. პოტიომკინქ შანულამი როლი არსულჷ ეკატერინე II-შ ხეშულობაშა მოჸონაფას. გრიგორი პოტიომკინქ დუდი გიმირჩქინჷ მუჭოთ შანულამი ოურდუმე მანჯღვერქ, რუსეთ-ოსმალეთიშ 1768-1774 წანეფიშ ლჷმას. უკულიანი პერიოდის, თიქ კაბეტი გოლინა დო პოპულარობა მიპალუ დო რუსეთიშ იმპერატორს, ეკატერინე II-ს დეხოლჷ დო გინირთჷ თიში ჸოროფილო დო ფავორიტო. 1774-1791 წანეფს პოტიომკინს უკინებუდჷ ოურდუმე კოლეგიაშ პრეზიდენტიშ პოსტი. თაშნეშე, პოტიომკინი რდჷ აკოანჯარაფილი ნძალეფიშ თარსარდალი დო "ახალი რუსეთიშ" (ობჟათე უკრაინა) გენერალ-გუბერნატორი. პოტიომკინიშ მანჯღვერალათ რუსეფქ ქიდეკინეს ყირიმიშ სახანო 1783 წანას. რუსეთ-ოსმალეთიშ 1787-1791 წანეფიშ ლჷმას, პოტიომკინიშ ჯარეფქ ქართას (ალყა) ქინახუნეს ოჩაკოვი. ოჩაკოვიშ ბურჯაფი ართ-ართი შანულამი მენტება რდჷ რუსეთ-ოსმალეთიშ ლჷმაშ მიმალობას. რუსეფქ ოჩაკოვი გეჭოფეს დო კონწარო დამარცხეს ოსმალეფი.

1775 წანას, პოტიომკინქ გინირთჷ რუსეთიშ ახალი ობჟათე რეგიონეფიშ გენერალ-გუბერნატორო. ჸათე ბორჯიშე თინა აქტიურო ოცადუდჷ სტეპეფიშ კოლონიზაციას. პოტიომკინიქ დარსხუ ნოღეფი: ხერსონი, მიკოლაივი, სევასტოპოლი დო ეკატერინოსლავი. თიქ, თაშნეშე მიშეღჷ კაბეტი თია რუსეთიშ უჩა ზუღაშ ფლოტიშ განძალიერაფაშა.

ართ-ართი ლეგენდაშ მეჯინათ, პოტიომკინქ, ეკატერინეშ დო შხვა ოფიციალური პიჯეფიშ ოძირაფალო ეიოგჷ ვარეალური ჸუდეეფი, გეგნოღაფჷ ფასადეფი (პოტიომკინიშ ოფუტე). მახორობეფი რეალურო ვაარსებენდჷ დო თინეფი ხვალე ფიქცია რდჷ.

ლიტერატურა

ენციკლოპედია ბრიტანიკა

თე სტატია რუსეთიშ დო რუსეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.