ევროპაშ რსხუ
|
|||
| დევიზი | In varietate concordia (ართოიანალა მიარეფერუანობას რე) |
||
| ჰიმნი | Ode an die Freude | ||
| ევრორსხუშ მაკათური ქიანეფი | 27 | ||
| ოფიციალური ნინეფი | 23 | ||
| პოლიტიკური ცენტრეფი | |||
| ევროკომისიაშ პრეზიდენტი | |||
| ევროპაშ პარლამენტიშ დუდმახვენჯი | |||
| ევრორსხუშ სხუნუშ დუდმახვენჯი სახენწჷფოეფი |
( 2009 წანაშ 1 ღურთუთაშე ) |
||
| ევროპაშ რსხუშ სხუნუშ დუდმახვენჯი |
( 2009 წანაშ 1 ღურთუთაშე ) |
||
| ფართობი — ედომუშამი |
მა–7 მოსოფელს * 4 892 685 კმ² |
||
| მახორობა — ედომუშამი (2007) — მეჭედალა |
მა–3 მოსოფელს * 500 852 385 116,4 კ/კმ² |
||
| დირსხუ ხექ მიჭარჷ ნძალაშა მიშართჷ |
მაასტრიხტიშ აპიჯაფა 7 ფურთუთა 1992 1 გერგობათუთა 1993 |
||
| რსხუშ ვალუტეფი | 12 | ||
| სასაათო ორტყაფუ | UTC 0-შე +2 -შახ |
||
| ჟინი დონეშ დომენი | .eu მაჟირა დონეშ — .eu.int |
||
| ოფიციალური ვებ–ხასჷლა | http://europa.eu/ | ||
| * დოფსხუნუნთ შურო-და | |||
ევროპაშ რსხუ (ინგლისურო - European Union, ფრანგულო - Union européenne), კუნტარაფილო ევრორსხუ - ევროპაშ სახენწჷფოეფიშ შხუ პოლიტიკური დო ეკონომიკური გოართოიანაფა, 1993 წანაშახ ევროპული წორომაჸალობა (ინგლისურო - European Community, ფრანგულო - Communauté européenne) ჯოხოდჷ. თიშ მაკათური რე ევროპაშ 28 სახენწჷფო, ნამუეფიშ ედომუშამი ფართობი 3 892 ვითოში კვ. კმ რე, მახორობა - 455 მლნ. ართობური ერუანული პროდუქტიშ დო ოგალენე ვაჭარუაშ მასშტაბეფით ევროპაშ რსხუ გიწმულუანს ააშ-ს დო იაპონიას.
დინორე
ევრორსხუშ დორსხუაფა[რედაქტირაფა]
ევროპაშ ტერიტორიას, ევრორსხუშ მასშტაბეფიშ მანგური ართოიანი სახენწჷფოეფი რდჷ: ბჟადალ რომიშ იმპერია, ფრანკეფიშ სახენწჷფო, საღორონთო რომიშ იმპერია. ულირი ვითოშწანურეფიშ გოძვენას ევროპა დორთილი რდჷ, მარა თიშ გოართოიანაფაშ გეშა იდეა ირო რდჷ. ამერიკული რევოლუციაშ უკული გორჩქინდჷ იდეაქ ევროპაშ აკოართაფილი შტატეფიშ გეშა, ნამუქჷთ ხეახალშო გორჩქინდჷ მაჟირა მოსოფელიშ ლჷმაშ უკული.
მა-20 ოშწანურაშ მაართა გვერდის ევროპაქ ჟირი მოსოფელიშ ლჷმა გეგნიღჷ, მუქჷთ არძა ქიანას ქჷდიტუ ნოქური - ქეკიდინუ ვითობათ მილიონიშ შური, მოჯალაგერი ნოღეფი, აკოცჷმილი ეკონომიკა, მოლასირი კომუნიკაციეფი. ევროპაშ სახენწჷფოეფქ დიჭყეს შარეფიშ გორუა მუმალს რჩქალ რინაშ გარანტიეფშო. თინეფქ ჭიი-ჭიეთ დოგორეს ართოიანალაშ დო მეჭედას წორომოხანდალაშ იდეა დო ქჷგიოდირთეს პრინციპულ პოლიტიკას, ნამუშ ღანკი ეკონომიკური დო პოლიტიკური ინტეგრაცია, თინჩალა დო უშქურანჯობა რდჷ.
დოდგინელი ღანკეფიშ ეჸონაფაშ შარას ევროპაშ სახენწჷფოეფქ ქეშილებეს ხასჷლას ალულუაფუდესკო სერიოზულ კრიზისეფი დო აკმაბორკალ ფაქტორეფშა. ევრორსხუშ დუდ მეჭირინდაფათ შილებე იკოროცხას ხანგინძე თინჩალაშ უნარღელჸოფაქ მაკათურ ქიანეფ შქას, ნამუეფით რდეს ინოჸუნაფილეფი შხვადოშხვა აკოანჯარაფილ კონფლიქტეფშან დო დემოკრატიული აპიჯაფა, ნამუშ მოხვარათ ეიჸონაფუაფუ საართო ღანკეფი.
ევრორსხუშ ლეგალური ოსხირი[რედაქტირაფა]
ევროპაშ რსხუ ეგაფილი რე ევროპული წორომაჸალობაშ ურთიართალეფიშ თელი ართობურალაშ ოსხირშა:
- ქუანოშქერიშ დო ფულანდიშ ევროპული გოართოიანაფა - 1951 წანას თე ორგანიზაციაშე დიჭყჷ ევროპაშ რსხუშ დორსხუაფაქ;
- ევროპული წორომაჸალობა - დირსხუ 1957 წანას თ.გ. რომიშ აპიჯაფათ დო ჯოხოდჷ ევროპაშ ეკონომიკური წორომაჸალობა ანუ “საართო ბაზარი”;
- ატომური ენერგიაშ ევროპული წორომაჸალობა - დირსხუ 1957 წანას.
ევროპაშ რსხუს ინტეგრაციული პროცესეფიშ თარი ღანკეფი გოხურგილი რე შხვადოშხვა დოკუმენტეფით:
- რომიშ აპიჯაფა - ხექ მოჭარილქ იჸუ 1957 წანას;
- ართოიანი ევროპული აქტი - ხექ მოჭარილქ იჸუ 1987 წანას;
- მაასტრიხტიშ აპიჯაფა - ხექ მოჭარილქ იჸუ 1992 წანას;
- ამსტერდამიშ აპიჯაფა - ხექ მოჭარილქ იჸუ 1997 წანაშ გჷმათუთას;
ევრორსხუშ ჯინჯიერი დოკუმენტი ამდღარშო რე 2003 წანაშ ”მეართაფაშ აპიჯაფა” (Treaty of Accession), ნამუქჷთ ნძალაშა მიშართჷ 2004 წანაშ 1 მესის. ჟიმოჸონაფილი აპიჯაფეფით გოხურგილი ევრორსხუშ მაკათური სახენწჷფოეფიშ სამართალობური, პოლიტიკური, ეკონომიკური დო შხვა სახეშ ვალდვალირაფეფქ იფორმირჷ ართოიან დოკუმენტის, ევრორსხუშ კონსტიტუციაშ პროექტის, ნამუშ ეჭოფუაშ პროცედურა თეჟამო ხოლო მეურს.
ევრორსხუშ კომპეტენციეფი[რედაქტირაფა]
ევრორსხუ რე მიარესექტორამი ინტეგრაციაშ გოვითარაფილი ფორმა, ნამუშ კომპეტენცია იფაჩუ ევროპაშ 27 სახენწჷფოშ ეკონომიკაშა, რეწუალაშა, მენოღალეფიშ ნებეფშა, დინოხოლენ დო ოგალენე პოლიტიკაშა. ევროპულ აპიჯაფეფიშ დოდვალაშ ბორჯის მაკათური სახენწჷფოეფი სუვერენიტეტიშ ნორთის გინმოჩანდეს თი ზოხორინელ ინსტიტუტეფს, ნამუეფით თხილანა ერუანულ დო საართო ინტერესეფს. ევრორსხუშ დუდალაშ თუდო რე საართო ეკონომიკური ბაზარი, საბაჟო რსხუ, ართოიანი ვალუტა, საართო საოფუტო-სამეურნო პოლიტიკა დო შხვა.
ევრორსხუშ ინსტიტუტეფი[რედაქტირაფა]
ტრადიციული ოერეფოშქაშე ორგანიზაციეფშე ევროპაშ რსხუს გჷშმაგორჷნს მუში უნიკალური ინსტიტუციური სტრუქტურა. აკოქიმინელი რე ზოხორინელი ინსტიტუტეფი, ნამუეფით აკმაფშანა ართმაჟირას დო ირს გარკვიული როლი უღჷ გინოჭყვიდირუაშ ეჭოფუაშ პროცესის.
ევროპაშ რსხუშ სისტემაშ საართო ორგანოეფი დო ინსტიტუტეფი:
- ევროპული სხუნუ
- ევროპაშ პარლამენტი
- ევროკომისია
- ევროპულ წორომაჸალობეფიშ სასამართალო
- ევროპაშ აუდიტორეფიშ სასამართალო
ევრორსხუშ საფინანსო ორგანიზაციეფი:
ევრორსხუშ შხვა მოხვარე ორგანოეფი:
- ევროპაშ რეგიონეფიშ კომიტეტი
- ევროპაშ ეკონომიკური დო სოციალური კომიტეტი
- ევროპაშ პოლიტიკაშ დო უშქურანჯალაშ კომიტეტი
ევრორსხუშ შხვადოშხვა ინსტიტუტეფი შხვადოშხვა ქიანეფს დო ნოღეფს რე: ბრიუსელი (ბელგია), სტრასბურგი (საფრანგეთი), ლუქსემბურგი (ლუქსემბურგი), მაინიშ ფრანკფურტი (გერმანია). ევრორსხუს ოფიციალური პოლიტიკური ცენტრი ვა უღჷ, მარა დე-ფაქტო ”ნანანოღათ” ბრიუსელი იკოროცხუ.
ევრორსხუშ სიმბოლოეფი[რედაქტირაფა]
- ევრორსხუშ დევიზი
- ევრორსხუშ შილა
- ევრორსხუშ დღასანწალი
- ევრორსხუშ ნინეფი
- ევრორსხუშ ვალუტა
- ევრორსხუშ კონსტიტუცია
- ევრორსხუშ ჰიმნი
ევრორსხუშ მაკათურეფი[რედაქტირაფა]
ევრორსხუშ დჷმარსხუაფალი სახენწჷფოეფი:
██ ევრორსხუშ მაკათურეფი
██ კანდიდატები
ევრორსხუშ შხვა მაკათური სახენწჷფოეფი:
- 1973:
დანია,
დიდი ბრიტანეთი,
ირლანდია - 1981:
საბერძნეთი - 1986:
ესპანეთი,
პორტუგალია - 1995:
ავსტრია,
ფინეთი,
შვედეთი - 2004:
ესტონეთი,
კვიპროსი,
ლატვია,
ლიტვა,
მალტა,
პოლონეთი,
სლოვაკეთი,
სლოვენია,
უნგრეთი,
ჩეხეთი - 2007:
ბულგარეთი,
რუმინეთი
ევრორსხუშ მაკათურალაშ კანდიდატი სახენწჷფოეფი:
ევრორსხუშ მაკათურო შილებე გინირთას ევროპაშ ნამუდგა ქიანაქ, ნამუთ აღიარენს პლურალისტურ დემოკრატიას, კანონიშ უჟინაშალას, თხილანს მუში მენოღალეეფიშ კონსტიტუციურ ნებეფს, გაჩქჷ გენწყილი დო კონკურენტუნარიანი საბაზარო ეკონომიკა, აკმირზიენს ევრორსხუშ პოლიტიკურ დო ეკონომიკურ ღანკეფს.
ქოძირით თაშნეშე[რედაქტირაფა]
რესურსეფი ინტერნეტის[რედაქტირაფა]
- EUROPA ოფიციალური პორტალი
- ინსტიტუციეფი
- ევროპაშ კონსული
- ევროპაშ კომისია
- კონსული
- ევროპაშ პარლამენტი
- ევროპაშ ცენტრალური ბანკი
- ევროპაშ რსხუშ სასამართალო
- აუდიტორეფიშ სასამართალო
- სააგენტოეფი
- EUR-Lex – EU Laws
- Eurostat – European Union Statistics Explained
- Datasets related to the EU on CKAN
- CIA World Factbook: European Union entry at The World Factbook
- British Pathé Online newsreel archive of the 20th century
|
|||||