დებორა კერი

დებორა კერი
Deborah Kerr
კერი 1958 წანას
ჯოხო დაბადება შვანს	დებორა ჯეინ ტრიმერი
მოღალობა	1937–1986
ბიოგრაფიული ჩინებეფი
დაბადებაშ თარიღი	30 ეკენია, 1921
დაბადებაშ აბანი	ჰილჰედი, გლაზგო, შოტლანდია
ღურაშ თარიღი	გჷმათუთა 16, 2007 (86 წანერი)
ღურაშ აბანი	ბოტსდეილი, საფოლკი, ინგლისი
ნთხორუაშ აბანი	ალფოლდიშ საფულა, სარი, ინგლისი
საქვარუა:	არტისტი
მენოღალობა	გოართოიანაფილი ომაფე
ერუანობა	შოტლანდიარი
ალმასქუ	ტონი ბარტლი (გ. 1945; ჩეთხ. 1959) პიტერ ვირტელი (გ. 1960)
სქუალეფი	2 (თინეფ შქას მელანი ბარტლი)
ჯილდოეფი:	ოსკარიშ საპატიო ჯილდო (1994) ჰოლივუდიშ ვარადებაშ ჯალონა

დებორა ჯეინ ტრიმერი (ინგლ. Deborah Jane Trimmer; დ. 30 ეკენია, 1921 — ღ. 16 გჷმათუთა, 2007), პროფესიულო ჩინებულ მუჭოთ დებორა კერი (ინგლ. Deborah Kerr)) — შოტლანდიარ ოსურ არტისტი. კერიქ პოპულარობა მიპალუ წესიერ დო არისტოკრატულ (ლედიშ ტიპიშ) ოსურეფიშ როლეფიშ ლაჸაფით, ნამუეფჷთ შხირას ჯარალუაშ მოთხირეფს დო სტერეოტიპეფს გეჸუნდეს. კერიქ კაბეტ აღიარება მიღჷ მუშ ხანდაშენ დო ამშვშა იჸუ ნომინირაფილქ ოსკარშა საუჯგუშო არტისტ ოსურიშ კატეგორიას. თინა მერჩქინელ რდჷ მუშ თაობაშ ართ-ართ საუჯგუშო არტისტო. 1940-იან წანეფშე 1960-იან წანეფიშ დათებუშა, თინა მოსოფელიშ ართ-ართ არძაშე პოპულარულ არტისტ რდჷ. დებორა კერის აპალუ ვარჩქვანელობურ რეკორდი — თინა რე არტისტი, ნამუსჷთ არძაშე უმოსშა რდჷ ნომინაციაშა წჷმორინაფილ საუჯგუშო როლშო, მარა „ოსკარი“ დღას ვეუჭოფჷნ.

დებორა კერიქ მუშ მოღალობა ბალერინაშ კუნტა კარიერათ დიჭყჷ, მარა მალას სცენაშა გეგნორთჷ. თინა ოკათუდჷ შექსპირიშ შხვადოშხვა პროდუქციას დო მორჩილ პიესეფს, სოიშა 1941 წანას თიშ კინო-დებიუტ იჸუაფუდჷ ფილმის „მაიორი ბარბარა“. თე დებიუტის მაჸუნჷ თარ როლეფიშ სერიაქ, ნამუქჷთ თიშ პოპულარობას ძალამო მუძინჷ: „Love on the Dole“ (1941); „Hatter's Castle“ (1942); „The Day Will Dawn“ (1942). 1943 წანას კერიქ სუმ შხვადოშხვა ოსურიშ როლ ილაჸაფჷ მაიკლ პაუელიშ დო ემერიკ პრესბურგერიშ რომანტიკულ-ოლჷმურ დრამას „პოლკოვნიკ ბლიმპიშ რინა დო ღურა“. თე სურათ ამდღარშათ არძა ბორჯიშ ართ-ართ უკაბეტაშ ბრიტანულ ფილმო რე მერჩქინელი. თეს მაჸუნჷ კაბეტ წჷმოძინეფქ: „I See a Dark Stranger“ (1946) — ალმარჩქილურ (შპიონურ) კომედია; „უჩა ნარციზი“ (1947) — ფსიქოლოგიურ დრამა. ზუსტას თე ფილმეფიშ უკული, კერიქ ამერიკაშა, ჰოლივუდშა გეგნორთჷ დო კონტრაქტ სტუდია MGM-წკჷმა ქუდოდჷ.

რესურსეფ ინტერნეტის

• დებორა კერი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
• დებორა კერი — კინოფილმეფიშ ინტერნეტ მუნაჩემეფიშ ბაზას (ინგლისური)
• დებორა კერი TCM-იშ კინოფილმეფიშ მუნაჩემეფიშ ბაზას
• Deborah Kerr "Rhymes with Star" tribute site
• Deborah Kerr Archived 7 July 2011 ვებ-ხასჷლას Wayback Machine. at Helensburgh Heroes.
• The Enigma of Deborah Kerr, ephemera, media files and essay at cinemagraphe.com.
• "From Kerr To Eternity", 55th Sydney Film Festival Deborah Kerr retrospective (2008).
• Deborah Kerr Rhymes With Star, and What a Star She Was: She Deserves to be Remembered, Too, Huffington Post, 7 April 2008.
• Deborah Kerr tribute by Spanish director Pedro Almodóvar, whose script for his film Broken Embraces was influenced by his reflections on her at the time of her death.
• Extensive collection of press articles from the 1940s to 2000s, photo galleries and other information Archived 2015-08-01 ვებ-ხასჷლას Wayback Machine. at deborahkerr.es (April 2009).
• Photographs and literature at virtual-history.com.