დორის დეი

დორის დეი
	დორის დეი
	Doris Day
	; დოეის დეი სარეკლამო პორტრეტის, 1960 წანა
ჯოხო დაბადება შვანს	დორის მერი ენ კაპელჰოფი
მოღალობა	1937–2012
	ბიოგრაფიული ჩინებეფი
დაბადებაშ თარიღი	3 პირელი, 1922
დაბადებაშ აბანი	ცინცინატი, ოჰაიო, ააშ
ღურაშ თარიღი	მესი 13, 2019 (97 წანერი)
ღურაშ აბანი	კარმელ-ველი, კალიფორნია, ააშ
საქვარუა:	არტისტი, მობირე, ჩხოლარეფიშ ნებეფიშ მათხილე
მენოღალობა	ააშ
ერუანობა	ამერიკალი
ალმასქუ	ალ ჯორდენი (გ. 1941; ჩეთხ. 1943); ჯორჯ ვეიდლერი (გ. 1946; ჩეთხ. 1949) მარტინ მელჩერი (გ. 1951; დოღურჷ 1968); ბარი კომდენი (გ. 1976; ჩეთხ. 1982);
სქუალეფი	ტერი მელჩერი
ჯილდოეფი:	პრეზიდენტიშ დუდიშალაშ მენდალი (2004); ; გრემი (2008, 2009);
	; [dorisday.com ოფიციალური ვებ-ხასჷლა]

დორის დეი (ინგლ. Doris Day; დაბადებაშ ჯოხო — დორის მერი ენ კაპელჰოფი ინგლ. Doris Mary Anne Kappelhoff; დ. 3 პირელი, 1922 — ღ. 13 მესი, 2019) — ამერიკალ ოსურ არტისტ დო მობირე. დოხოლაფირო 50-წანიან ართუაფაშ კარიერათ, დეი 1940-იან დო 1950-იან წანეფიშ ართ-ართ არძაშე პოპულარულ დო აღიარებულ მობირე ოსურ რდჷ, პარალელურ კარიერათ, მუჭოთ თარ არტისტ ჰოლივუდიშ ფილმეფს, სოდეთ თიქ 1960-იან წანეფიშ არძაშე კაბეტ ხაზნაშ მურიცხო გინირთჷ. თინა ჩინებულ რდჷ მუშ ეკრანულ „მეძობელ ცირაშ“ იმიჯით დო მუშ გიშაკერზაფილ ხონარით.

დეიქ მუშ კარიერა 1937 წანას დიჭყჷ, მუჭოთ ბიგ-ბენდიშ მობირექ. კაბეტ კომერციულ წჷმოძინას 1945 წანას მიოჭირინუ ჟირი№1 დინნაჭარათ:„Sentimental Journey“, „My Dreams Are Getting Better All the Time“, თე ბირეფ თიქ ლეს ბრაუნწკჷმა დო თიშ ორკესტრწკჷმა ართო დინაჭარჷ. მალას თიქ ბრაუნიშ ბუნა ქჷდიტუ, ანდანე სოლო კარიერა ქუდუჭყაფუდჷკონ. 1947 წანაშე 1967 წანაშა დორის დეიქ 650-შე უმოს ბირა დინაჭარჷ, ნამუქჷთ თინა თი ეპოქაშ არძაშე პროდუქტიულ მობირეთ გჷნართინუ. თიშ დინნაჭარა „Que Sera, Sera (მუთ იჸი თინა იჸი)“ თიშ „საფირმო ბირათო“ გინირთჷ. თე ბირაქ 2011 წანას საპატიო აბან დეკინჷ გრემიშ ვარადებაშ მაქდორს.

დეიშ კინოდებიუტიქ იმანჯჷ მუსიკალურ ფილმით „რომანსი ღილე ზუღას“ (1948). თიქ თარ როლ ილაჸაფჷ მუსიკალურ ფილმის „კალამიტი ჯეინი“ (1953) დო ილაჸაფჷ ალფრედ ჰიჩკოკის თრილერს „ადამიერი, ნამუსჷთ ბრელ უჩქუდჷ“ (1956). თინა როკ ჰადსონწკჷმა ართო ოკათუდჷ სუმ ძალამ წჷმოძინელ კომედიას, ნამუქჷთ თინეფ ეკრანიშ ლეგენდარულ ჭკობათ გინართინუ: „ინტიმურ რაგადი“ (1959) — თე როლიშო დორის დეიქ ოსკარიშ ნომინაცია მიღჷ საუჯგუშო არტისტ ოსურიშო; „ჸოროფილ, დირთი“ (1961); „პეულეფ ვამომჯღონა“ (1964). დეი თაშნეშე წოროხანდენდჷ არტისტ ჯეიმზ გარნერწკჷმა ფილმეფს: „მიწიკინ, ჩქიმ ძვირფას“ (1963) დო „თე ირფელიშ სიამება“ (1963). 1968 წანას კინოკარიერაშ თებაშ უკული, თიქ ტელევიზიაშა გინორთჷ დო მუშ სატელევიზიო სიტკომს „დორის დეიშ შოუ“ (1968–1973) თარ როლ ილაჸაფჷ.

დორის დეიშ მიშნაღელ თია ხელუანობაშა მუსხირენშა რდჷ აღიარებულ უმაღალაშიჯილდოეფით: 1989 წანას მიაჩჷ ორქოშ გლობუსიშ საპატიო, სესილ ბ. დემილიშ პრემია კინემატოგრაფიაშა მიშნაღელ თაიშ გეშა, 2004 წანას — ააშ-იშ პრეზიდენტიქ თინა დაჯილდჷ პრეზიდენტიშ დუდიშალაშ მენდლით, 2008 წანას — მიღჷ გრემიშ საპატიო ჯილდო რინაშულ მენაჭირინუფიშ გეშა, თაშნეშე „ლეგენდაშ პრემია“ მობირეეფიშ ჯარალუაშე, 2011 წანას — მიაჩჷ ლოს-ანჯელესიშ კინოკრიტიკოსეფიშ ასოციაციაშ პრემია კარიერულ მენაჭირინუეფიშენ. 2020 წანაშ მუნაჩემეფით, დეი რდჷ ართ-ართ თი ბრუო მუსიკოსშე, ნამუქჷთ ააშ-იშ ხაზნაშ ლიდერო ოთხშა გინირთჷნ.^[1]^[2] კარიერაშ თებაშ უკული, დეიქ ედომუშამ ენერგია ჩხოლარეფიშ თხილუას მეუძღვინჷ. თინა რდჷ ჩხოლარეფიშ ჯგირობუაშ გიშარჩქინელ მათხილე დო დარსხჷ მუსხირენ ორგანიზაცია: დორის დეიშ ჩხოლარეფიშ ლიგა (DDAL) — საადვოკატე ბუნა, ნამუთ ჩხოლარეფიშ ნებეფიშ თხილუაშ კანონეფშენ მუშენდჷ დო დორის დეიშ ჩხოლარეფიშ ფონდი (DDAF) — ვაკომერციულ ორგანიზაცია (დუდშე ჩინებულ მუჭოთ Doris Day Pet Foundation).

რესურსეფ ინტერნეტის

ოფიციალური ვებ-ხასჷლა
Doris Day Animal Foundation
დორის დეი — კინოფილმეფიშ ინტერნეტ მუნაჩემეფიშ ბაზას (ინგლისური)
დორის დეი საიტის Discogs

სქოლიო

↑ Doris Day. Gale (2013). კითხირიშ თარიღი: January 15, 2016.
↑ Hotchner, A.E. (1976). Doris Day: Her Own Story. New York: William Morrow and Company, Inc.. ISBN 978-0-688-02968-5.

[1] Doris Day. Gale (2013). კითხირიშ თარიღი: January 15, 2016.

[AEHotchner1976-2] Hotchner, A.E. (1976). Doris Day: Her Own Story. New York: William Morrow and Company, Inc.. ISBN 978-0-688-02968-5.

[1]

[2]