ედით ევანსი

ოსურპატჷნ ედით ევანსი
Edith Evans
ევანსი 1972 წანაშ პორტრეტის
ჯოხო დაბადება შვანს	ედით მერი ევანსი
მოღალობა	1910–1976
ბიოგრაფიული ჩინებეფი
დაბადებაშ თარიღი	8 ფურთუთა, 1888
დაბადებაშ აბანი	პიმლიკო, ლონდონი, ინგლისი
ღურაშ თარიღი	გჷმათუთა 14,, 1976 (88 წანერი)
ღურაშ აბანი	კრენბრუკი, კენტი, ინგლისი
საქვარუა:	არტისტი
მენოღალობა	გოართოიანაფილი ომაფე
ერუანობა	ინგლისარი
ალმასქუ	ჯორჯ ბუთი (გ. 1925; დოღურჷ 1935)
ჯილდოეფი:	DBE (1946)

ოსურპატჷნ ედით მერი ევანსი (ინგლ. Edith Mary Evans; დ. 8 ფურთუთა, 1888 — ღ. 14 გჷმათუთა, 1976) — ინგლისარ არტისტ რდჷ. თინა არძაშე უმოსო ჩინებულ რდჷ უესტ-ენდიშ სცენას რსულებურ მუშ ნახანდეფით, მარა თაშნეშე ლაჸაფენდჷ ფილმეფს მუშ კარიერაშ დაჭყაფუს დო დათებუს. 1964-შე 1968 წანაშა თინა სუმშა რდჷ ნომინირაფილ ოსკარიშ პრემიას.

ევანსიშ ოთეატრე კარიერაქ 60 წანაშე უმოსის გეგჷნძორუ, ნამუშ განწხანს თიქ 100-შე უმოს როლ ილაჸაფჷ. თინა ლაჸაფენდჷ მუჭოთ კლასიკურ ავტორეფწკჷმა, თინეფ შქას: შექსპირი, კონგრივი, გოლდსმიტი, შერიდანი დო უაილდი, თეშ ალმახანურ ჭარუეფიშ პიესეფს: ბერნარდ შოუ, ენიდ ბაგნოლდი, კრისტოფერ ფრაი დო ნოელ კაუარდი. ევანსიქ თარ როლეფ ილაჸაფჷ ბერნარდ შოუშ ჟირ პიესას: ორინთიაშ როლ პიესას „The Apple Cart“ (1929) დო ეპიფანიაშ როლ პიესას „The Millionairess“ (1940). თინა თაშნეშე ოკათუდჷ ავტორიშ შხვა ჟირ პიესაშ ბრიტანულ პრემიერეფს: „Heartbreak House“ (1921) დო „Back to Methuselah“ (1923).

ევანსიქ ფართოთ ჩინებულო გინირთჷ დუდეკინელ არისტოკრატულ ოსურეფიშ ლაჸაფით, მუჭომით რდჷ თიშ ჟირ არძაშე ჩინებულ როლს: ლედი ბრეკნელი ფილმის „სერიოზულობაშ შანულობა “ დო მის ვესტერნი 1963 წანაშ ფილმის „ტომ ჯონსი“. ლედი ბრეკნელიშ როლიშ რსულებაშ ბორჯის, მუშ გაწიაპებულ ფრაზაშ გჷმოთქუალუას — „ხეშჩანთა“ (A handbag), ოსკარ უაილდიშ პიესაშ სინონიმო გინირთჷ. თეშ მეხჷ, თიქ ილაჸაფჷ დაჩაგრებულ მოინალე ფილმის „ღურელ კრისტოფერ ბინი“ (1933), ექსცენტრულ დო გაჭირებულ რჩინუ ოსურ ფილმის „ფურცქინეფი“ (1967) დო თიშ ართ-ართ არძაშე აღიარებულ როლი — მძუძუ „რომეო დო ჯულიეტას“, ნამუთ თიქ ოთხ შხვადოშხვა დოდგუმას ილაჸაფჷ 1926 წანაშე 1961 წანაშა.

რესურსეფ ინტერნეტის

• Edith Evans Papers at the Harry Ransom Center, University of Texas at Austin
  • The Bryan Forbes Collection of Edith Evans
  • The Henry Hurford Janes Collection of Edith Evans
• Edith Evans — კინოფილმეფიშ ინტერნეტ მუნაჩემეფიშ ბაზას (ინგლისური)
• ედით ევანსი — ბროდვეიშ ინტერნეტ მუნაჩემეფიშ ბაზას (IBDb) (ინგლისური)
• Performances by Edith Evans listed in The Theatre Collection, University of Bristol
• The Collection of research material on Edith Evans, actress held by the Victoria and Albert Museum Theatre and Performance Department.