დავიდ დაკო
| დავიდ დაკო | ||
 დაკო 1962 წანას | ||
| ცენტრალური აფრიკაშ რესპუბლიკაშ მა-1 დო მა-3 პრეზიდენტი | ||
|---|---|---|
| პოსტის გერინაშ ბორჯი | ||
| 20 ეკენია, 1979 – 1 ეკენია, 1981 | ||
| წიმოხონი | ჟან ბედელ ბოკასა (მუჭოთ იმპერატორი) | |
| მონძე | ანდრე კოლინგბა | |
| პოსტის გერინაშ ბორჯი | ||
| 14 მარაშინათუთა, 1960 – 31 ქირსეთუთა, 1965 | ||
| წიმოხონი | პოსტიქ გიჭყჷ | |
| მონძე | ჟან ბედელ ბოკასა | |
| პოსტის გერინაშ ბორჯი | ||
| 1 მესი, 1959 – 14 მარაშინათუთა, 1960 | ||
| წიმოხონი | აბელ გუმბა | |
| მონძე | ელისაბედ დომიტიენი (1975) | |
| დუნაბადი | 24 მელახი, 1930
ლობაე, უბანგი-შარი (ასეიან ცარ) | |
| ნაღურა | 20 გერგობათუთა, 2003 (73 წანერი)
იაუნდე, კამერუნი | |
| მენოღალობა |  ცენტრალური აფრიკაშ რესპუბლიკა | |
| პოლიტიკური პარტია | უჩა აფრიკაშ სოციალური ევოლუციაშ ჸარაფი (1979 წანაშახ) ცენტრალური აფრიკაშ დემოკრატიული რსხუ (1980-1981) დემოკრატიაშ დო გოვითარაფაშ ჸარაფი (1993-2003) | |
| ალმასქუ | 1. ფლორენს იაგბაო 2. ბრიჯიტ დაკო | |
| სქუალეფი | 11 | |
| ხეშმოჭარუა |  | |
დავიდ დაკო (ფრანგ. David Dacko; დ. 24 მელახი, 1930 — ღ. 20 გერგობათუთა, 2003) — ცენტრალურ აფრიკალი პოლიტიკოსი, ცენტრალური აფრიკაშ რესპუბლიკაშ პრეზიდენტი 1960-1965 დო 1979-1981 წანეფს.[1]
რდჷ პროფესიათ მაგურაფალი. ცენტრალურ აფრიკაშ ავტონომიაშ პრემიერ-მინისტრიშ ბარტელემი ბოგანდაშ მართუალაშ ბორჯის, დაკოს უკინებუდჷ შხვადოშხვა შანულამ პოსტეფი. 1959 წანას, ბოგანდაშ ღურაშ უკულ პრემიერ-მინისტრო გინირთჷ. 1960 წანას ცენტრალურ აფრიკაშ რესპუბლიკაქ ზოხორინელობა მიპალჷ დო ქიანაშ მაართა პრეზიდენტიშ პოსტი დაკოქ ქიდეკინჷ.[2]
დაკოქ ცარ გინაშქუ ართ-პარტიულ სახენწჷფოთ დო 1962 წანას ანდვილას გემორძგჷ საპრეზიდენტო გიშაგორუეფს. მართუალაშ გოძვენას, თის ვეგნაჭყვიდირჷ ქიანაშ ეკონომიკურ პრობლემეფქ. 1965 წანაშ 31 ქირსეთუთა/1966 წანაშ 1 ღურთუთას, ჟან ბედელ ბოკასაქ ქუდახუ დაკოშ მართუალა დო ხეშულობა მუქ ქაშეჸოთჷ ხეშა.[3]
ბოკასაშ მართუალა იგინძარებუდჷ 13 წანას. თიქ ცენტრალურ აფრიკაშ რესპუბლიკა იმპერიათ გეგმაცხადჷ. 1979 წანაშ ეკენიას, დაკოქ ფრანგულ აკოანჯარაფილ ნძალეფიშ ელარჷნათ, გეგთარაგუ ბოკასა დო ხეშულობაშა დირთჷ. თიშ მაჟირა მართუალას ცენტრალურ აფრიკაშ რესპუბლიკაშო მუთუნნერი წჷმოძინეფ ვამუღალჷ.[4]
1981 წანას, ოურდუმე მოღალექ, გენერალქ, ანდრე კოლინგბაქ ქუდახუ დაკო. უკულიან წანეფს დაკო აქტიურო ოკათუდჷ პოლიტიკას, მუჭოთ ოპოზიციაშ ლიდერი. მონაწილენდჷ 1992 დო 1999 საპრეზიდენტო გიშაგორუეფს მარა დემარცხჷ.[5]