ედუარდ დალადიე

ედუარდ დალადიე Édouard Daladier
დალადიე 1930-იან წანეფს
საფრანგეთიშ პრემიერ-მინისტრი
პოსტის გერინაშ ბორჯი
10 პირელი, 1938 – 21 მელახი, 1940
პრეზიდენტი	ალბერ ლებრანი
წიმოხონი	ლეონ ბლუმი
მონძე	პოლ რეინო
პოსტის გერინაშ ბორჯი
30 ღურთუთა, 1934 – 9 ფურთუთა, 1934
პრეზიდენტი	ალბერ ლებრანი
წიმოხონი	კამილ შოტანი
მონძე	გასტონ დუმერგი
პოსტის გერინაშ ბორჯი
31 ღურთუთა, 1933 – 26 გჷმათუთა, 1933
პრეზიდენტი	ალბერ ლებრანი
წიმოხონი	ჟოზეფ პოლ-ბონკური
მონძე	ალბერ სარო
დუდთხილუაშ მინისტრი
პოსტის გერინაშ ბორჯი
4 მანგი, 1936 – 18 მესი, 1940
პრემიერ-მინისტრი	ლეონ ბლუმი კამილ შოტანი მუ
წიმოხონი	ლუი მორენი
მონძე	პოლ რეინო
პოსტის გერინაშ ბორჯი
18 ქირსეთუთა, 1932 – 29 ღურთუთა, 1934
პრემიერ-მინისტრი	ჟოზეფ პოლ-ბონკური მუ
წიმოხონი	ჟოზეფ პოლ-ბონკური
მონძე	ჟან ფაბრი
დუნაბადი	18 მანგი, 1884 კარპანტრა, საფრანგეთი
ნაღურა	10 გჷმათუთა, 1970 (86 წანერი) პარიზი, საფრანგეთი
ნთხორუ აბანი	პერ-ლაშეზიშ სასაფლა
პოლიტიკური პარტია	რადიკალური პარტია
პროფესია	ისტორიკოსი, პოლიტიკოსი
ჯილდოეფი
ხეშმოჭარუა

ედუარდ დალადიე (ფრანგ. Édouard Daladier; დ. 18 მანგი, 1884 — ღ. 10 გჷმათუთა, 1970) — ფრანგი პოლიტიკოსი. მონაწილენდჷ მაართა მოსოფელიშ ლჷმას, სოდეთ დუდი გიმირჩქინჷ. ლჷმაშ თებაშ უკულ, აქტიურო ქაკათჷ პოლიტიკური პროცესეფს დო რადიკალური პარტიაშ ართ-ართი შანულამი ფიგურათ გინირთჷ. 1933-1934 წანეფს უკებუდჷ საფრანგეთიშ პრემიერ-მინისტრიშ პოსტი. 1932-1934 დო 1936-1940 წანეფს მოღალენდჷ დუდთხილუაშ მინისტრო დო უკულ, 1938 წანაშე კინ პრემიერ-მინისტრო.

1938 წანაშ 30 ეკენიას, ედუარდ დალადიექ, ნევილ ჩემბერლენი, ბენიტო მუსოლინი დო ადოლფ ჰიტლერიწკჷმა ართო ხე მაჭარჷ მიუნხენიშ ხეკულუას, ნამუშ ნძალათ ნაცისტური გერმანიას სუდეტიშ ოლქიქ გეგნაჩჷ. სუდეტიშ ოლქი ჩეხოსლოვაკიაშ აკოდგინალუაშა მიშმეშჷ დო თექ დოხოლაფირო სუმი მილიონი ადამიერი, უმოსო ეთნიკური გერმანალეფი ცხოვრენდეს.

წოხოლენი რანწკის კვარჩხანშე მარძგვანშა: ნევილ ჩემბერლენი, ედუარდ დალადიე, ადოლფ ჰიტლერი, ბენიტო მუსოლინი დო გალეაცო ჩიანო მიუნხენიშ ხეკულუაშ ხეშმოჭარუაშახ, 1938 წანაშ ეკენია

გერმანიაშ პოლონეთიშა მიშაჭკირუაშ უკულ, ბრიტანეთიქ დო საფრანგეთიქ გერმანიას ლჷმა გეგმუცხადეს. უკმაკური ლჷმაშ მიმალობას, ბრიტანეთის დო საფრანგეთის ვართ პოლონეთიშა მახვარებეს დო ვართ ფინეთიქ ათხილეს სხუნუეთიშ აგრესიაშე. 1940 წანაშ 21 მელახის დალადიექ პრემიერ-მინისტრიშ პოსტიშე გეგნოდირთჷ.

საფრანგეთიშ დონთხაფაშ უკულ, დალადიექ ოორუე აფრიკაშა ინტუ, მარა ვიშიშ რეჟიმქ თინა ოჭოფუ, გასამართჷ, გითოჩამა ქეკადვუ დო ჯიხას ქუდახუნუ. უკულ დალადიე გერმანალეფს გეგნოჩეს, დიო ბუხენვალდიშ საკონცეტრაციე კარეშა გეგნიჸონეს დო უკულ იტერიშ ჯიხაშა. გადუდიშულაფაშ უკულ, პოლიტიკური კარიერა გაგინძორჷ დო 1946 წანას დართჷ დეპუტატეფიშ პალატას. 1953 წანას გინირთჷ რადიკალური პარტიაშ პრეზიდენტო დო ოპონირენდჷ შარლ დე გოლიშ თარობას. ედუარდ დალადიექ ღურუ 1970 წანაშ 10 გჷმათუთას, 86 წანერქ. დასაფულებური რე პერ-ლაშეზიშ სასაფლას, პარიზის.

ლიტერატურა

• ენციკლოპედია ბრიტანიკა