ეზერ ვაიცმანი

ეზერ ვაიცმანი עזר ויצמן
ისრაელიშ მა-7 პრეზიდენტი
პოსტის გერინაშ ბორჯი
13 მესი, 1993 – 13 კვირკვე, 2000
პრემიერ-მინისტრი	იცხაკ რაბინი შიმონ პერესი ბინიამინ ნეთანიაჰუ ეჰუდ ბარაკი
წიმოხონი	ხაიმ ჰერცოგი
მონძე	მოშე კაცავი
დუდთხილუაშ მინისტრი
პოსტის გერინაშ ბორჯი
20 მანგი, 1977 – 28 მესი, 1980
პრემიერ-მინისტრი	მენახემ ბეგინი
წიმოხონი	შიმონ პერესი
მონძე	მენახემ ბეგინი
დუნაბადი	15 მანგი, 1924 თელ-ავივი, პალესტინა
ნაღურა	24 პირელი, 2005 (80 წანერი) კესარია, ისრაელი
მენოღალობა	ისრაელი
ერუანობა	ურია
პოლიტიკური პარტია	ლიკუდი იაჰადი ავოდა
ალმასქუ	რეუმა შვარცი
სქუალეფი	2
პროფესია	ოურდუმე მოღალე, პოლიტიკოსი
ჯილდოეფი	ჩე ნჯილოშ ორდენი (1996) რუმინეთიშ მურიცხიშ ორდენი (1999)
ხეშმოჭარუა

ეზერ ვაიცმანი (ურ. עזר ויצמן, დ. 15 მანგი, 1924 — ღ. 24 პირელი, 2005) — ისრაელარი ოურდუმე მოღალე დო პოლიტიკოსი, ისრაელიშ პრეზიდენტი 1993-2000 წანეფს, ისრაელიშ მაართა პრეზიდენტიშ ხაიმ ვაიცმანიშ ჯიმასქუა.

ეზერ ვაიცმანი ნინალენდჷ ბრიტანეთიშ ოურდუმე-ოჰაერე ნძალეფს, მაჟირა მოსოფელიშ ლჷმაშ მიმალობას. უკულიანი პერიოდის, ვაიცმანი რდჷ ისრაელიშ ოურდუმე-ოჰაერე ნძალეფიშ ართ-ართი დუმარსხუაფალი. 1958 წანას, ქუდარინეს ისრაელიშ ოურდუმე-ოჰაერე ნძალეფიშ თარსარდალო. ჸათე პოსტის გერინაშ ბორჯის, ვაიცმანქ მიშეღჷ კაბეტი თია ოურდუმე-ოჰაერე ნძალეფიშ ტრანფორმაციაშა დო მოდერნიზაციაშა, აკიმუშუ ახალი ტაქტიკა დო სტრატეგიეფი. 1969 წანაშე ვაიცმანი რდჷ ქნესეთიშ მაკათური. 1977 წანას ვაიცმანი ქუდარინეს ისრაელიშ დუდთხილუაშ მინისტრო. თიქ, 1978 წანას არსულჷ შანულამი როლი ეგვიპტეწკჷმა ოთინჩალე მორაგადაფეფს. 1980 წანას პოსტიშე გეგნოდირთჷ დო ბიზნეს-საქვარია ქიმწიჭყჷ. 1993 წანას ეზერ ვაიცმანქ გიშაგორილქ იჸუ ისრაელიშ, რანწკით მაშკვითა პრეზიდენტო, ნამუთ უმოსო ცერემონიული პოსტი რე დო შანულამი ხეშულობა ვაუღჷ. ვაიცმანქ, 1998 წანას კინ ახალშო იჸუ გიშაგორილქ პრეზიდენტო. 2000 წანას, თიქ პოსტიშე გეგნოდირთჷ ფინანსურ-კორუფციული სკანდალეფიშ გეშა.

ქოძირით თაშნეშე

• ისრაელიშ პრეზიდენტი

ლიტერატურა

• ენციკლოპედია ბრიტანიკა