გრიგორი რასპუტინი
| გრიგორი რასპუტინი | |
| რუს. Григо́рий Ефи́мович Распу́тин | |
 რასპუტინი 1910-იან წანეფს | |
| მოღალობა |
ოშურიელე პიჯი, მისტიკოსი |
|---|---|
|
ბიოგრაფიული ჩინებეფი
| |
| დაბადებაშ თარიღი |
21 ღურთუთა [ჯვ. სტ. 9 ღურთუთა], 1869 |
| დაბადებაშ აბანი | |
| ღურაშ თარიღი |
30 ქირსეთუთა [ჯვ. სტ. 17 ქირსეთუთა], 1916 (47 წანერი) |
| ღურაშ აბანი |
პეტროგრადი, რუსეთიშ იმპერია |
| ნთხორუაშ აბანი |
ცარსკოე-სელო (უკულ გეშანთხორეს დო კრემაცია გუკეთეს) |
| მენოღალობა | |
| ერუანობა | |
| მუმა |
ეფიმ რასპუტინი |
| ნანა |
ანნა პარშუკოვა |
| ალმასქუ |
პრასკოვია დუბროვინა |
| სქუალეფი |
3 (თინეფს შქას მარია რასპუტინა) |
გრიგორი ეფიმიშ სქი რასპუტინი (რუს. Григо́рий Ефи́мович Распу́тин; დ. 21 ღურთუთა [ჯვ. სტ. 9 ღურთუთა], 1869 — ღ. 30 ქირსეთუთა [ჯვ. სტ. 17 ქირსეთუთა], 1916) — რუსი მისტიკოსი დო ოშურიელე პიჯი.
დებადჷ ცჷნდჷრიშ ოფუტე პოკროვსკოეს, გლეხეფიშ ფანიას. ახალნორდობაშე დეინტერესჷ რელიგიური ცხოვრებათ დო მონასტერშა მიდართჷ. იშარალჷ ათონიშ გვალას, საბერძნეთის დო იერუსალიმს. რუსეთიშა დორთინაშ უკულ სანქტ-პეტერბურგშა მიდართჷ. ჸათაქ თიქ გეჩინებაფუ სანქტ-პეტერბურგიშ ოშურიელე აკადემიაშ წჷმმარინაფალი თეოფანე დო სარატოვალი ეპისკოპოსი ჰერმოგენი. რასპუტინქ სანქტ-პეტერბურგის რინაშ ბორჯის პოპულარობა მიპალუ დო თექიანი ჯარალუაშ შანულამი მაკათურო გინირთჷ. 1905 წანას თიქ გეჩინებაფუ დო დეხოლჷ რუსეთიშ იმპერატორიშ ნიკოლოზ II-შ ფანიას. 1906 წანაშე რასპუტინი ნიკოლოზ II-შ სქუას ალექსეის კურნალენდჷ, ნამუთ ჰემოფილიათ რდჷ ლეხი. კურნალუას თინა აწარმენდჷ ჰიპნოზიშ გჷმორინაფათ. მალას რასპუტინქ იმპერატორიშ კარს შანულამი გოლინა მიპალუ. რასპუტინი ნძვარე ადამიერი რდჷ, ჸუნდჷ ოჸოროფუეფი დო ფშხირას ონწყუნდჷ სექსუალური ორგიეფს თინეფიწკჷმა. რასპუნიშ გლახა საქვარეფქ იმპერატორიშ ჸუჯიშა ხოლო ქიმერთჷ. მარა ნიკოლოზ II-ს რასპუტინი წიმინდე ადამიერო მიოჩქუდჷ დო თიში უბადო რჯებეფიშ ვაჯერდჷ. ჸეთნეფი, ნამუეფით რასპუტინს შხვადოშხვა დანაშურეფს ეკმადვანდეს, ნიკოლოზიქ სანქტ-პეტერბურგიშე გეგნახორუ.
რუსეთიშ იმპერიაშ პრემიერ-მინისტრიქ პეტრე სტოლიპინქ იმპერატორს ქეშიოტყვინუ რასპუტინიშ უბადო რჯებეფიშ გეშა. შედეგო, 1911 წანას, ნიკოლოზიქ რასპუტინი დოხორეშე დეთხინუ. მარა მალას, ნიკოლოზიშ ალმასქუქ ალექსანდრაქ რასპუტინი კინ დართინუ. მაართა მოსოფელიშ ლჷმაშ მიმალობას, 1915 წანაშე, ნიკოლოზიქ გინოჭყვიდჷ აკოანჯარაფილი ნძალეფიშა, პერსონალურო მუს უხემაჯღვერებუდკო. ჸათე ღანკით თიქ დოხორე ქიდიტუ დო ფრონტიშა მიდართჷ. ჸათექ ძალამს განძალიერჷ დო გაფართინუ რასპუტინიშ პოზიციეფი. იმპერიაშ დინახალენი საქვარეფს ალექსანდრა დუდენდჷ, დო ელმაჩამალო რასპუტინი ჸუნდჷ. რასპუტინი მონაწილენდჷ მუჭოთ პოლიტიკური, რელიგიური თაშნეშე ოურდუმე საქვარეფს. თიში ელაჩამათ დო კონსულტაციათ ალექსანდრა მინისტრეფს დუთმარინუანდჷ.
ბორჯიშ გოძვენას, რასპუტინს გურჩქინდჷ სერიოზული ოპონენტეფქ, ულტრა-კონსერვატორეფქ (ფელიქს იუსუპოვი - ნიკოლოზ II-შ ჯიმასქუაშ ქომონჯი, ვლადიმერ პურიშკევიჩი - დუმაშ მაკათური, დიმიტრი პავლოვიჩი - ნიკოლოზიშ ბიძისქუა), ნამუეფსჷთ თინა (რასპუტინი) ვამოწონდეს დო თიში დათხინაფას ოცადუდეს. 1916 წანაშ ქირსეთუთას, თინეფქ რასპუტინი იუსუპოვიშ ჸუდეშა ქიჭანეს. ჸათაქ თინა მოწამალეს, უკულ ტყვიათ დოჸვილეს დო წყარმალუ ნევას ქინარაგვეს.