ედმუნდ მასკი

ედმუნდ მასკი Edmund Muskie
მასკი 1950-იან წანეფს
ააშ-იშ სახენწჷფო მელამოსე
პოსტის გერინაშ ბორჯი
8 მესი, 1980 – 18 ღურთუთა, 1981
პრეზიდენტი	ჯიმი კარტერი
წიმოხონი	საირუს ვენსი
მონძე	ალექსანდრე ჰეიგი
ააშ-იშ სენატორი მენიშე
პოსტის გერინაშ ბორჯი
3 ღურთუთა, 1959 – 7 მესი, 1980
წიმოხონი	ფრედერიკ პეინი
მონძე	ჯორჯ მიტჩელი
მენიშ გუბერნატორი
პოსტის გერინაშ ბორჯი
5 ღურთუთა, 1955 – 2 ღურთუთა, 1959
წიმოხონი	ბერტონ კროსი
მონძე	რობერტ ჰასკელი
დუნაბადი	28 მელახი, 1914 რამფორდი, მენი, ააშ
ნაღურა	მელახი 26, 1996 (81 წანერი) ვაშინგტონი, ააშ
მენოღალობა	ააშ
ერუანობა	ამერიკალი
პოლიტიკური პარტია	დემოკრატიული პარტია
ალმასქუ	ჯეინ გრეი
სქუალეფი	5
გონათაფა	კორნელიშ უნივერსიტეტი
ჯილდოეფი	დუდიშალაშ ოპრეზიდენტე მენდალი (1981)
ხეშმოჭარუა

ედმუნდ სიქსტუს მასკი (ინგლ. Edmund Sixtus Muskie; დ. 28 მელახი, 1914 — ღ. 26 მელახი, 1996) — ამერიკალი სახენწჷფო მოღალე დო პოლიტიკოსი, ააშ-იშ სახენწჷფო მელამოსე 1980-1981 წანეფს, ჯიმი კარტერიშ ადმინისტრაციას. 1959-1980 წანეფს მოღალენდჷ სენატორო დო 1955-1959 წანეფს უკებუდჷ მენიშ შტატიშ გუბერნატორიშ პოსტი.

ედმუნდ მასკიქ დებადჷ მენიშ ნოღა რამფორდის, პოლონარი მიგრანტეფიშ ფანიას. თიში მუმაქ, სტეფან მარციშევსკიქ 1903 წანას, პოლონეთიშე ოცხოვრებშა ამერიკაშა გეგნორთჷ დო 1914 წანას გვარი "მარციშევსკი" გეგნიკეთჷ "მასკი"-თ. ედმუნდ მასკი გურაფულენდჷ ბეიტსიშ კოლეჯის დო უკულ კორნელიშ უნივერსიტეტის, სოდეთ მიპალუ სამართალიშ ბაკალავრიშ ხარისხი. მაჟირა მოსოფელიშ ლჷმაშ მიმალობას, 1942-1945 წანეფს ნინალენდჷ ააშ-იშ ოზუღე ნძალეფიშ რეზერვის. 1946-1951 წანეფს მუშენდჷ მენიშ შტატიშ ლეგისლატურას. ჸათე ბორჯის მასკი მონაწილენდჷ ნოღა უოტერვილიშ მერიშ გიშაგორუეფს, მარა დემარცხჷ. 1954 წანას, მასკიქ გიშაგორილქ იჸუ მენიშ გუბერნატორო. 1959 წანას გინირთჷ ააშ-იშ სენატიშ მაკათურო. 1968 წანაშ საპრეზიდენტო გიშაგორუეფს, მასკი რდჷ ჰუბერტ ჰამფრიშ ვიცე-პრეზიდენტობაშ კანდიდატი, მარა ჰამფრიქ დემარცხჷ რესპუბლიკარი რიჩარდ ნიქსონიწკჷმა. მასკი მონაწილენდჷ 1972 წანაშ საპრეზიდენტო გიშაგორუეფს ხოლო დო დემოკრატიული პარტიაშ პრაიმერეფს მანთხა აბანი დეკინჷ. გიშაგორუეფს მარცხიშ უკულ, მასკიქ სენატის დართჷ. 1975-1980 წანეფს თინა რდჷ სენატიშ საბიუჯეტო კომიტეტიშ დუდმახვენჯი. ჸათე ბორჯის თიქ დარსხუ ააშ-იშ საბიუჯეტო პროცესი. 1980 წანაშ მესის, ჯიმი კარტერქ მასკი ქუდარინუ ააშ-იშ სახენწჷფო მელამოსეთ. ჸათე პოსტი თის ხვალე ბრუო თუთაშ გოძვენას უკებუდჷ. სახენწჷფო დეპარტამენტიშ მორაგადაფეფიშ შედეგო, 52 ამერიკალი გადუდიშულეს ირანალეფქ დო ოფიციალურო გეთუ ირანიშ მძევალეფიშ კრიზისიქ. 1981 წანაშ 16 ღურთუთას, კარტერქ მასკის გეგნოჩჷ პრესტიჟული დუდიშალაშ ოპრეზიდენტე მენდალი.

ქოძირით თაშნეშე

• ააშ-იშ სახენწჷფო მელამოსეეფიშ ერკებული

ლიტერატურა

• ენციკლოპედია ბრიტანიკა