ევა პერონი
| ევა პერონი Eva Perón | ||
.JPG) ევა პერონი 1948 წანას | ||
| არგენტინაშ მაართა ლედი | ||
|---|---|---|
| პოსტის გერინაშ ბორჯი | ||
| 4 მანგი, 1946 – 26 კვირკვე, 1952 | ||
| პრეზიდენტი | ხუან პერონი | |
| წიმოხონი | კონრადა ვიქტორია ფარელი | |
| მონძე | მერსედეს ლონარდი (1955) | |
ევა პერონიშ ფონდიშ პრეზიდენტი | ||
| პოსტის გერინაშ ბორჯი | ||
| 8 კვირკვე, 1948 – 26 კვირკვე, 1952 | ||
| წიმოხონი | პოსტიქ გიჭყჷ | |
| მონძე | დელია პაროდი | |
ოსურეფიშ პერონისტული პარტიაშ პრეზიდენტი | ||
| პოსტის გერინაშ ბორჯი | ||
| 29 კვირკვე, 1949 – 26 კვირკვე, 1952 | ||
| წიმოხონი | პოსტიქ გიჭყჷ | |
| მონძე | დელია პაროდი | |
| დუნაბადი | 7 მესი, 1919 ლოს-ტოლდოსი, არგენტინა | |
| ნაღურა | კვირკვე 26, 1952 (33 წანერი) ბუენოს-აირესი, არგენტინა | |
| ნთხორუ აბანი | რეკოლეტაშ სასაფლა, ბუენოს-აირესი | |
| მენოღალობა |  არგენტინა | |
| პოლიტიკური პარტია | ხუსტისიალისტური პარტია ოსურეფიშ პერონისტული პარტია | |
| ალმასქუ | ხუან პერონი | |
| ხეშმოჭარუა |  | |
მარია ევა დუარტე დე პერონი (ესპ. María Eva Duarte de Perón, დ. 7 მესი, 1919 — ღ. 26 კვირკვე, 1952), შინელი რდჷ მეტჯოხოთ ევიტა — არგენტინალი პოლიტიკოსი, აქტივისტი, მსახიობი დო ფილანთროპი, არგენტინაშ პრეზიდენტიშ ხუან პერონიშ მაჟირა ალმასქუ, არგენტინაშ მაართა ლედი 1946-1952 წანეფს.
ევა დუარტექ დებადჷ 1919 წანაშ 7 მესის, ნოღა ლოს-ტოლდოსის, ღარიბი ფანიას. 1934 წანას, ვითოხუთწანერი ევაქ ოცხოვრებშა ბუენოს-აირესიშა გეგნორთჷ, სოდეთ მეთხოზუდჷ ომსახიობე კარიერას. 1944 წანაშ 22 ღურთუთას, ევაქ გეჩინებაფუ პოლკოვნიკი ხუან პერონი. ართი წანაშ უკულ ხუანქ ევა ოსურო ქიმიჸონჷ. 1946 წანაშ ივანობას, ხუან პერონქ გიშაგორილქ იჸუ არგენტინაშ პრეზიდენტო. გეჸვენჯი ამშვი წანაშ გოძვენას, ევაქ შანულამი პოპულარობა მიპალუ, მუჭოთ უბრალო ადამიერეფიშ დო ოსურეფიშ ნებეფიშ მათხილექ. ევა ხემანჯღვერენდჷ ხანდაშ დო სინთელეშ სამინისტროეფს, მარა ოფიციალური პოსტი ვაუკებუდჷ. 1948 წანას თიქ ქუდარსხუ ფონდი, ნამუთ ფილანტროპული საქვარეფით რდჷ დაკებული. ართი წანაშ უკულ, 1949 წანაშ კვირკვეს, ევა პერონქ დარსხუ ოსურეფიშ პერონისტული პარტია, ნამუშ მაკათურეფი ხვალე ოსურეფი რდეს. ჸათე პარტია პერონისტული პარტიაშე ზოხორინელო არსებენდჷ დო მუში დორხველი სტრუქტურა დო ინსტიტუციეფი უღუდჷ. პარტია ლჷმენდჷ ოსურეფიშ პოლიტიკური ნებეფიშო (გიშაგორუეფს მონაწილებაშ ნება დო შხვა).
1951 წანას ევაქ დუდი ქჷმწარინუ ვიცე-პრეზიდენტობაშ კანდიდატო. თიში კანდიდატურას ხუჯი დუკინეს პერონისტეფქ დო არგენტინაშ მახორუეფიშ კაბეტი მუდანობაქ. ევაშ კანდიდატურას ოპონირენდეს არგენტინაშ აკოანჯარაფილი ნძალეფიშ დო ბურჟუაზიაშ წჷმმარინაფალეფი. ჸათეშ გეშათ ევაქ მუში კანდიდატურა მონწყუ. 1952 წანას, არგენტინაშ ერუანული კონგრესიქ ევა გეგმაცხადჷ არგენტინალი ერიშ ოშურიელე ლიდერო. ევა პერონქ ღურუ 1952 წანაშ 26 კვირკვეს, სასკუოშ ჸალიშ კიბოთ. ევა 33 წანერი რდჷ.
ლიტერატურა
[რედაქტირაფა | წყუშ რედაქტირაფა]
|
თე სტატია არგენტინაშ დო არგენტინარეფიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |