დაუდა კაირაბა ჯავარა
| დაუდა კაირაბა ჯავარა | ||
.jpg) ჯავარა 1979 წანას | ||
| გამბიაშ მა-1 პრეზიდენტი | ||
|---|---|---|
| პოსტის გერინაშ ბორჯი | ||
| 24 პირელი, 1970 – 22 კვირკვე, 1994 | ||
| წიმოხონი | ელისაბედ II, მუჭოთ გამბიაშ დიაფალი | |
| მონძე | იაჰია ჯამე | |
სენეგამბიაშ ვიცე-პრეზიდენტი | ||
| პოსტის გერინაშ ბორჯი | ||
| 12 ქირსეთუთა, 1981 – 30 ეკენია, 1989 | ||
| პრეზიდენტი | აბდუ დიუფი | |
| პოსტის გერინაშ ბორჯი | ||
| 12 მანგი, 1962 – 24 პირელი, 1970 | ||
| მონარქი | ელისაბედ II | |
| წიმოხონი | პიერ სარ ნ'ჯი | |
| მონძე | პოსტიქ გეუქვჷ | |
| დუნაბადი | 16 მესი, 1924
ბარაჯალი, ცენტრალური წყარმალუ, ბრიტანეთიშ გამბია | |
| ნაღურა | 27 მარაშინათუთა, 2019 (95 წანერი)
ფაჯარა, ბაკაუ, გამბია | |
| მენოღალობა |  გამბია | |
| პოლიტიკური პარტია | ოკათე პროგრესული პარტია | |
| გონათაფა | გლაზგოშ უნივერსიტეტი ლივერპულიშ უნივერსიტეტი ედინბურგიშ უნივერსიტეტი | |
| რელიგია | ისლამი | |
დაუდა კაირაბა ჯავარა (ინგლ. Dawda Kairaba Jawara; დ. 16 მესი, 1924 — ღ. 27 მარაშინათუთა, 2019) — გამბიარი პოლიტიკოსი, გამბიაშ პრემიერ-მინისტრი 1962-1970 წანეფს დო გამბიაშ მა-1 პრეზიდენტი 1970-1994 წანეფს.[1]
გურაფულენდჷ ბანჯულიშ მეთოდისტეფიშ სკოლას. უკულ ვეტერინარული ქირურგიათ დეინტერესჷ დო გურაფა გაგინძორჷ გლაზგოშ უნივერსიტეტიშ ვეტერინარული მედიცინაშ სკოლას დო უკულ ლივერპულიშ დო ედინბურგიშ უნივერსიტეტეფს. 1953 წანას ჯავარაქ გამბიაშა დირთჷ დო მუშობა ქიდიჭყჷ ვეტერინარო. 1950-იან წანეფშე ქაკათჷ პოლიტიკას დო გინირთჷ ოკათე პროგრესული პარტიაშ (ოპპ) გენერალურ მელამოსეთ. 1960 წანაშ გიშაგორუეფს ჯავარაქ გიშაგორილქ იჸუ წჷმმარინაფალეფიშ პალატაშ მაკათურო. უკულიან პერიოდის თიქ შანულამ პოლიტიკურ პოპულარობა მიპალჷ დო გინირთჷ ოპპ-შ ლიდერო დო 1962 წანას ქიანაშ მაართა პრემიერ-მინისტრო.[2]
ჯავარაშ მართუალაშ ბორჯის, გამბიაქ მიპალჷ ზოხორინელობა ბრიტანეთიშ მართუალაშე. მარა 1970 წანაშახ სახენწჷფო მადუდეთ სქიდუდჷ ბრიტანეთიშ დიაფალი ელისაბედ II. 1970 წანას გამბიაქ რესპუბლიკათ გეგმიცხადჷ დო ჯავარაქ გიშაგორილქ იჸუ ქიანაშ მაართა პრეზიდენტო. 1981 წანას, არდგილ უღუდჷ სახენწჷფო გინორთაშ ცადებას ჯავარაშ ხეშულობაშ მეხჷ. ჯავარაქ ქელერინუ მეძობელ სახენწჷფოშ, სენეგალიშ აკოანჯარაფილ ნძალეფი დო პოსტის ქიგესკიდჷ. გინორთაშ მარცხიშ უკულ, ჯავარაქ დო სენეგალიშ პრეზიდენტიქ, აბდუ დიუფიქ გჷმაცხადეს სენეგამბიაშ კონფედერაციაშ გოჭყაფაშ გეშა. მარა კონფედერაციას ბრელ ხანს ვაუარსებინჷ დო 1989 წანაშო აკოცუ.[3]
ჯავარაშ მართუალა იგინძარებუდჷ 1994 წანაშახ. თე წანას ქუმოხვადჷ ახალ სახენწჷფო გინორთაქ, ნამუსჷთ დუდენდჷ ოურდუმე მოღალე იაჰია ჯამე. ჯამექ ჯავარაშ თარობა ქუდახუ დო ხეშულობა მუქ ქაშეჸოთჷ ხეშა. ჯავარაქ გამბია ქიდიტუ დო ოცხოვრებშა ურცხოეთიშა მიდართჷ. 2002 წანას ოდაბადეშა დირთჷ. დაუდა ჯავარაქ ღურუ 2019 წანაშ 27 მარაშინათუთას, 95 წანერქ.[4]