ემილ ზინსუ
| ემილ დერლენ ზინსუ Émile Derlin Zinsou | ||
 ზინსუ 1963 წანას | ||
| დაჰომეშ პრეზიდენტი | ||
|---|---|---|
| პოსტის გერინაშ ბორჯი | ||
| 17 კვირკვე, 1968 – 10 ქირსეთუთა, 1969 | ||
| წიმოხონი | ალფონს ამადუ ალე | |
| მონძე | მორის კუანდეტე | |
| დუნაბადი | 23 მელახი, 1918
ვიდა, დაჰომეა | |
| ნაღურა | კვირკვე 28,, 2016 (98 წანერი)
კოტონუ, ბენინი | |
| მენოღალობა |  ბენინი | |
| საქვარუა | პოლიტიკოსი, ექიმი | |
| ხეშმოჭარუა |  | |
ემილ დერლენ ზინსუ (დ. 23 მელახი, 1918 — ღ. 28 კვირკვე, 2016) — ბენინარი პოლიტიკოსი დო ექიმი, დაჰომეაშ (ასეიან ბენინი) პრეზიდენტი 1968-1969 წანეფს.[1]
გურაფულენდჷ მედიცინას. მაჟირა მოსოფელიშ ლჷმაშ უკულიან პერიოდის მოღალენდჷ ჟურნალისტო დო აქტიურო ოკათუდჷ პოლიტიკას. რდჷ საფრანგეთიშ ერუანული ასამბლეაშ მაკათური. 1960 წანას, გიშაგორილქ იჸუ დაჰომეაშ ასამბლეაშ მაკათურო დო უჟინაში სასამართალოშ პრეზიდენტო. დაჰომეაშ ზოხორინელობაშ (1960 წანაშ 1 მარაშინათუთა) უკულ, უკინებუდჷ შხვადოშხვა შანულამ პოსტეფი. რდჷ გალენურ საქვარეფიშ მინისტრი დო დაჰომეაშ ელჩი საფრანგეთის.[2]
ოურდუმე მართუალაშ მიმალობას, 1968 წანას ოურდუმე მოღალეეფიშ მოჭანაფათ გინირთჷ პრეზიდენტო. მართუალაშ გოძვენას, ძალამს ოცადუდჷ პოლიტიკურ წჷმოძინეფიშ მეჭირნაფას, მარა ქიანა სერიოზულ პრობლემეფიშ წოხოლე გერდჷ. არდგილ უღუდჷ ეკონომიკურ სტაგნაციას, ნამუშ გინოჭყვიდუას ზინსუ აქტიურო ოცადუდჷ.[3]
1969 წანაშ ქირსეთუთას მინწყუ ოურდუმე გინორთაქ ზინსუშ ხეშულობაშ მეხჷ. შედეგო ზინსუშ თარობა ქუდახუეს. ჟირ წანაშ უკულ, 1970 წანას მონაწილენდჷ საპრეზიდენტო გიშაგორუეფს, მარა ხონარეფიშ ხვალე ჭიჭე მუდანობა მიღჷ. უკულიან ბორჯის, პარიზშა მიდართჷ დო თექ ცხოვრენდჷ. საფრანგეთშე თინა აქტიურო ოპონირენდჷ დაჰომეაშ მარქსისტულ რეჟიმს. 1980-იან წანეფს ქიანას დემოკრატიულ პროცესეფქ ქიდიჭყჷ. ზინსუქ ბენინშა დირთჷ დო პოლიტიკურ პარტია ხოლო ქუდარსხუ, მარა პოლიტიკურ პროცესეფს თიშ პარტიას შანულამ როლი ვაულჸაფინჷ.[4]