დეიოკი
| დეიოკი | |
| მიდიაშ მაფა | |
|---|---|
| პოსტის გერინაშ ბორჯი | |
| დოხ. ჯვ. წ. 700-იანი წანეფი – ჯვ. წ. 678 | |
| წიმოხონი | ომაფექ გიჭყჷ |
| მონძე | ფრაორტე |
| ნაღურა | ჯვ. წ. 678 |
| სქუალეფი | ფრაორტე |
| რელიგია | ჯვეშირანული რელიგია |
დეიოკი — მიდიაშ დუმარსხუაფალი დო მაართა მაფა. ჯვეში ბერძენი ისტორიკოსიშ, ჰეროდოტეშ მეჯინათ, დეიოკიქ დარსხუ მიდიაშ ომაფე. დუდშე მიდიარეფი ცხოვრონდეს ოფუტეეფს დო ვაუღუდეს ართოიანი, ცენტრალიზაფილი მართუალა. მუჟამს თინეფქ გინოჭყვიდეს მაფა ჸუნდესკონჷ, მიდიარეფქ გეგშაგორეს დეიოკი. დეიოკიქ აკაართიანჷ მიდიური ტომეფი, ეიოგჷ ნოღა ეკბატანა (ასეიანი ჰამადანი, ირანი) დო თინა გინაშქვუ მიდიაშ ომაფეშ ნანანოღათ. დეიოკი ომაფეს მართუნდჷ 53 წანაშ გოძვენას.