გულამ ისხაკ ხანი
| გულამ ისხაკ ხანი غلام اسحاق خان | ||
| პაკისტანიშ მა-7 პრეზიდენტი | ||
|---|---|---|
| პოსტის გერინაშ ბორჯი | ||
| 17 მარაშინათუთა, 1988 – 18 კვირკვე, 1993 | ||
| წიმოხონი | მუჰამედ ზია-ულ ჰაკი | |
| მონძე | ვასიმ საჯადი (ობორჯე) | |
| დუნაბადი | 20 ღურთუთა, 1915
ბანუ, ბრიტანეთიშ ინდოეთი | |
| ნაღურა | გჷმათუთა 27, 2006 (91 წანერი)
პეშავარი, პაკისტანი | |
| მენოღალობა |  პაკისტანი | |
| გონათაფა | პეშავარიშ უნივერსიტეტი | |
| რელიგია | სუნიზმი | |
გულამ ისხაკ ხანი (დ. 20 ღურთუთა, 1915 — ღ. 27 გჷმათუთა, 2006) — პაკისტანარი პოლიტიკოსი, პაკისტანიშ მა-7 პრეზიდენტი 1988-1993 წანეფს.
გურაფულენდჷ პეშავარიშ უნივერსიტეტის. გურაფაშ თებაშ უკულ მუშობა ქიდიჭყჷ ინდოეთიშ ომენოღალე ნინალას. ზოხორინელი პაკისტანიშ გოჭყაფაშ უკულ უკინებუდჷ შხვადოშხვა შამულამი პოსტეფი. 1966 წანას, პრეზიდენტ მუჰამედ აიუბ-ხანქ ქუდარინუ ფინანსეფიშ მელამოსეთ. 1971 წანას, ზულფიკარ ალი ბჰუტოქ ქუდარინუ პაკისტანიშ სახენწჷფო ბანკიშ მადუდეთ. 1975 წანას, გულამ ისხაკ ხანი გეგნიჸონეს დუდთხილუაშ მელამოსეთ. ჸათე პოსტის გერინაშ ბორჯის, თიქ არსულჷ შანულამ როლი პაკისტანიშ ბირთვული პროგრამას. მუჰამედ ზია-ულ ჰაკიშ მართუალაშ ბორჯის, გულამ ისხაკ ხანს უკებუდჷ ფინანსეფიშ მინისტრიშ პოსტი. 1985 წანას გიშაგორილქ იჸუ სენატიშ დუდმახვენჯო. 1988 წანაშ 17 მარაშინათუთას, ავიაკატასტროფას ზია-ულ ჰაკიშ ღურაშ უკულ, პრეზიდენტიშ პოსტი გულამ ისხაკ ხანქ ქიდეკინჷ. 1988 წანაშ 13 ქირსეთუთას იჸუ ოფიციალურო გიშაგორილქ პრეზიდენტო.
ისხაკ ხანიშ მართუალაშ გოძვენას, არდგილი უღუდჷ ეთნიკურ კონფლიქტეფს კარაჩის. პრემიერ-მინისტრი ბენაზირ ბჰუტო ისხაკ ხანს კონწარო აკრიტიკენდჷ. ჸათეშ გეშა, ისხაკ ხანქ ბჰუტოშ თარობა დეთხინუ. ახალ პრემიერ-მინისტრო, 1990 წანას, გიშაგორილქ იჸუ ნავაზ შარიფიქ. მარა სუმ წანაშ უკულ, ისხაკ ხანქ თიშ თარობა ხოლო დეთხიუ. უმაღალაშ სასამართალოქ ხუჯი ვადუკინჷ ისხაკ ხანიშ ჸათე გინოჭყვიდირს. 1993 წანაშ კვირკვეს, ისხაკ ხანქ პრეზიდენტიშ პოსტიშე გეგნოდირთჷ. ღურჷ 2006 წანაშ 27 გჷმათუთას, პნევმონიათ.[1]
სქოლიო
[რედაქტირაფა | წყუშ რედაქტირაფა]- ↑ Pakistan ex-president Ghulam Ishaq Khan dies (2006-10-27).